އޮކްސްފޯޑް ޔުނިވަރސިޓީން ރާއްޖޭގެ ކަނޑު އަޑީގެ ދިރާސާއެއް ކުރަނީ

ރާއްޖޭގެ ކަނޑުއަޑީގެ ދިރުންތަކާއި ގުޅޭގޮތުން އޮކްސްފޯޑް ޔުނިވަރސިޓީގެ ރިސަރޗަރުން ދިރާސާއެއް ކުރަން ތައްޔާރުވެއްޖެއެވެ. މިއީ ރާއްޖޭގެ ކަނޑުއަޑިއާއި ގުޅޭގޮތުން ކުރާ ފުރަތަމަ ސިސްޓަމެޓިކް ސަރވޭއެވެ. މި ސަރވޭ ކުރާނީ ރާއްޖޭގެ ކަނޑުގެ 1000 މީޓަރު އަޑިންނެވެ.

މި ދިރާސާގެ ސަބަބުން ދިވެހި ސަރުކާރަށް ކަނޑުއަޑީގެ ދިރުންތައް ހިމާޔަތްކުރުމާއި އަދި ދެމެހެއްޓެނިވި ގޮތުގައި ކަނޑާއި ގުޅުންހުރި ޤާނޫނުތަކާއި ޤަވައިދުތައް ހަދަން ފަސޭހަވެގެންދާނެއެވެ. އަދި މިއީ މުޅި ރާއްޖެއާއި ދިވެހިންނަށްވެސް ފައިދާކުރާނެ ދިރާސާއަކަށް ވެގެންދާނެއެވެ.

advertisement

“ނެކްޓަން މޯލްޑިވްސް މިޝަން” ގެ ނަމުގައި ކުރިއަށްގެންދާ މި ދިރާސާ ކުރިއަށްދާނީ 4 ސެޕްޓެމްބަރުން 7 އޮކްޓޯބަރ ގެ ނިޔަލަށެވެ. މި ދިރާސާގައި އެންމެ އިސްކޮށް ހަރަކާތްތެރިވާނީ އޮކްސްފޯޑް ޔުނިވަރސިޓީގެ އެސޯސިއޭޓް ޕްރޮފެސަރ އޮފް މެރިން ބައޯލޮޖީ ޑރ. ޕްރޮފެސަރ ލޫސީ ވޫޑޯލްއެވެ. މި ދިރާސާގައި މައިގަނޑުގޮތެއްގައި ބަލާނީ ކަނޑުގެ އަޑީގައި އުޅޭ ދިރުންތަކާއި، އެއެއްޗެހީގެ ދިރިއުޅުމާއި އަދި އިންސާނުންގެ އަމަލުތަކުގެ ސަބަބުން އެތަކެތީގެ ދިރިއުޅުމަށް ކުރަމުންދާ އަސަރެވެ. މީގެއިތުރުންެވެސް މި ދިރާސާގައި އިތުރު ބަލާނެ އިތުރު ކަންކަމުގެ ތެރޭގައި ހިމެނެނީ:

• ރާއްޖޭގެ ދެމިހުރުމަށް އެންމެ މުހިންމު މުރަކައިގެ ބާވަތްތަކާއި، އެބާވަތްތައް ހުރި ސަރަހައްދުތައް
• ކަނޑުގެ ލޮނުގަނޑު އުފުލުމާއި މުރަކައިގެ ދައުރު
• މިޔަރާއި މަޑީގެ ބާވަތްތައް