ހަކުރު ދަށް ކުރުމަށާއި އިންފްލެމޭޝަނަށް ގްރީން ޓީ

ގްރީން ޓީ އަކީ ގިނަ ފަހަކަށް އައިސް ގިނަބަޔަކު ބުއިމަށް  ބޭނުންރާ އެއްޗެއްގެ ގޮތުގައި ވަނީ މަޝްހޫރުވެފައެވެ. ގްރީން ޓީއަކީ އޭގެއިން ސިއްހީ ގިނަ ފައިދާތަކެއް ލިބޭ އެއްޗެކެވެ. ގްރީން ޓީ ބޯނަމަ ސިކުނޑީގެ މަސައްކަތްކުރުން ރަނގަޅުވެ ކެންސަރާއި ދެކޮޅަށް މަސައްކަތް ކުރެއެވެ.

އައު ހޯދުންތަކުން ދައްކާގޮތުގައި ގްރީން ޓީ ބޯނަމަ ހިތުގެ ބަލިތަކުން ރައްކާތެރިވެއެވެ. އަދި މިއީ ހަކުރު ދަށްކުރުމަށްވެސް އެހީތެރިވެދޭ އެއްޗެކެވެ. އެގޮތުން ހުއްޓާނުލާ 4 ހަފްތާ ވަންދެން ގްރީން ޓީ ބޯނަމަ މީގެ އެދެވޭ ނަތީޖާ ފެންނާނެކަމަށް ހޯދުންތަކުން ދައްކައެވެ.

advertisement

ގްރީން ޓީގައި ގިނަ އަދަދަށް ހިމެނޭ އެންޓީއޮކްސިޑެންޓްސްގެ ސަބަބުން ކެންސަރުފަދަ ނުރައްކާތެރި ބަލިތަކަށް މަގުފަހިކުރުވާ މާއްދާތައް މަދު ކޮށްދޭއިރު ހަށިގަނޑުގެ ޕީއެޗް ލެވެލްވެސް މައިތިރިކޮށްދެއެވެ.

ގްރީން ޓީއިން ހަށިގަނޑަށް ލިބޭ ފައިދާ ދެނެގަތުމަށް ވަނީ ދިރާސާއެއް ކޮށްފައެވެ. މި ދިރާސާގައި 40 މީހުން ވަނީ ބައިވެރިކޮންފައެވެ. އެއީ މެޓަބޮލިކް ސިންޑްރޯމް ހުންނަ 21 މީހަކާއި ސިއްހަތު ރަނގަޅު 19 މީހެކެވެ. އޭގެތެރެެއިން އެއްބައި މީހުންނަށް ވަނީ ގްރީން ޓީ ގަވައިދުން 28 ދުވަހު ދީފައެވެ. މީގެތެރެއިން ގްރީން ޓީ ބޭނުންކުރި މީހުންނަށް ހަށިގަނޑުގައި ފާސްޓިން ބްލަޑް ގްލްކޯޒް ހުންނަ މިންވަރު ދަށްވެފައިވާކަމަށް ދިރާސާއިން ވަނީ ދައްކާފައެވެ.

މާގިނައިން ގްރީން ޓީ ބޭނުންކުރުމަކީވެސް އޭގެ ސަބަބުން ގެއްލުން ލިބިދާނެ ކަމެއްކަން ދަންނަންޖެހެއެވެ. 8 ތަށި ގްރީން ޓީގައި 28 މިލިގްރާމްގެ ކެފެއިން އެކުލެވިގެންވެއެވެ. މިއީ ކޮފީއާއި އަޅާބަލާއިރު މަދު އަދަދެކެވެ. 8 ތަށި ކޮފީގައި އެކުލެވިގެންވަނީ 96 މިލިގްރާމްގެ ކެފެއިންއެވެ. މާގިނައިން ގްރީންޓީ ބޭނުންކުރާނަމަ ލިވަރައަށް ގެއްލުން ލިބުމަކީވެސް އެކަށީގެންވާ ކަމެކެވެ.