ބަނޑުގައި ވައި ހެދުމާއި މޭ އަންދާގޮތް ވާނަމަ ކެއުން ރަނގަޅޫ ނޫން ކާނާ

ވައިހެދުމާއި މޭއެންދުމަކީ ވަރަށް އާންމުކޮށް މީހުންނަށް ދިމާވާ ކަމެކެވެ. މިކަން ދިމާވުމަށް ގިނަ ސަބަބުތަކެއް އެކުލެވިގެންވެއެވެ. އޭގެތެރެއިން ބައެއް ސަބަބުތަކުގެ ތެރޭގައި:

• މީހާ މާބޮޑަށް ފަލަވުން
• މާބަނޑުވުން
• ހަކުރުބަލި ހުރުން
• ދުންފަތުގެ އިސްތިއުމާލުކުރުން

މޭއެންދުން ނުވަތަ ވައިއެރުމަކީ މީހާގެ ދިރިއުޅުމަށް ގެނެވޭ ކުޑަކުޑަ ބަދަލެއްގެ ސަބަބުން ހެޔޮ ބަދަލެއް ގެނެވިދާނެ ކަމެކެވެ. އެގޮތުން މިކަން މެދުވެރިވާ މީހުންނަށް ކުރެވިދާނެ ބައެއް ކަންކަން ހިމަނާލާނަމެވެ.

advertisement

• ކެއުމަށްފަހު 3 ގަޑިއިރު ހަމަނުވަނީސް އެނދުގައި ނުވަތަ އެނޫންވެސް ތަނެއްގައި ނޯށޯތުން.
• އެއްފަހަރާ މާގިނައިން ނުކެއުން.
• ބަނޑަށް ވާންވާވަރު ކުޑަކުރުމަށް ދޫޖިންސް ފަދަ އެއްޗެހި ލުން.
• ބަރުދަން ލުއިކުރުމަށް ކަސްރަތުކުރުން.
• ދުންފަތުގެ އިސްތިއުމާލު ނުކުރުން.
• އެނދުގެ ބޯލާކޮޅު 6 ނުވަތަ 8 އިންޗިއަށް އުފުލާލުން.

ކެވޭ ބައެއް ތަކެތީގެ ސަބަބުންވެސް މޭއެންދުމާއި ވައިއެރުމަށް މަގުފަހިވެއެވެ. އެހެންކަމުން އެފަދަ ކެއުންތަކާއި އަދި ބުއިންތަކުން ދުރުވުމަކީ ވަރަށް މުހިންމު ކަމެކެވެ. އެފަދަ ބައެއް ތަކެތީގެ ތެރޭގައި ހިމެނެނީ:

• ފެޓީ ނުވަތަ ތެލުލާފައި ހުންނަ ކާނާ
• އަލްކަހޯލް
• ކޮފީ
• ސޯޑާ
• ޗޮކްލެޓް
• ލޮނުމެދު
• ފިޔާ
• ސިޓްރަސް ފުރުޓް
• ޕެޕަރމިންޓް
• ޓޮމާޓޯ ސޯސް