ރަނގަޅީ މަދުން އަވަހަށް ކެއުންތަ ނޫނީ ބޮޑު ކެއުމެއް މަދު ފަހަރަކު ކެއުންތަ؟

ވަރަށް ކުރީސުރެއްވެސް އަހަރެމެންނަށް ވިސްނިފައި އޮންނަނީ ކޮންމެ ދުވަހަކު 3 އިރު ކެއުމަށެވެ. އެއީ ހެނދުނު، މެންދުރު އަދި ރޭގަނޑެވެ. މި 3 އިރު ގިނައިން ކެއުމަކީ ގިނަ މީހުންނަށް ގަބޫލުކުރެވިފައި އޮންނަ ގޮތުގައި ރަނގަޅު ސިއްހަތެއްގައި ހުރުމަށް ކެއުން ބައްޓަން ކުރަންވީ ގޮތެވެ.

ނަމަވެސް ފަހުގެ ހޯދުންތަކުން ދައްކާގޮތުގައި މަދުން ކެއުމަށްފަހުގައި އެއް ކެއުމާއި އަނެއް ކެއުމާއި ދޭތެރޭގައި ކުޑަ ވަގުތު ކޮޅެއް ނެގުމަކީ ހިތުގެ ބަލިތަކާއި، ބަރުދަން ލުއިވުމާއި އަދި އެހެނިހެންވެސް ސިއްހީ މައްސަލަތައް ދުރުކޮށްދޭނެކަމެކެވެ. މިހޯދުމަށް ބަލައި ގިނަ ބަޔަކު ވަނީ އެމީހުންގެ ކެއުން މިގޮތައް ބައްޓަން ކޮށްފައެވެ. ކާވަގުތުގައި މަދުން ކައިފައި 2 ކެއުމުގެ ދޭތެރޭގައި މަދު ވަގުތު ހޭދަކޮށްފައެވެ. މިގޮތައް ކެއުން ބައްޓަން ކުރި މީހުންނަށް ވަނީ ސިއްހީ ގޮތުން ގިނަ ފައިދާތަކެއް ލިއްބައިދީފައިކަމަށް ހޯދުންތަކުން ދައްކައެވެ. އޭގެތެރޭގައި:

advertisement

• ބަނޑުފުރޭ ކަމުގެ އިހްސާސްވުން
• ހަށިގަނޑުގެ މެޓަބޯލިޒަމް އިތުރުވުން
• ހަށިގަނޑުގައި ބުންވަރު ޖެހުން
• ހަކުރު ހުންނަ މިންވަރު މެނޭޖްކުރަން ފަސޭހަވުން
• ގިނައިން ކެއުމުގެ މައްސަލައަށް ހައްލެއް ލިބުން

ނަމަވެސް އެހެން ހޯދުންތަކުން ދައްކާގޮތުގައި މަދުން އެހެނަސް ގިނަ ފަހަރު ކެއުމުގެ ބަދަލުގައި އެންމެ ރަނގަޅީ ކެއުމަށް ވަކި ވައްޓަފާޅިއެއް ގެންގުޅުމެވެ. ނުވަތަ ދުވާލަކު 3 އިރު ކެއުމެވެ.

2019 ވަނަ އަހަރު ކޮށްފައިވާ ދިރާސާއެއްގައި ބުނެފައިވަނީ މަދުން އެހެނަސް ގިނަ މީލް ނަގާނަމަ ހަށިގަނޑުގައި އެޗްޑީއެލް (ހައި ޑެންސިޓީ ލިޕޮޕްރޮޓީން) އިތުރުވާކަމަށެވެ. އަދި ކޮލެސްޓްރޯލް އިތުރުވާކަމަށްވެސް ވަނީ ބުނެފައެވެ.

މަދުން އެހެނަސް 2 ކެއުމުގެ ދޭތެރޭގައި ވަގުތު ކުޑަވުން ބަރުދަން ލުއިވޭ

މަދުން އެހެނަސް 2 ކެއުމުގެ ދޭތެރޭގައި ވަގުތު ކުޑަކޮށް ކާނަމަ ބަރުދަން ލުއިވާކަމަށް ހޯދުންތަކުން ދައްކައެވެ. ހޯދުންތަކުން ދައްކާގޮތުގައި ކެއުމަށް ގެންނަ ވައްޓަފާޅީގެ ސަބަބުން ފަލަވުމުން ދުރުކޮށްދޭނެއެވެ. އޭގެތެރޭގައި:

• މާއަވަސްއަވަހަށް ނުކެއުން
• ހެނދުނުގެ ނާސްތާއާއި މެންދުރުގެ ކެއުމާއި ދޭތެރޭގައި 5 ގަޑިއިރު ނުވަތަ 6 ގަޑިއިރުގެ މެދުކެނޑުމެއް ހުރުން
• ސްނެކް ކެއުން މަދުކުރުން
• ހެނދުނުގެ ވަގުތު ރަނގަޅަށް ކެއުން
• ރޭގަނޑު އެއްޗެއް ނުކައި 18 ނުވަތަ 19 ގަޑިއިރު ހުރުން