އައިއެފްޖޭގެ އިލްތިމާސް: ނޫސްވެރިންނަށް ހިމާޔަތް ހޯދައިދީ، އަމަލުކުރާނެ ސުލޫކީ މިންގަނޑެއް

އިންޓަނޭޝަނަލް ފެޑެރޭޝަން އޮފް ޖަރނަލިސްޓްސްގެ ވަފުދެއް ރާއްޖެއަށް ޒިޔާރާތްކޮށް، ކަމާ ބެހޭ އިދާރާތަކާއި، ނޫސްވެރިންނާ ބައްދަލުކޮށް މައުލޫމާތު އޮޅުން ފިލުވުމަށް ފަހު އާންމުކުރި ރިޕޯޓުގައި ގިނަ ކަންތައްތަކެއް ފާހަގަކޮށްފައިވެއެވެ.

📢ހެއްކާ ބެހޭ ގާނޫނަށް އިސްލާހު ގެނައުމަށް މި އެސޯސިއޭޝަނުން އެކުލަވާލާފައިވާ އިސްލާހުތައް ހިޔާލަށް ހުޅުވާލަމެވެ. މި އިސްލާހުތަކަށް ހިޔާލު ހުށަހެޅުމުގެ ސުންގަޑިއަކީ 2 ސެޕްޓެމްބަރު 2022 ގެ މެންދަމު 12:00އެވެ.

🔖 އިސްލާހުތައް: https://t.co/NRR6RlIuOn pic.twitter.com/iAVGT2DNH3

advertisement

— Maldives Journalists Association (@mjamaldives) August 25, 2022

އޭގެ ތެރޭގައި ދިވެހިރާއްޖޭގައި މިނިވަން ނޫސްވެރިކަމަށް އެކަށީގެންވާ މާހައުލެއް ފޯރުކޮށްދިނުމާއ، ނޫސްވެރިންގެ ހައްގުތައް ރައްކާތެރިކޮށްދިނުމަށް އެކަށީގެންވާ މަސައްކަތްތަކެއް ނުކުރެވޭކަން އެ ރިޕޯޓުގައި ފާހަގަކޮށްފައިވެއެވެ.

އައިއެފްޖޭއިން ފާހަގަކުރި ކަންތައްތައް:

• ނޫސްވެރިޔާގެ މައްޗަށް ނުވަތަ މީޑިއާއަކަށް މަސްދަރު ހާމަކުރަން މަޖުބޫރުކުރެވޭ ގޮތަށް ހެއްކާ ބެހޭ ބިލުގައި އޮތުން
• މޯލްޑިވްސް ބްރޯޑްކާސްޓިން ކޮމިޝަނާއި ޕަބްލިކް ސާވިސް މީޑިއާއަށް ސިޔާސީ މީހުން އައްޔަންކުރުމުގެ ސަބަބުން އެ ތަންތަނަށް ސިޔާސީ ނުފޫޒު ފޯރުން
• ނޫސްވެރިންގެ މުސާރައިން އުނިކުރުމުގެ އުސޫލެއް ފުޅާ ދާއިރާއެއްގައި ގެންގުޅުމުގެ ސަބަބުން މަސައްކަތްތެރިކަމުގެ ހައްގުތައް ނިގުޅައިގަތުން
• ނޫސްވެރިންނަށް ޕްރޮފެޝަނަލް ތަމްރީނުގެ ފުރުސަތުތަކާއި މީޑިއާގެ ހައްގުތަކާއި ޒިންމާތަކާ ގުޅޭ ގޮތުން ހޭލުންތެރިކަން އިތުރުކުރުމުގެ ތަމްރީނުގެ ފުރުސަތުތައް ނެތުން
• އެކަށީގެންވާ މުއްދަތެއްގައި މައުލޫމާތު ނުލިބުމާއި ސަރުކާރާއި ދައުލަތުގެ އެކި ޑިޕާޓްމަންޓްތަކުން މައުލޫމާތު ހޯދައި ލިބިގަތުމަށް ދިގު މުއްދަތެއް ހޭދަވުން
• ފްރީލާންސް ނޫސްވެރިންނަށް އެކްރެޑިޓޭޝަން ލިބުމުގައި ހުރި ހުރަސްތައް
• ނޫސްވެރިންނާ ދެކޮޅަށް ކުރާ ކުށްތަކަށް އަދަބު ނުދިނުމުގެ ސަގާފަތް އަދި ދީނީ ގޮތުން ހައްދުފަހަނައަޅައެޅި ފަރާތްތަކުގެ ނުފޫޒުގެ ސަބަބުން މީޑީއާގެ މިނިވަންކަމާއި ސިންދަފާތުކަމަށް އަސަރުކުރާކަން
• ޝެލް މީޑިއާ ކުންފުނިތައް ރަޖިސްޓްރީކޮށް ވޯޓު ދިނުމުގެ ފުރުސަތު އޮތުމުން މީޑިއާ ކައުންސިލްގެ ސައްހަކަމާއި މެދު ސުވާލުއުފެދުން
  މަސައްކަތުގެ މާހައުލުގައި ދިމާވާކަންކަމާއި މުޖުތަމައުގެ ވިސްނުމާއި ހެދި ދާއިރާއާ އަންހެނުން ދުރަށް ދިއުން
• ރަސްމީ ވަޒީފާގެ އެއްބަސްވުން ނެތި ނޫސްވެރިން މަސައްކަތްކުރުން އިތުރުވުން
• ނޫސްވެރިންގެ ސުލޫކީ މިންގަނޑެއްގެ މުހިންމުކަން
• ހައްގުތައް ހިމާޔަތްކުރަން ގާނޫނީ އޮނިގަނޑެއް ނެތުން

މި ހުރިހާކަމެއްގެ ތެރެއިން އައިއެފްޖޭއިން އެންމެ ބޮޑަށް ކަންބޮޑުވުން ފާޅުކުރި އެއްކަމަކީ ނޫސްވެރިން ކުރާ މަސައްކަތަށް އެކަށީގެންވާ އުޖޫރައެއް ދެވޭނެ ނިޒާމެއް ނެތުމެވެ. އެގޮތުން ވަކި އަދަދަކަށް ހަބަރު ނުލިޔުމާއި މި ނޫންވެސް އެކި ނަން ނަމުގައި ނޫސްވެރިންގެ މުސާރައިން ކެނޑޭނެ އެކި އުކުޅުތައް މީޑިއާތަކުން ގެނގުޅުމަކީ މަސައްކަތެރިންގެ ހައްގަށް އަރައިގަތުމުގެ ގޮތުގައި އައިއެފްޖޭއިން ސިފަކުރިއެވެ.

#Maldives🇲🇻: Despite progress and promises made by the current Maldivian government to address press freedom, there are still obstacles for journalists in the country, says the IFJ. @IFJGlobal @mjamaldives https://t.co/5nZMqrPlpX— IFJ Asia-Pacific (@ifjasiapacific) August 25, 2022

މީގެ އިތުރަށް ފްރީލާންސް ނޫސްވެރިންނަށް އެކްރެޑިޓްކުރމުގައި ހުރި ދަތިތަކާއި، ގާނޫނީގޮތުން ބަލައިގަނެވޭނެ އެއްބަސްވުމެއް ނެތި ނޫސްވެރިން ލައްވައި މަސައްކަތްކުރުވުމަކީ އެ ޖަމިއްޔާއިން ފާހަގަކުރި ނޭދެވޭ ކަންތައްތަކެކެވެ.

ނޫސްވެރިންނާ ދެކޮޅަށް ކުރެވޭ ކުށްތަކަށް އިންސާފު ނުލިބުމާއި އެފަދަ ކުށްކުރާ ފަރާތްތަކުގެ ކިބައިން ރައްކާތެރިކަން ނުލިބުމަކީ ބޮޑު މައްސަލައެއްގެ ގޮތުގައި 79 ޕަސަންޓް ނޫސްވެރިން ދެކޭ. pic.twitter.com/k4b1QFeLJJ— Maldives Journalists Association (@mjamaldives) August 23, 2021

މީގެ އިތުރަށް ސިޔާސީ ނުފޫޒު ފޯރުވާ ޝެލް މީޑިއާތަކުގެ މައްސަލަ ވީހާވެސް އަވަހަށް ބަލައި އެކަމަށް ފިޔަވަޅު އެޅުމަށް އައިއެފްޖޭއިން ގޮވާލާފައިވެއެވެ. އެގޮތުން ގަވާއިދުން މަސައްކަތްނުކުރާ މީޑިއާތަކަށް ކައުންސިލް އިންތިޚާބުގައި ވޯޓު ދިނުމުގެ ހައްގު ނޯންނަގޮތަށް ބަދަލުކުރުމަށް އިލްތިމާސްކޮށްފައިވެއެވެ.