މިއަދުގެ ފާހަގަކޮށްލެވޭ ހަބަރުތައް ކުރުކޮށް

އިންޑޮނޭޝިއާގެ ސަފީރު ނައިބު ރައީސްގެ އަރިހަށް އިޙްތިރާމުގެ ޒިޔާރަތެއް ކުރައްވައިފި

The Ambassador of Indonesia pays a courtesy call on the Vice President
https://t.co/x9jwwBf3Wr— The President's Office (@presidencymv) August 29, 2022

އިންޑޮނޭޝިއާ ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ހަރ އެކްސަލެންސީ ދޭވީ ގުސްތީނާ ޓޯބިންގ، ރައީސުލްޖުމްހޫރިއްޔާގެ ނައިބު ފައިޞަލް ނަސީމްގެ އަރިހަށް އިޙްތިރާމުގެ ޒިޔާރަތެއް ކުރައްވައިފިއެވެ.

advertisement

މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި އޮތް މި ބައްދަލުކުރެއްވުމުގައި ދެ ބޭފުޅުން ވަނީ ދެ ޤައުމުގެ ދެމެދު އޮންނަ ގާތް ގުޅުމާބެހޭގޮތުން ވާހަކަފުޅު ދައްކަވާފައެވެ.

ރައީސް މުލަކަތޮޅުގެ ފަސްރަށަކަށް ކުރެއްވި ރަސްމީ ދަތުރުފުޅު ނިންމަވާލައްވައިފި

President @ibusolih visits the Muli Airport development site and inspects progress of the project. pic.twitter.com/jXrIgA6ePD— The President's Office (@presidencymv) August 29, 2022

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މުލަކަތޮޅުގެ ފަސްރަށަކަށް ކުރެއްވި ރަސްމީ ދަތުރުފުޅު ނިންމަވާލެއްވުމަށް ފަހު މިއަދު ހެނދުނު މާލެ ވަޑައިގެންފިއެވެ.

ރައީސުލްޖުމްހޫރިއްޔާ މ.އަތޮޅަށް ކުރެވި މިދަތުރުފުޅުގައި އެންމެ ފުރަތަމަ ވަޑައިގެންނެވީ އެއަތޮޅު ރަތްމަންދޫ އަށެވެ. މީގެ އިތުރުން އެއަތޮޅު މަޑުއްވަރީ އާއި ދިއްގަރާއި ވޭވަށުގެ އިތުރުން އެއަތޮޅުގެ އަތޮޅުވެރިކަންކުރާ ރަށް، މުއްޔަށްވެސް އެމަނިކުފާނު ވަޑައިގެންނެވިއެވެ.

އދ. މަންދޫ ކައުންސިލްގެ އެދުމުގެ މަތިން މަންދޫ ކުރީގެ ޖެޓީ ތަޅާލައި ސާފުކޮށްފި

We have demolished and removed an old jetty at Adh. Mandhoo. All the waste materials have been removed from the area.#CSRInitiative #RayyithungeKunfuni pic.twitter.com/Zcq8eFVQgd— MTCC Plc (@MTCCPlc) August 29, 2022

އދ. މަންދޫ ކައުންސިލްގެ އެދުމުގެ މަތިން މަންދޫ ކުރީގެ ޖެޓީވާނީ ތަޅާލެވި އެ ހުރިތަނުން ނަގާފައި ކަމަށް އެމްޓީސީސީން މައުލޫމާތުދެއްވައިފި އެވެ. އަދި އެ ސަރަޙައްދުގެ ކުނިތައްވާނީ ސާފުކޮށްދީފައި ކަމަށްވެސް ވިދާޅުވި އެވެ. މިއީ ކުންފުނީގެ އިޖުތިމާޢީ ޒިންމާގެ ދަށުން ކުރެވުނު މަސައްކަތެކެވެ.

މޫސުން ގޯސް، ކަނޑުދަތުރުފަތުރު ކުރުމުގައި ސަމާލުވޭ: ފުލުހުން

މޫސުން ގޯސް، ކަނޑުދަތުރުފަތުރު ކުރުމުގައި ސަމާލުވޭhttps://t.co/fcbX7dQbVW pic.twitter.com/LQ54015146— Maldives Police (@PoliceMv) August 29, 2022

ރާއްޖޭގެ އެކި ހިސާބުތަކަށް ބޯކޮށް ވާރޭވެހި ވައިގަދަވެ އަދި ކަނޑުތައްވެސް ގަދަވާނެ ކަމަށް މޫސުމާބެހޭ ގައުމީ އިދާރާއިން ލަފާކޮށްފައިވެއެވެ. އެހެންކަމުން، ކަނޑު ދަތުރުފަތުރު ކުރުމުގައި ސަލާމަތާއި ރައްކާތެރިކަން ކަށަވަރުކުރުމާ އަދި ކަނޑުދަތުރުފަތުރުގެ ގާނޫނާއި ގަވާއިދުތަކާ އެއްގޮތަށް އަަމަލުކުރުމަށް ފުލުހުން އިލްތިމާސްކޮށްފި އެވެ.

ބީއެމްއެލުން އައިޖީއެމްއެޗްގައި އޮންކޮލޮޖީ ވޯޑެއް ގާއިމްކުރަން އެހީތެރިވަނީ

As part of the high impact initiatives in the lead up to our 40th anniversary, we signed an MoU with @igmhmv to establish an Oncology Ward.

We'll be financing MVR 3.5 million for the project, and we hope it enhances access to safe and high-quality oncology services for patients. pic.twitter.com/q5GSEfHnHI— Bank of Maldives (@bankofmaldives) August 29, 2022

ބޭންކް އޮފް މޯލްޑިވްސްއިން އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް)ގައި އޮންކޮލޮޖީއަށް ހާއްސަ ވޯޑެއް ގާއިމްކުރުމާއި ގުޅޭ އެމްއޯޔޫއެއްގައި ސޮއިކޮށްފިއެވެ.

މިއީ ނޮވެންބަރުމަހު ފާހަގަކުރުމަށް ހަމަޖެހިފައިވާ ބޭންކުގެ 40 ވަނަ އަހަރީ ދުވަހާއި ހަމައަށް ހިންގުމަށް ހަމަޖެހިފައިވާ މުޖުތަމައަށް ފައިދާހުރި މުހިންމު 12 ހަރަކާތުގެ ތެރެއިން ހިންގުމަށް ނިންމާފައިވާ އެއް ހަރަކާތެވެ.