ދަރިންގެ ވިސްނުން ތޫނުކުރަން ބޭނުންނަމަ ކާންވީ ކޯއްޗެއް؟

ކޮންމެ މީހަކުވެސް އެމީހަކަށް ލިބޭ ދަރިންނަކީ މޮޅު އަދި ވިސްނުން ތޫނު ދަރިންތަކަކަށް ވުމަށް އެދޭނެއެވެ. އަދި މިކަމަށް މަގުފަހިކުރުމަށް ކޮންމެވެސް ވަރެއްގެ މަސައްކަތެއްވެސް މާބަނޑުއިރު ކުރެވިދާނެކަމަށް މިހާރު ހޯދުންތަކުން ދައްކައިފިއެވެ. މާބަނޑުއިރު މައިމީހާ ކާކާނާގެ ސަބަބުން ދަރިފުޅުގެ ވިސްނުން ތޫނުވާކަން މިހާރު ވަނީ ހޯދިފައެވެ. އެގޮތުން މާބަނޑު އިރު ގިނައިން މޭވާ ކޭ މީހުންނަށް ލިބިފައިވާ ދަރިންގެ ވިސްނުން ރަނގަޅު ކަމަށް ފަހުގެ ދިރާސާތަކުން ހާމަވެފައިވެ އެވެ.

މި ދިރާސާ ކުރީ މާބަނޑުއިރު ގިނައިން ދޮންކޭލާއި ބެރީޒް އާއި ތަފާތު ވައްތަރުގެ މޭވާ ގިނައިން ކޭ މައިންނަށް ލިބިފައިވާ ދަރިންނަށް އެއް އަހަރު ވުމަށްފަހު އެކުދިންގެ ވިސްނުމުގެ ހުނަރު މޮނިޓަ ކޮށްގެންނެވެ. މި ޓެސްޓުގެ ނަތީޖާ ދެއްކިގޮތުން އެހެން ކުދިންނާ އަޅާބަލާއިރު މިކުދިން ޓެސްޓުން މާ މަތި ހޯދި އެވެ.

advertisement

ނަމަވެސް މި ކުދިން އުފަންވުމަށް ފަހު، އެކުދިންނަށް ކާން ދީފައިވާ މޭވާގެ އަދަދުން އެކުދިންގެ ވިސްނުމަށް އެއްވެސް ބަދަލެއް އައިސްފައި ނުވާކަން ދިރާސާ ކުރި ފަރާތުން ފާހަގަކުރެ އެވެ.

މި ދިރާސާ ކުރުމަށް ސައިންސްވެރިން ވަނީ އުމުރުން 12 މަހުގެ 808 ކުއްޖަކު ޓެސްޓުކޮށްފަ އެވެ. މިކުދިންގެ މައިންނަކީ މުޅި އެ ގައުމަށް ހުޅުވާލައިގެން ވަރަށް ފުޅާ ދާއިރާއެއްގައި ހެދި ހެލްތު ސްޓަޑީއެއްގެ ބައިވެރިންނެވެ. މި އެންމެންވެސް ވަނީ މާބަނޑު ދުވަސްވަރު އެމީހުން ކޮންމެ ދުވަހަކު ކެއުމާއި އެހެނިހެން އާދަތައް ގެންގުޅުނު ގޮތް ރެކޯޑްކޮށްފަ އެވެ.

މި ޓެސްޓްގެ ނަތީޖާތައް އަޅާ ކިޔާލިއިރު މި ހެލްތު ސްޓަޑީގައި ބައިވެރިވި މާބަނޑު މީހުންގެ ތެރެއިން އެންމެ ގިނައިން މޭވާ ކޭ ކަމަށް ރެކޯޑް ކުރެވިފައިވާ މީހުންނަށް ލިބިފައިވާ ދަރިންގެ ހަނދާން ގަދަވުމާއި ދަސްކުރުމުގެ ހުނަރު މާ މަތިކަން ވަނީ ހާމަވެފަ އެވެ.