ރޭގަނޑު ހޭލެވި ނިދަން އުނދަގޫނަމަ މިކަންކަން ކުރެވިދާނެ

ރޭގަނޑު ހަމަނިދި ނުލިބުމަކީ ވަރަށް ގިނަ މީހުންނަށް ދިމާވާ މައްސަލައެކެވެ. ރޭގަނޑުގެ ވަކި ހިސާބެއްގައި ހޭލެވުމަކީ އެފަދަ މީހުންނަށް ދިމާވާ މައްސަލައެކެވެ. ހޭލެވުމަށްފަހު ދެން ބައެއް މީހުންނަށް ނުނިދެއެވެ. މިހެން މިކަން ދިމާވުމުގައި މީހާގެ ދިރިއުޅުމުގެ ވައްޓަފާޅި ހުންނަ ގޮތް ވަރަށް ބޮޑަށްވެސް ވަނީ ގުޅިފައެވެ.

ރޭގަނޑު ދޭތެރެދޭތެރެއިން ހޭލެވޭނަމަ މީގެ އަސަރު ދުވާލު މީހާއަށް ކުރެއެވެ. ދުވާލުގެ އެކި ކަންކަން ކުރުމަށް އެއްވެސް މޫޑެއް ނުހުރެއެވެ. އެހެންކަމުން ރޭގަނޑު ހޭލެވޭ މައްސަލަ ހައްލުކުރުމަށް ކުރެވިދާނެ ބައެއް ކަންތައްތައް ހިމަނާލާނަމެވެ.

advertisement

ގަޑިއަށް ނުބެލުން

ކުއްލިއަކަށް ރޭގަނޑު ހޭލެވޭނަމަ ގިނަ މީހުން ގަޑިއިން ވީއިރެއް ބަލައެވެ. ނަމަވެސް މިގޮތައް ގަޑިން ވީއިރެއް ބެލުމަކީ މީހާއަށް ހާސްކަން ވެރިވާނެ ކަމެކެވެ. އެހެންކަމުން އެންމެ ރަނގަޅު ގޮތަކީ ގަޑިއަށް ނުބަލައި އަނެއްކާވެސް ނިދޭތޯ މަސައްކަތް ކުރުމެވެ.

ފޯނަށް ނުބެލުން

ޓެބްލެޓް ފޯނު ކަހަލަ ސްކްރީނަކުން އަންނަ “ބްލޫ ލައިޓް” އަކުން ސިކުނޑިއަށް ދޭނެ ހަމައެކަނި މެސެޖަކީ މިއީ ހޭލަންވީ ވަގުތުކަމެވެ. މާގިނައިން ދަންވަރު މިގޮތަށް ހޭލެވޭނަމަ އެންމެ ރަނގަޅު ވާނީ ފޯނާއި މިފަދަ ތަކެތި އެނދާއި ވީހާ ވެސް ދުރުގައި ބޭއްވުމެވެ. އަދި ނިދުމުގެ ގަޑިއެއްހާއިރު ކުރިން ހުރިހާ ސްކްރީނެއް ނިއްވާލުމެވެ.

ކޮޓަރިން ނިކުތުން

ދަންވަރުގެ ވަގުތު ނިދާފައި އޮވެ ހޭދަވެ އަލުން ނުނިދިއްޔެނަމަ ކޮޓަރިން ނިކުމެލާށެވެ. ހަނދާން ކުރަންވީ މިވަގުތު ބޮކި ނުޖެއްސުމަށެވެ. ބޮކި ފަދަ ގަދަ އައްޔެއް އަންނަ ނަމަ ނިދި ފިލާނެއެވެ. އެހެންކަމުން ކޮޓަރިން ބޭރަށް ނިކުމެލާ ފުންކޮށް ނޭވާ ލުމަކީ ކުރެވިދާނެކަމެކެވެ.

ނިދަން ގާތްވުމުން ކެފެއިން އެކުލެވޭ ބުއިންތައް ބޭނުންނުކުރުން

ރާގަނޑު ނިދަން ގާތްވުމުން ކެފެއިން އެކުލެވޭ ބުއިންތަކާއި އަދި އެނަރޖީ ޑްރިންއިން ދުރުވާށެވެ. މިއީ ނިދި ގެއްލުވާލާނެފަދަ ކަންކަމެވެ.

ރޭގަނޑު ނުނިދުމުގެ މި މައްސަލައަކީ މާ ގިނަދުވަހަށް ދިގުދެމިގެންދާ ކަމެއްނަމަ ސިއްޚީ އެހީތެރިކަން ހޯދުމަކީވެސް މުހިންމު ކަމެކެވެ.