މާބަނޑުއިރު މާގިނައިން ހަކުރު އެކުލެވޭ ތަކެތި ބޭނުންކުރާނަމަ ދަރިފުޅަށް ކުރާ ނޭދެވޭ އަސަރު

މާގިނައިން ހަކުރު ބޭނުންކުރުމަކީ ހަށިގަނޑަށް ގެއްލުން ހުރި ކަމެކެވެ. އެހެންކަމުން ހަކުރު ބޭނުންކުރުމުގައި ވަރަށް ބޮޑަށްވެސް ސަމާޅުވާންޖެހެއެވެ. ވަކިން ޙާއްސަކޮށް މާބަނޑު މީހުން ހަކުރު ބޭނުންކުރުމުގައި ބަލަންޖެހެއެވެ. ސަބަބަކީ ބޭނުންކުރަންޖެހޭ މިނަވްރަށް ވުރެ އިތުރަށް ހަކުރު ބޭނުންކުރެވިއްޖެނަމަ ބަނޑުގައި އޮންނަ ދަރިފުޅަށް އޭގެ ނޭދެވޭ އަސަރުކުރާތީއެވެ.

އިނގިރޭސި ވިލާތުގެ ޔުނިވަސިޓީ އޮފް ބްރިސްޓަލް އިން ކުރި ދިރާސާއަކުން ދައްކާގޮތުގައި މާބަނޑު މީހުން ހަކުރު ބޭނުންކުރުން ގިނަ ނަމަ ބަނޑުގައި އޮންނަ ދަރިފުޅަށް އެލާޖީ އާއި ނޭވާހިއްލުމުގެ މައްސަލަ ކުރިމަތިވުމުގެ ފުރުސަތު ބޮޑެވެ.

advertisement

މި ދިރާސާގައި ބައިވެރިކުރި މާބަނޑު މީހުންގެ ތެރެއިން ގިނައިން ހަކުރު ބޭނުންކުރި ކެޓަގަރީގައި ހިމެނޭ 20 ޕަސެންޓް މީހުންނަށް އެލާޖީސްގެ މައްސަލަ ކުރިމަތިވި ނިސްބަތް 38 ޕަސެންޓުގައި ހުރި އިރު މަދުން ހަކުރު ބޭނުންކުރި މީހުންގެ މެދުގައި މި ނިސްބަތް ހުރީ 20 ޕަސެންޓުގަ އެވެ.

މީގެ އިތުރުން އެންމެ ގިނައިން ހަކުރު ބޭނުންކުރި މައިންނަށް ލިބުނު ކުދިންނަށް އެލާޖީސް އާއި ނޭވާހިއްލުމުގެ މައްސަލަ ކުރިމަތިވުމަށް އޮތް ފުރުސަތު 101 ޕަސެންޓަށް އިތުރުވާ ކަމަށް ވެސް މި ދިރާސާއިން ވަނީ ހާމަވެފަ އެވެ.

ދިރާސާ ޓީމުން ބުނީ އެލާޖީ އާއި ނޭވާހިއްލުމާ ހަކުރު މިހާ ބޮޑަށް ގުޅެނީ ހަކުރުގައި ހުންނަ ފުރުކްޓޯސްގެ ސަބަބުން ފުއްޕާމޭގައި އިންފްލެމޭޝަން އުފެދި އެލާޖިކް ވާތީ ކަމަށެވެ.