ޚަބަރު

ބަލިމީހާ ޑޮކްޓަރު ކޮޓަރިން ނިކުންނައިރު މި 3 ކަންތައް އިނގެންޖެހޭ!

19 ސެޕްޓެމްބަރ 2022 - 9:50

ބައްޔެއްގައި މީހަކު ޑޮކްޓަރަށް ދައްކަން ދާއިރު އެމީހާއަށް އެކަމުގެ މާބޮޑު މައުލޫމާތެއް އިނގިފައި ނެތި ދާނެއެވެ. އެހެންނަމަވެސް ޑޮކްޓަރަށް ދައްކާފައި އެނބުރި ގެއަށް އަންނައިރު ބަލިމީހާއަށް ކޮންމެހެން އިނގެންޖެހޭ ކަންތައްތަކެއް ހުރެއެވެ.

މިކަމާއި ގުޅޭގޮތުން ޑޮކްޓަރ ފައިސަލް ޓުވިޓަރގައި ވިދާޅުވެފައިވަނީ ބަލިމީހާ ޑޮކްޓަރަށް ދައްކަން އަންނަނީ އަލާމާތްތަކާއި އެކުގައިކަމަށެވެ. އެހެންނަމަވެސް އަނބުރާ ދާންޖެހޭނީ 3 ކަމެއް އިނގިގެންކަމަށެވެ. އެއީ:

  • މީހާއަށް ދިމާވެފައިވާ މައިގަނޑު މައްސަލަ
  • ދެން ހަދަންޖެހޭ ގޮތް
  • އެހެން ހަދަންޖެހެނީ ކީތްވެގެންކަން

ކޮންމެގޮތެއްވިއަސް އެމީހެއްގެ ބައްޔާއި ގުޅޭގޮތުން ޑޮކްޓަރުން އޮޅުންފިލުވާދޭންޖެހެއެވެ. އަދި އެމީހަކަށް މި މައުލޫމާތުތައް ލިބިފައި ހުންނަންޖެހެއެވެ. ޑރ. ފައިސަލްގެ ޓްވިޓަށް ބައެއް މީހުން ވަނީ ހިޔާލުވެސް ފާޅުކޮށްފައެވެ. އެމީހުން ބުނެފައިވަނީ ޑޮކްޓަރަށް ދައްކަން ގޮސްފައި އަންނަ މީހުންގެ ތެރެއިން މި 3 ކަންތައް އިނގިގެން ގެއަށް އަންނަނީ ވަރަށް މަދު މީހުން ކަމަށެވެ. އަދި ބައެއް ޑޮކްޓަރުން ބަލިމީހުންނަށް މި 3 ކަންތަކުގެ މައުލޫމާތު ނުދޭކަމުގެ ޝަކުވާ ވަރަށް ގިނަ ބަޔަކު ވަނީ ކޮށްފައެވެ.

ރިއެކްޝަންސް
6
0
2
9
1
0
0