ޒުވާން ދަނޑުވެރިޔާ، ދަނޑުވެރިކަމަށް އެތެރެކުރި ވަޅިއެއް ކަސްޓަމްސްއިން ހިފެހެއްޓުމުން އާންމުންގެ ނުރުހުން

ދަނޑުވެރިކަމުގެ ބޭނުމަށް ރާއްޖެ ގެނައި ވަޅިއެއް މޯލްޑިވްސް ކަސްޓަމް ސަރވިސްއިން ހިފަހައްޓާފައިވާތީ ޒުވާން ދަނޑުވެރިޔާ އެކަމުގެ ކަންބޮޑުވުން ފާޅުކޮށްފިއެވެ.

ޓްވިޓަރގައި ޒުވާން ދަނޑުވެރިޔާ ބުނެފައިވަނީ އިންޑިއާއިން ދަނޑުވެރިކަމަށް ގެނައި ކަތިވަޅިއެއް ރާއްޖޭގައި ނުރައްކާތެރި ހަތިޔާރަކަށްވީއިރު ފިހާރަތަކުގައި އެކި ބައްޓަމަށް ހުންނަ ވަޅިތައް ވިއްކުން މަނާ ނޫނީ ކީތްވެތޯ ވަނީ ސުވާލުއުފައްދާފައެވެ.

advertisement

Dhanduveri beynumah genai kathivalhieh. Genaee TNAU india in. Mee Raajjeyga nurakkaatheri hathiyaarakah vee iru. Fihaarathakuga eki shape shape ah kathivalhi ufaddhaafa vikkun manaleh noon. @DrHussainHassan @MoDmv @MoFMRAmv pic.twitter.com/rCNTXgHId5— Zuvaan Dhanduveriyaa (@ZuvanDhaduveria) July 20, 2022

މޯލްޑިވްސް ކަސްޓަމް ސަރވިސްއިން ޒުވާން ދަނޑުވެރިޔާ އަށް ފޮނުވާފައިވާ ސިޓީއެއްވެސް ޓްވިޓަރއަށް ވަނީ ހިއްސާކޮށްފައެވެ. މި ސިޓީގައި ބުނެފައިވަނީ އަބްދުﷲ ރަމްޒީގެ ނަމުގައި ރާއްޖެ ގެނެސްފައިވާ ހަންޓިން ބިލް ހުކާ ނައިފް އަކީ މީހުންގެ ހަށިގަނޑަށް ގެއްލުން ދިނުމަށް ބޭނުންކުރެވިދާނެ އެއްޗެއްކަމަށް ފެންނާތީ އޭގެ ވެރިފަރާތައް ދޫކުރަން ނުފެންނަ ކަމަށް މޯލްޑިވްސް ނޭޝަނަލް ޑިފެންސް ފޯސް އިން އަންގާފައިވާތީ ދިވެހިރާއްޖެއަށް ގެނައުން މަނާ ތަކެތީގެ ޤާނޫނުގެ ދަށުން މިތަކެތި ދޫނުކޮށް ހިފަހައްޓާފައިވާކަމަށެވެ.

Meega ebaintho jahaafa Mee hunting billhook knife ekey. @CustomsMv @MoFMRAmv @MNDF_Official. Google search kobbala VINKA PRUNING CUTTER jahaigen. pic.twitter.com/4E0nRZWRg0— Zuvaan Dhanduveriyaa (@ZuvanDhaduveria) July 20, 2022

ޒުވާން ދަނޑުވެރިޔާ އިތުރަށް ޓްވިޓަރގައި ބުނެފައިވަނީ ހަންޓިން ބިލް ހޫކް ނައިފްއެކޭ ކިޔާއިރު އުފެއްދި ފަރާތުން މިއަށް ދީފައިވާ ނަމަކީ “ވިންކަރ ޕްރޫނިން ކަޓަރ” ކަމަށެވެ. މިއީ ދަނޑުވެރިކަމާއި، ގާޑެނިންއަށް އަދި ހޯޓިކަލްޗަރއަށް ބޭނުންކުރާ ވަޅިއެއްކަމަށް އޭނާ ވަނީ ބުނެފައެވެ.

ޒުވާން ދަނޑުވެރިޔާއަކީ އައްޑޫގައި ފުޅާދާއިރާއެއްގައި ދަނޑުވެރިކަން ކުރަމުން އަންނަ ފަރާތެކެވެ. ތަފާތު އެކި ދަނޑުވެރިކަމުގެ ބާވަތްތައް އޭނާ އަންނަނީ ހައްދަމުންނެވެ. އޭގެތެރޭގައި އެންމެ ފާހަގަކޮށްލެވެނީ ޑްރެގަން ފްރުޓްއެވެ.