ކެންސަރުގެ ޖެހުމުން ފެންނަ އާއްމު އަލާމާތްތައް

ކެންސަރަކީ ޒުވާން އުމުރުގައި ގިނަ އަދަދެއްގެ ބަޔަކު މަރުވުމަށް ދިމާވާ އެއް ބައްޔެވެ. ބައެއް ފަހަރު ކެންސަރު ޖެހުމަށްފަހުގައި އަލާމާތްތައް ނުފެނިވެސް ހުރެއެވެ. އެހެންނަމަވެސް ގިނަ ފަހަރު ކެންސަރު ޖެހުމުން އަލާމާތްތަކެއް ފެނިގެންދެއެވެ. އެހެންކަމުން މި އަލާމާތްތައް ވީހާވެސް ކުރީބައިގައި ދެނެގަތުމަކީ ކެންސަރުގެ ހާލަތު ގޯސްވުމުގެ ކުރިން އެކަމަށް ފިޔަވަޅުއަޅާ ފަރުވާ ހޯދުމަށް ކުރެވޭނެ ކަމެކެވެ.

އެންމެ އާންމުކޮށް ފެންނަ ކެންސަރުގެ ބާވަތްތައް:

• ބްލެޑަރ ކެންސަރ
• ބްރެސްޓް ކެންސަރ
• އެންޑޯމީޓްރިއަލް ކެންސަރ
• ކިޑްނީ ކެންސަރ
• ލޫކިމިއާ
• ލިވަރ ކެންސަރ
• ލަންގް ކެންސަރ
• މެލަނޯމާ
• ޕެންކްރިއެޓިކް ކެންސަރ
• ތައިރޮއިޑް ކެންސަރ

މިހުރިހައި ބާވަތްތަކުގެ ތެރެއިންވެސް އެންމެ އާންމު ކެންސަރަކީ ބްރެސްޓް އަދި ލަންގް ކެންސަރެވެ. އަހަރެއްގެ މައްޗަށް އެމެރިކާގައި އެކަނިވެސް 200000 މީހުން މިބާވަތުގެ ކެންސަރަށް ޑައިގްނޯޒް ކުރެވެއެވެ.

advertisement

ކެންސަރުގެ ބައެއް އަލާމާތްތައް:

ބަރުދަން ލުއިވުން

ކޮންމެ ވައްތަރެއްގެ ކެންސަރެއް ޖެހުނު ނަމަވެސް މީހާގެ ބަރުދަނަށް އޭގެ އަސަރު ކުރެއެވެ. އެހެންކަމުން މީހާގެ ބަރުދަން އިސާހިތަކު ލުއިވެގެންދެއެވެ. ކެންސަރު ޖެހޭ ބައެއް މީހުން ކުއްލިއަކަށްހުރެ 10 ކިލޯވެސް ހިއްކާލާކަމަށް ހޯދުންތަކުން ދައްކައެވެ. މިއީ އެންމެ އަވަހަށް ފެންނަ އަލާމާތައްވެސް ވެއެވެ.

ހުންއައުން

ހުންއައުމަކީ ހަށިގަނޑުގައި އިންފެކްޝަންއެއް ނުވަތަ ބަލިކަމެއް އުޅޭކަން އަންގަދޭ ނިޝާނެކެވެ. އެހެންކަމުން ކެންސަރުގައިވެސް އަލާމާތެއްގެ ގޮތުގައި ހުންއައުން ހިމެނެއެވެ. ހުންއައުން އާންމުކޮށް ފެންނަނީ ލޭގެ ކެންސަރުގެ ތެރޭގައި ހިމެނޭ ލޫކިމިއާ އާއި ލިންފޯމާގައެވެ.

ލޭއައުން

ކެންސަރުގެ ބައެއް ބާވަތްތަކުގައި ހަޑިގަނޑުން ލޭއާދެއެވެ. ބައެއް ފަހަރު ކުޑަކަމުދާ އިރުވެސް ލޭހުރެދާނެއެވެ.

ވަރުބަލިވުމާއި ހަށިގަނޑުގައި ތަދެއް ހުރުން

ކެންސަރުގެ ބައެއް ބާވަތްތަކުގައި ހަޑިގަނޑުގައި ނުފިލާ ވަރުބަލިކަމަކާއި ތަދެއް ހުރެއެވެ. އަދި ކިތަންމެ ވަރަކަށް ނިދިއަސް އަދި އަރާމުުރިއަސް މި ތަދު ފިލައިގެން ނުދެއެވެ.

ރޭގަނޑު ދާހިތްލުން

ރޭގަނޑު އާދަޔާ ހިލާފަށް ދާހިތްލުން ނުވަތަ ހޫނުވުމަކީވެސް ކެންސަރުގެ އަލާމާތެކެވެ.