ޚަބަރު

އެމް.އޭ.ސީ.އެލްއިން ސީޕްލޭންގެ އައު ޓާމިނަލް ދައްކާލައިފި

7 ޖުލައި 2022 - 16:04

ވެލާނާ އިންޓަރނޭޝަނަލް އެއަރޕޯޓުގައި ހަދަމުން އައި އައު ސީޕްލޭން ޓާމިނަލް މީޑިއާއަށް މިއަދު ދައްކާލައިފި އެވެ.

މި އައު ސީޕްލޭން ޓަރމިނަލްއަކީ ވެލާނާ އިންޓަރނޭޝަނަލް އެއަރޕޯޓު ތަރައްގީކުރުމުގެ އެއް ފިޔަވައްޗެވެ.

advertisement

އަދި ރާއްޖޭގެ މައި ގޭޓު، މި އެއަރޕޯޓު ތަރައްގީކުރުމަކީ ރާއްޖޭގައި ކުރިއަށްގެންދާ ޢުމްރާނީ ތަރައްޤީގެ އެންމެ ބިޔަ މަޝްރޫއުއެވެ.

މި ސީޕްލޭން ޓާރމިނަލް އަކީ 55 މިލިއަން ޑޮލަރު ޚަރަދުގައި، ޒަމާނީ ވަސީލަތްތަކާއެކު އިމާރަތްކުރެވިފައިވާ ޓާމިނަލް އެކެވެ.

އައު ސީޕްލޭން ޓާމިނަލް އަޅާފައިވަނީ މިހާރު ޓީ.އެމް.އޭއިން ބޭނުންކުރަމުންދާ ސީޕްލޭން ޓާމިނަލްގެ ސަބަބުން އަލަށް އެއަރޕޯޓުގައި ހަދާފައިވާ ރަންވޭ ބޭނުން ނުކުރެވޭތީ އެވެ.

ބައިނަލްއަޤުވާމީ އޭވިއޭޝަން ސްޓޭންޑަޑްގެ ދަށުން ރަންވޭއާއި ވަކި ދުރުމިނެއް ހިމެނޭ ސަރަޙައްދުގައި ޢިމާރާތް ފަދަ ތަންތަން ހުރުމަކީ މަނާކަމެކެވެ.

ރާއްޖޭގައި ސީޕްލޭންގެ ޚިދުމަތް މިވަގުތު ދެމުން އަންނަނީ ޓްރާންސް މޯލްޑިވިއަން އެއާވޭސް (ޓީއެމްއޭ)، މަންތާ އެއާ އަދި މީގެ އިތުރުން މޯލްޑިވިއަންއެވެ.

ރިއެކްޝަންސް
0
1
0
0
0
0
0