މައިގްރޭންގެ ލުއި ކުޑަކުރުމަށް ގޭގައި ދެވޭނެ ފަރުވާތައް

މައިގްރެއިންއަކީ ރާއްޖޭގައި ގިނަ އަދަދެއްގެ ބަޔަކު ތަހައްމަލް ކުރަމުން އަންނަ ބައްޔެކެވެ. މި ބަލީގެ ސަބަބުން ގަދައަށް ބޮލުގައި ރިއްސައެވެ. އާންމު ގޮތެއްގައި ރިއްސާނީ ބޮލުގެ އެއް ފަރާތުގައެވެ.

މި ބަލި ޖެހުމުގެ އަސްލު ސަބަބު އަދި ދެނެގަނެވިފައެއް ނެތެވެ. ނަމަވެސް، ސައިންސްވެރިންގެ ދިރާސާތަކުން ދައްކާގޮތުން، މައިގްރެއިން ޖެހުމުގެ ސަބަބަކީ ސިކުނޑީގައި ކުރެވޭ އާދަޔާ ހިލާފު ހަރަކާތެއްގެ ސަބަބުން ސިކުނޑީގައިވާ ނާރު ސިގްނަލްތަކާއި ކެމިކަލްތަކާއި ލޭހޮޅިތަކަށް ވަގުތީ ގޮތުން އަސަރުކުރުމެވެ.

advertisement

މައިގްރޭންގެ މައްސަލަ ދިމާވާ މީހުން މި ބަލީގައި ވަރަށް ހާލުގައި އުޅެންޖެހެއެވެ. އެގޮތުން ބައެއް މީހުންނަށް ތެދުވެ އުޅުންވެސް ވެފައިވަނީ އުނދަގޫ ކަމަކަށެވެ. އެހެންކަމުން މި އާޓިކަލްގައި މި ބަލާލަނީ މައިގްރޭންގެ ވޭން ލުއިކުރުމަށް ގޭގައި ދެވިދާނެ ބައެއް ފަރުވާއަށެވެ.

އެޕަލް ސިޑާ ވިނިގާ

މޭޒުމަތީ ސަމުސަލެއްގެ އޯގަނިކް އެޕަލް ސިޑާ ވިނެގާ އާއި އެއް ތަށީ ފެން އަދި މޭޒުމަތީ ސަމުސަލެއްގެ މާމުއި ރަނގަޅަށް އެއްކޮށްލާށެވެ. އަދި ދުވާލަކު ދެ ފަހަރު މީގެ ތައްޓެއް ބޯށެވެ. ބޯން ބޭނުން ނޫން ނަމަ ސްޓީމްގެ ގޮތުގައި ބޭނުންކޮށްގެން ވެސް ބޮލުގެ ރިހުން ކަނޑުވާލެވިދާނެ އެވެ. ސްޓީމްކުރާ ނަމަ އެޕަލް ސިޑާ ވިނެގާ އާއި ފެން އެއްވަރަކަށް ދެބައި ތެއްޔަކަށް އަޅައިގެން ކައްކާލާށެވެ. އަދި މި އާވި އަރުވާށެވެ. ބޮލުގައި ރިހުން މުޅިން ފިލަންދެނެވެ.

އިނގުރު

އިނގުރު ބޭނުންކުރުމުން ޕްރޮސްޓަގްލެންޑިންސް ބްލޮކްކޮށްލަ އެވެ. އެކަމުގެ ބޮލުގައި ރިހުމަށް މިކަމުން ލުއި ލިބެ އެވެ. މައިގްރޭންގެ ސަބަބުން ބޮލުގައި ރިއްސަން ފަށައިފި ނަމަ ކުޑަކުޑަ އިނގުރުކޮޅެއް ހަފާލާއިގެން ކާލިޔަސް ރަނގަޅުވާނެ އެވެ. ނޫންނަމަ ސައިތައްޓަކަށް އަޅައިގެން ވެސް ބޭނުން ކުރެވިދާނެ އެވެ.

ޕެޕަމިންޓް

ޕެޕަމިންޓް ސައިތައްޓަކަށް މާމުއިކޮޅެއް އަޅައިގެން ބޯށެވެ. ތަދު މުޅިން ކެނޑެންދެން މި ސައި ބުއިން ރަނގަޅެވެ.

“މައިގްރެއިން އެޓޭކް” ހަތަރު ގަޑިއިރާއި 72 ގަޑިއިރަށް ދެމިގެން ދާއިރު، މައިގްރެއިންގެ ސަބަބުން ހަށިގަނޑަށް ގިނަގުނަ އުނދަގޫތަކެއް ކުރުވައެވެ. އެގޮތުން، ގަދައަށް ބޮލުގައި ރިއްސުމާއި، ހޮޑުލެވުން ފަދަ ކަންކަން ކުރިމަތިވެގެންދެއެވެ.

މި ބަލި ތަޙައްމަލް ކުރަމުންދާ މީހުންނަށް، މައިގްރެއިން އެޓޭކަކަށް ފަހު އެއް ދުވަސް ވަންދެން މިކަމުގެ އަސަރު ހަށިގަނޑުގައި ދެމިހުރެއެވެ. އެގޮތުން މީހާ ގައިގައި ވަރުދެރަވެ، އާންމު ދިރިއުޅުމުގައި ކުރާ މަސައްކަތްތައް ކުރުމަށް އުނދަގޫތަކާ ކުރިމަތި ވެގެންދެއެވެ.

މައިގްރޭން އަކީ ގިނަފަހަރަށް ބަލި ދެނެ ނުގަނެވޭ، ފަރުވާއެއް ނެތް ބައްޔަކަށްވާތީ ގަވާއިދުން މައިގްރޭންގެ އަލާމާތްތައް ފެންނަ ނަމަ، އެންމެ ރަނގަޅު ގޮތަކީ ޑޮކްޓަރަށް ދެއްކުމެވެ.