މިއަދުގެ ފާހަގަކޮށްލެވޭ ހަބަރުތައް ކުރުކޮށް

ރ. އުނގޫފާރު ރީޖަނަލް ހޮސްޕިޓަލްގެ ގަވަރނިންގ ބޯޑް އެކުލަވައިފި

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ރ. އުނގޫފާރު ރީޖަނަލް ހޮސްޕިޓަލްގެ ގަވަރނިންގ ބޯޑް މިއަދު އެކުލަވައިލައްވައި، އެ ބޯޑަށް މެންބަރުން ޢައްޔަންކުރައްވައިފިއެވެ. މި ގޮތުން ބޯޑުގެ މެންބަރުކަމުގެ މަޤާމަށް ހަ ބޭފުޅަކު ވަނީ ޢައްޔަންކުރައްވާފައެވެ.

ދ. މީދޫ ބަނދަރު ތަރައްޤީ ކުރުމުގެ މަޝްރޫޢު ކުރިއަށް

Quay wall concrete works and harbor basin dredging operations for Dh. Meedhoo Harbor Development Project are currently ongoing, with 78% and 73% completion respectively.#MTCCProjects #RayyithungeKunfuni pic.twitter.com/1u2eTWUUTv

advertisement

— MTCC Plc (@MTCCPlc) September 1, 2022

ދ. މީދޫ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، އެއްގަމުތޮށީގެ ކޮންކްރީޓް މަސައްކަތްތަކުގެ 78 ޕަސެންޓް ނިމިއްޖެ ކަމަށް އެމްޓީސީސީން މައުލޫމާތުދެއްވައިފި އެވެ. އަދި މިހާރު ހުރި ހާބަރ ބޭސިން ފުންކުރުމުގެ މަސައްކަތުގެ 73 ޕަސެންޓް ނިމިއްޖެ ކަމަށްވެސް އެކުންފުނިން ހާމަކުރި އެވެ.

މި މަޝްރޫޢުގެ ދަށުން، ބަނދަރު ފުންކުރުމާއި، 373 މީޓަރުގެ ސަރަޙައްދެއްގައި އެއްގަމުތޮށި ލުމާއި، 35 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 294 މީޓަރުގެ ސަރަޙައްދެއްގައި އެއްގަމުތޮށި ލުމާއި، 11 މީޓަރު ދިގު 11 މީޓަރު ފުޅާ ރޭމްޕެއް ހެދުމާއި، 1470 އަކަ މީޓަރުގެ ސަރަޙައްދެއްގައި ހާބަރ ޕޭވްމަންޓް ހެދުމާއި، ނެރުބައްތި އާއި ބަނދަރު ބައްތި ހަރުކުރުމުގެ މަސައްކަތް ހިމެނެ އެވެ. މި މަޝްރޫޢަކީ 34.07 މިލިއަން ރުފިޔާގެ މަޝްރޫއެކެވެ.

އަދުލުވެރިކަން ގާއިމު ކުރުމުގެ ފުރަތަމަ ޒިންމާ އަދާކުރަންޖެހޭނީ ފުލުހުން: ހޯމް މިނިސްޓަރ

އަދުލުވެރިކަން ގާއިމު ކުރުމުގެ މަރުހަލާގެ އެންމެ ފުރަތަމަ ޒިންމާ އަދާކުރަންޖެހޭ ބަޔަކީ އެ މުޖުތަމައެއްގައި ތިބޭ ފުލުހުން- ހޯމް މިނިސްޓަރhttps://t.co/C0yc8smn6x pic.twitter.com/KWHCMJwlyX— Maldives Police (@PoliceMv) September 1, 2022

އަދުލުވެރިކަން ގާއިމު ކުރުމުގެ މަރުހަލާގެ އެންމެ ފުރަތަމަ ޒިންމާ އަދާކުރަންޖެހޭ ބަޔަކީ އެ މުޖުތަމައެއްގައި ތިބޭ ފުލުހުން ކަމަށް މިނިސްޓަރ އޮފް ހޯމްއެފެއާޒް އިމްރާން ޢަބްދުﷲ ވިދާޅުވެއްޖެއެވެ.

މިނިސްޓަރ މިގޮތަށް ވިދާޅުވީ ދިވެހި ފުލުހުންގެ ޚިދުމަތުގެ ދުވަހާ ގުޅިގެން ބޭއްވި، މުވައްޒަފުންގެ ޚިދުމަތުގެ އަގު ވަޒަންކުރުމުގެ ޖަލްސާގައި ވާހަކަފުޅު ދައްކަވަމުންނެވެ.

ފުލުހުންނަށް ރައްޔިތުންގެ އިތުބާރު އޮންނަނީ ކުރާ މަސައްކަތުގެ ހަރުދަނާކަމުގެ މައްޗަށާއި ހިދުމަތަށް: ނައިބު ރައީސް

ފުލުހުންނަށް ރައްޔިތުންގެ އިތުބާރު މި އޮންނަނީ ފުލުހުން ކުރާ މަސައްކަތުގެ ހަރުދަނާކަމުގެ މައްޗަށާއި ހަމަހަމަކަމާއެކު ތަފާތުކުރުމެއްނެތި ފޯރުކޮށްދޭ ޚިދުމަތެއްގެ މައްޗަށް – ނައިބު ރައީސްhttps://t.co/nTW4aWvGxY pic.twitter.com/TitePcJKDl— Maldives Police (@PoliceMv) September 1, 2022

ފުލުހުންނަށް ރައްޔިތުންގެ އިތުބާރު މި އޮންނަނީ ފުލުހުން ކުރާ މަސައްކަތުގެ ހަރުދަނާކަމުގެ މައްޗަށާއި ހަމަހަމަކަމާއެކު ތަފާތުކުރުމެއްނެތި ފޯރުކޮށްދޭ ޚިދުމަތެއްގެ މައްޗަށްކަމަށް ރައީސުލްޖުމްހޫރިއްޔާގެ ނައިބު ފައިސަލް ނަސީމް ވިދާޅުވެއްޖެއެވެ.

އެ މަނިކުފާނު މިހެން ވިދާޅުވީ މިއަދު ފާހަގަކުރާ، ދިވެހި ފުލުހުންގެ ޚިދުމަތުގެ ދުވަހާ ގުޅިގެން ބޭއްވި، މުވައްޒަފުންގެ ޚިދުމަތުގެ އަގު ވަޒަންކުރުމުގެ ޖަލްސާގައި ދެއްކެވި ވާހަކަފުޅުގައެވެ. ޖަލްސާގައި ވާހަކަފުޅު ދައްކަވަމުން، ދިވެހި ފުލުހުންގެ ޚިދުމަތަށް ދިގު މުއްދަތަކަށް ޚިދުމަތްކުރެއްވި މުވައްޒަފުންނަށް އެ މަނިކުފާނު ތަހުނިޔާއާއި ޝުކުރު ދެންނެވިއެވެ.

3 ރަށެއްގައި ކުޅިވަރު ވަޞީލަތްތައް ޤާއިމްކުރަނީ

ރ.އިނގުރައިދޫގައި ޔޫތު އެންޑް ކޮމިއުނިޓީ ސެންޓަރެއް ތަރައްޤީކުރުމުގެ އެއްބަސްވުމުގައި އަލް-އަމީން އިންވެސްޓްމަންޓާއެކު ވަނީ ސޮއިކުރެވިފައި. pic.twitter.com/6WIfwyiYu9— Ministry of Youth,Sports and Community Empowerment (@MoYSCEmv) September 1, 2022

3 ރަށެއްގައި ކުޅިވަރު ވަޞީލަތްތައް ޤާއިމްކުރުމަށް 4 ކުންފުންޏަކާ ހަވާލުކޮށްފިއެވެ.

ކުޅިވަރުގެ ވަޞީލަތްތައް ޤާއިމްކުރުމަށް ހަމަޖެހިފައިވާ ރަށްތަކަކީ ރ.އިނގުރައިދޫ، ދ.ބަނޑިދޫ، ފ.މަގޫދޫގައެވެ.