މިއަދުގެ ފާހަގަކޮށްލެވޭ ހަބަރުތައް ކުރުކޮށް

ލާމަރުކަޒީ ނިޒާމަކީ އިދާރީގޮތުން މިހާތަނަށް ރާއްޖެއަށް ގެނެވޭ އެންމެބޮޑު ބަދަލު: ރައީސް

#ViavathiRaajje
In his opening remarks, President @ibusolih stated that the most important objective of holding the conference is to ensure that the people’s developmental aspirations are met in the implementation of decentralization policies. pic.twitter.com/RSNpms7j1L— The President's Office (@presidencymv) September 11, 2022

ލާމަރުކަޒީ ނިޒާމާއެކު ރާއްޖޭގެ ހިންގުމަށް ގެންނަމުންދާ ބަދަލުތަކަކީ އިދާރީގޮތުން މިހާތަނަށް ރާއްޖެއަށް ގެނެވޭ އެންމެބޮޑު ބަދަލުތައްކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

advertisement

ސަރުކާރުގެ އެންމެ އިސް ސަފުގައި އަންހެނުންގެ އަދަދު އިތުރުކުރުމަކީ އަމާޒެއް: ރައީސް

pic.twitter.com/CsJXdog7U3— The President's Office (@presidencymv) September 11, 2022

އަމާޒަކީ ސަރުކާރުގެ އެންމެ އިސް ސަފުގައި މަސައްކަތްކުރައްވާ އަންހެން ބޭފުޅުންގެ އަދަދު މިހާރަށްވުރެ ވެސް އިތުރު ކުރެއްވުންކަމަށް، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ. އެމަނިކުފާނު މިހެން ވިދާޅުވީ، 3 ވަނަ ވިއަވަތި ރާއްޖެ ކޮންފަރެންސްގެ ތެރެއިން، އެންމެ ފުރަތަމަ ކުރިޔަށް ގެންދިޔަ މިންތީގެ ހަމަހަމަކަމާއި ގުޅޭ ޕެނަލްޑިސްކަޝަންގެ ރިޔާސަތު ބަލަހައްޓަވައި، ދެއްކެވި ވާހަކަފުޅުގައެވެ.

ޅ. ކުރެންދޫ ގޮނޑުދޮށް ހިމާޔަތް ކުރުމުގެ މަޝްރޫޢު ކުރިއަށް

. ކުރެންދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، މިހާރު ކުރިއަށް ދަނީ ބޭރުތޮށި ލުމުގެ މަސައްކަތެވެ. އަދި، މަސައްކަތަށް ބޭނުންވާ ބޮޑު ހިލައިގެ ދެވަނަ ޝިޕްމަންޓް ވަނީ މިހާރު ޕްރޮޖެކްޓް ސައިޓަށް ގެންދެވިފައެވެ.#MTCCProjects #RayyithungeKunfuni pic.twitter.com/jcVI7JyrsZ— MTCC Plc (@MTCCPlc) September 11, 2022

ޅ. ކުރެންދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، މިހާރު ކުރިއަށް ދަނީ ބޭރުތޮށި ލުމުގެ މަސައްކަތް ކަމަށް އެމްޓީސީސީން މައުލޫމާތުދީފި އެވެ. އަދި، މަސައްކަތަށް ބޭނުންވާ ބޮޑު ހިލައިގެ ދެވަނަ ޝިޕްމަންޓް ވަނީ މިހާރު ޕްރޮޖެކްޓް ސައިޓަށް ގެންދެވިފައި ކަމަށްވެސް އެ ކުންފުނިން މައުލޫމާތު ދިނެވެ.

މި މަޝްރޫޢުގެ ދަށުން، 9100 ކިއުބިކް މީޓަރުގެ ވެލި ގޮނޑުދޮށަށް އެޅުމާއި، 361 މީޓަރުގެ ސަރަޙައްދެއްގައި ބޭރުތޮށި ލުމާއި، 822 މީޓަރުގެ ސަރަޙައްދެއްގައި ރިވެޓްމެންޓް ޖެހުމުގެ މަސައްކަތް ހިމެނެ އެވެ. މި މަޝްރޫޢަކީ 44.9 މިލިއަން ރުފިޔާގެ މަޝްރޫޢެކެވެ.

ޕޮލިސް ކުލަބާއި ހޭންޑްބޯލް މޯލްޑިވްސް ގުޅިގެން ހިންގި ރެފްރީން ތަމްރީނު ކުރުމުގެ ކޯސް ނިންމާލައިފި

ޕޮލިސް ކުލަބާއި ހޭންޑްބޯލް މޯލްޑިވްސް ގުޅިގެން ހިންގި ރެފްރީން ތަމްރީނު ކުރުމުގެ ކޯސް ނިންމާލައިފިhttps://t.co/s6mq8EbUVZ pic.twitter.com/ro8qjSwL61— Maldives Police (@PoliceMv) September 11, 2022

ޕޮލިސް ކުލަބާއި ހޭންޑްބޯލް މޯލްޑިވްސް ގުޅިގެން ހިންގި ރެފްރީން ތަމްރީނުކުރުމުގެ ކޯސް ނިންމުމުގެ ރަސްމިއްޔާތު ބާއްވައިފިއެވެ.

ރޭ ހުޅުމާލެ ފޭސް 1 ޕޮލިސް ސްޓޭޝަންގައި ބޭއްވި ރަސްމިއްޔާތު ޝަރަފްވެރިކޮށްދެއްވީ އެސިސްޓަންޓް ކޮމިޝަނަރ އޮފް ޕޮލިސް އިސްމާޢީލް ނަވީންއެވެ. މި ރަސްމިއްޔާތުގައި ޕޮލިސް ކުލަބުގެ ރައީސް ޗީފް ސްޕްރިންޓެންޑެންޓް އޮފް ޕޮލިސް މުޙައްމަދު ރަޝީދު އާއި ޕޮލިސް ކުލަބުގެ ނައިބު ރައީސް ޗީފް އިންސްޕެކްޓަރ އޮފް ޕޮލިސް މުޙައްމަދު ޝަރީފް އާއި ހޭންޑްބޯލް މޯލްޑިވްސްގެ ނައިބު ރައީސް އަޙްމަދު މުޖުތަބާ އާއި ޕޮލިސް ކުލަބުގެ ޖެނެރަލް ސެކްރެޓަރީ ސަބް އިންސްޕެކްޓަރ އޮފް ޕޮލިސް ޢަލީ އިބްރާހިމްގެ އިތުރުން ކޯހުގައި ކިޔަވައިދެއްވި މުދައްރިބުންނާއި ކޯހުގެ ބައިވެރިން ބައިވެރިވެލެއްވިއެވެ.

ދުނިޔެ ސާފުކުރުމުގެ ދުވަހުގެ ހަރަކާތްތަކުގައި ވީހާވެސް ގިނަ އިދާރާތަކުން ބައިވެރިވުމަށް އެދިއްޖެ

Circular regarding the World Cleanup Day on 17 September. We request all government organizations, schools, resorts and other parties to organize a cleanup program for this day and register at: https://t.co/9UF0K4HCGM pic.twitter.com/avlMBlSVQ9— EPA Maldives (@EPAMaldives) September 11, 2022

ދުނިޔެ ސާފުކުރުމުގެ ދުވަހުގެ ހަރަކާތްތަކުގައި ވީހާވެސް ގިނަ އިދާރާތަކުން ބައިވެރިވުމަށް އެންވަޔަރަންމަންޓަލް ޕްރޮޓެކްޝަން އޭޖެންސީ، އީ.ޕީ.އޭއިން އެދިއްޖެއެވެ.