އަމީނީ މަގުން ގަސްތައް ނަގާތީ އާއްމުން ރަތަށް

މާލޭ އަމީނީމަގު ހެދުމުގެ މަސައްކަތް ކުރާ ރޯޑް ޑިވެލޮޕްމަންޓް އޮތޯރިޓީ އިން އެ މަގުގައި ހުރި ބިޔަ ގަސްތައް ކަނޑަން ފެށުމާއި އެކު އާއްމުން ރުޅިގަދަ ވެ ހިތްހަމަ ނުޖެހުން ފާޅުކުރަން ފަށައިފިއެވެ.

މި ގަސްތަކަކީ ރައީސް މައުމޫނުގެ ދައުރުގައި އިންދާފައިވާ ގަސްތަކެކެވެ. ގާތްތަނޑަކަށް 30 އަހަރުވެފައިވާ މި ބިޔަ ގަސްތަކުން މުޅި އަމީނީ މަގުގެ ބޮޑު ބަޔަކަށް ހިޔާ ލިބެއެވެ.

advertisement

ރޯޑް ޑިވެލޮޕްމަންޓް އޮތޯރިޓީ އިން ބުނެފައިވަނީ އެގަސްތައް ނެގުމަށްފަހު އަލުން އިންދާނީ މާލެ ކައިރީގައި ހަދަމުން އަންނަ ޕިކްނިކް އައިލެންޑް “ކުޑަގިރި” ގައި ކަމަށް އެ ފަރާތުން ނެރެފައިވާ ނޫސްބަޔާނުގައި ބުނެފައިވެއެވެ.

އަދި އެ ގަސްތައް ނެގުމަށްފަހު އެމަގުގައި ގަސް އިންދެން ހުރި ތަންތަނުގައި އަލުން ގަސް އިންދާނެކަމަށް ވެސް އެ ނޫސް ބަޔާނުގައި ބުނެފައި ވެއެވެ.

މިކަމާއި މެދު ހިތްހަމަނުޖެހުން ފާޅު ކުރަމުން އަންނަ ފަރާތްތަކުން ބުނަމުން އަންނަނީ ހޫނުގަދަ ކަމުން މިހާރު ބވެސް ހިނގާފައި އުޅުމަށް ދަތި އިރު، އަމީނީ މަގު ފިނިކޮށްދޭ ބިޔަ ގަސްތައް ކަނޑާލައި، އެ މަގުގައި ތާރު އެޅުމުން ދެން އަމުދުން އަރާ ދިލަ ހޫނުން އެމަގުގައި ހިނގާބިނގާވެ އުޅުމަށް ނުކުޅަދާނަވާނެ ކަމަށެވެ.

Mivarun magu nuhediyaa maa rangalhu! 🤬

Mihaaru ves heskiyaafa hoonu. Dhen tar alhaa nimuneema hiyaa nuvaa mi araa dhila hoonun maguga hingaafa noolheveyne ehves meehakah.

Verin ge dharin dhaanee AC Carukolhuga AC school ah thaa, aanmunah hurihaa balaaeh. pic.twitter.com/drQ69GwOog— Hon. Afrah Ismail (@iharfa) September 19, 2022

އަދި އަލުން އެތަނުގައި ގަސް އިންދާނެ ކަމަށް އާރްޑީސީ އިން ބުނެފައިވާ ބުނުމަށް ރައްދު ދެމުން، ތިމާވެށީގެ ކަންކަމުގައި އަޑުއުފުލާ ފަރާތަކުން ބުނެފައި ވަނީ މީގެ ކުރިންވެސް އެގޮތަށް ގަސް އިންދާނެ ކަމަށް ބުނެފައިވާ ފަހަރުތަކުގައި އެފަރާތުން އިންދާފައިވަނީ ކުދި ގޮފިކޮޅުތަކެއް ކަމަށެވެ.

މި ގަސްތަކަކީ ނެތި ދިއުމުގެ ބިރު އޮތް ގަހެއް ނޫން. މިއީ އުނދަގުލަކާ ނުލައި، ފަސޭހައިން މާލޭގައި ހެދޭ ގަސްތަކެއް. އިރާދަ ކުރެއްވިއްޔާ އަމީނީމަގު ތަރައްގީވެގެންދާއިރު، މިއަށް ވުރެ ބޮޑަށް ހިޔާލިބޭ، ގަސްތައް ޖަހައި، މުޅި މަގު ފެހިކޮށްލާނެ @rdcmaldives އިން. pic.twitter.com/8QYzgjEfP9— Ahmed Rasheed (@Dhonkolhu) September 19, 2022

އަދި އެންވަޔަރަމަންޓް މިނިސްޓްރީ އާއި މުޅި ސަރުކާރުންވެސް ކްލައިމެޓް އެމަޖެންސީ އިއުލާނުކޮށް، ދުނިޔޭގެ އެކި ޑޯނާ އެޖެންސީ ތަކުން ކްލައިމްޓް ފަންޑް ހޯދަމުން އަންނަ އިރު، މަގު ހެދުމުގެ މަސައްކަތަށް ގަސް އުފުރުމަކީ ދައްކާ ވާހަކައާއި އަމަލާއި ދިމާ ނުވާ ކަމެއްކަމުގައި ވެސް މީހަކު އޭނާގެ ސޯޝަލް މީޑިއާގައި ބުނެފައިވެއެވެ.

@MoEnvmv is too busy begging for funding from foreign donors with sob stories of climate change while the actions of the government itself are so hypocritical https://t.co/n7BJAYtcR7— Neonthu (@nunthu) September 19, 2022

ރާއްޖެއަށް މިހާރު ވެސް މިވަނީ ދުނިޔެ ހޫނުވުމުގެ ސަބަބުން ކުރިމަތިވާ ގެއްލުންތައް ފެންނަން ފަށާފައެވެ.

އެގޮތުން އާދަޔާއި ހިލާފަށް ހޫނު ގަދަ ވުމާއި، ވިއްސާރަ މޫސުމުގައި އާދަޔާ ހިލާފަށް ބޯކޮށް ވާރޭވެހި ފެން ބޮޑުވުމާއި ރަށް ގިރައި އުދައެރުން މިވަނީ ބޮޑުވެފައެވެ.

އުމްރާނީ ތަރައްގީގެ މަޝްރޫއުތައް ހިންގުމުގައި ގަސްތައް ނުކަނޑައި ކުރިއަށް ދެވޭނެ ގޮތްތަކެއް ހޯދުން މުހިންމުވަނީ މި ސަބަބުތަކަށް ޓަކައެވެ.

ވައި ތަގައްޔަރުވެފައިވާ މާލޭގައި ދިރިއުޅޭ މީހުންނަށް ސާފު ވައި ލިބުންވެސް ދަތިވެފައިވާތީވެސް މެއެވެ.