1 މިލިއަން ވަނަ ފަތުރުވެރިޔާއާއިއެކު އޮގަސްޓްމަހު 131،000 އަށްވުރެ ގިނަ ފަތުރުވެރިން

މިއަހަރު ރާއްޖެއަށް ޒިޔާރަތްކުރި 1 މިލިއަން ވަނަ ފަތުރުވެރިޔާ ހަމަވެފައިވަނީ މިދިޔަ އޮގަސްޓް މަހުއެވެ. އެމަހު ރާއްޖެއަށް މުޅި ޖުމްލަ 131،863 ފަތުރުވެރިން ވަނީ އައިސްފައެވެ.

އޮގަސްޓް މަހަކީ ރާއްޖޭގެ ފަތުރުވެރިކަމުގެ ލޯ ސީޒަންއަށް ވުމުގެ ސަބަބުން އެހެން މަސްމަހާއި އަޅާބަލާއިރު މިއަހަރުގެ އޮގަސްޓްމަހު ރާއްޖެ އައި ފަތުރުވެރިންގެ އަދަދު ވަނީ ދަށްވެފައެވެ. އޮގަސްޓްމަހު އެވްރެޖްކޮށް ދުވާލެއްގެ މައްޗަށް ރާއްޖެ އައިސްފައިވަނީ 4،254 ފަތުރުވެރިންނެވެ.

advertisement

 މިއަހަރުގެ ފުރަތަމަ 8 މަސް ދުވަހު ރާއްޖެ އައިސްފައިވަނީ 1،078،635 ފަތުރުވެރިންނެވެ. މިދިޔަ އަހަރުގެ ފުރަތަމަ 8 މަސްދުވަހު ރާއްޖެ އައިސްފައިވަނީ 755،966 ފަތުރުވެރިންނެވެ. އެހެންކަމުން މުޅި އަހަރަށް ބަލާއިރު މިދިޔަ އަހަރަށްވުރެ މިއަހަރު ރާއްޖެއައި ފަތުރުވެރިންގެ އަދަދު ވަނީ އިތުރުވެފައެވެ.

އަހަރުގެ މިހާތަނަށް ރާއްޖެއަށް އެންމެ ގިނައިން ފަތުރުވެރިން އައި 5 ޤައުމު:

• އިންޑިއާ: 153،204 ފަތުރުވެރިން
• ރަޝިއާ: 123،208 ފަތުރުވެރިން
• އިނގިރޭސިވިލާތް: 122،871 ފަތުރުވެރިން
• ޖަރުމަނުވިލާތް: 85،696 ފަތުރުވެރިން
• އިޓަލީ: 64،068 ފަތުރުވެރިން

މިއަހަރުގެ ފުރަތަމަ 8 މަސްދުވަހު ރާއްޖެ އައި ފަތުރުވެރިންގެ އަދަދު:

• ޖަނަވަރީ 131،764 ފަތުރުވެރިން
• ފެބްރުއަރީ 149،008 ފަތުރުވެރިން
• މާރޗް 150،748 ފަތުރުވެރިން
• އޭޕްރީލް 145،280 ފަތުރުވެރިން
• މެއި 125،522 ފަތުރުވެރިން
• ޖޫން 110،889 ފަތުރުވެރިން
• ޖުލައި 133،561 ފަތުރުވެރިން
• އޮގަސްޓް 131،863 ފަތުރުވެރިން

ސަރުކާރުން އަމާޒުހިފާފައިވަނީ މިއަހަރު ރާއްޖެއަށް 1.6 މިލިއަން ފަތުރުވެރިން ގެނައުމަށެވެ. ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން ރާއްޖެއަށް މިހާރު ބައިނަލްއަޤްވާމީ 25 އެއަރލައިންއަކުން އަންނަނީ ދަތުރުކުރަމުންނެވެ.