މިއަދުގެ ފާހަގަކޮށްލެވޭ ހަބަރުތައް ކުރުކޮށް

ޗައިނާގެ ޤައުމީ ދުވަހުގެ މުނާސަބަތުގައި، ޗައިނާގެ ރައީސަށާއި ޕްރެމިއަރ އަށް ރައީސް ތަޙުނިޔާ ފޮނުއްވައިފި

The President conveys National Day greetings to the President and Premier of China https://t.co/5skJ4ffesY— The President's Office (@presidencymv) October 1, 2022

ޗައިނާގެ 73 ވަނަ ޤައުމީ ދުވަހުގެ މުނާސަބަތުގައި، އެޤައުމުގެ ރައީސް ޝީ ޖިންޕިންގއަށާއި، ޕްރެމިއަރ އޮފް ދަ ސްޓޭޓް ކައުންސިލް އޮފް ޗައިނާ، ލީ ކީކްޔާންގަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ތަޙުނިޔާ ވިދާޅުވެ މެސެޖް ފޮނުއްވައިފިއެވެ.

advertisement

‏ރައީސުލްޖުމްހޫރިއްޔާ، ޗައިނާގެ ރައީސަށް ފޮނުއްވި މެސެޖުގައި، ޗައިނާގެ ޤައުމީ ދުވަހުގެ އުފާވެރި މުނާސަބަތާއި ގުޅިގެން އެ ޤައުމުގެ ރައްޔިތުންގެ މެދުގައި ގުޅުން ބަދަހިވެ، ޤައުމުގެ ކުރިމަގު އިތުރަށް ތަރައްޤީކުރުމަށް އާ އަޒުމެއްގައި ޗައިނާގެ ރައްޔިތުން ގުޅިގެން މަސައްކަތްކުރާނެ ކަމަށް އުންމީދުކުރައްވާކަމުގައި ވަނީ ވިދާޅުވެފައެވެ.

މި ހަފްތާ ހޯމަ ދުވަހަކީ ސަރުކާރު ބަންދު ދުވަހެއް: ރައީސް އޮފީސް

މިހިނގާ އޮކްޓޫބަރު މަހުގެ 3 ވަނަ ދުވަހަކީ ސަރުކާރު ބަންދު ދުވަހެއްކަމުގައި ރައީސުލްޖުމްހޫރިއްޔާ ވަނީ ހަމަޖައްސަވާފައި https://t.co/BPXh9Ld8PQ— The President's Office (@presidencymv) October 1, 2022

މި ހިނގާ އޮކްޓޫބަރު މަހުގެ 3 ވާ ހޯމަ ދުވަހަކީ ސަރުކާރު ބަންދު ދުވަހެއް ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ ހަމަޖައްސަވާފައެވެ.

ށ. ޅައިމަގު ބަނދަރު ތަރައްޤީ ކުރުމުގެ މަޝްރޫޢު ކުރިއަށް

ށ. ޅައިމަގު ބަނދަރު ތަރައްޤީ ކުރުމުގެ މަޝްރޫޢުގެ ދަށުން، އެއްގަމު ތޮށީގައި ބްލޮކް ޖެހުމުގެ މަސައްކަތް މިހާރު ވަނީ ނިމިފައެވެ. އަދި، މިހާރު ކުރިއަށްދަނީ އެއްގަމު ތޮށީގެ ކޮންކްރީޓް މަސައްކަތެވެ.#MTCCProjects #RayyithungeKunfuni pic.twitter.com/fo8pgJWePN— MTCC Plc (@MTCCPlc) September 30, 2022

ށ. ޅައިމަގު ބަނދަރު ތަރައްޤީ ކުރުމުގެ މަޝްރޫޢުގެ ދަށުން އެއްގަމު ތޮށީގައި ބްލޮކް ޖެހުމުގެ މަސައްކަތް މިހާރު ވަނީ ނިމިފައި ކަމަށް އެމްޓީސީސީން މައުލޫމާތުދީފި އެވެ. އަދި، މިހާރު ކުރިއަށްދަނީ އެއްގަމު ތޮށީގެ ކޮންކްރީޓް މަސައްކަތް ކަމަށްވެސް އެ ކުންފުނިން މައުލޫމާތުދިނެވެ.

މި މަޝްރޫޢުގެ ދަށުން، 31,000 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 350 މީޓަރުގެ ސަރަޙައްދެއްގައި ބޭރުތޮށި ލުމާއި، 276 މީޓަރުގެ ސަރަޙައްދެއްގެ އެއްގަމުތޮށި ލުމާއި، 500 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 1,380 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުމާއި ނެރު ބައްތި އާއި މަގުބައްތި ހަރުކުރުން ހިމެނެ އެވެ. މި މަޝްރޫޢުއަކީ 53.1 މިލިއަން ރުފިޔާގެ މަޝްރޫޢެކެވެ.

ނަޝީދުގެ ހިއްސާ އޮންނަ އޯޝަން ޕަބްލިޝާސްއިން ހަފްތާ މަޖައްލާއެއް ނެރެނީ

އޯޝަން ވީކްލީ
ކޮންމެ ހުކުރުދުވަހަކު ނެރޭ މިމަޖައްލާގެ ފުރަތަމަ އަދަދު (30 ސެޕްޓެމްބަރ) ލިބެން ހުންނާނެ ތަންތަން:
ނޮވެލްޓީ ބުކްޝޮޕް
ރާދަ ބުކްޝޮޕް
ނާސަރީ ބުކްޝޮޕް
އޯޝަން ލައިބްރަރީ
ޑޮލްފިން ކެފޭ
ސިޓްރޯން
މެރާކީ pic.twitter.com/NHWTXvzIXT— Ocean Weekly (@oceanweeklymv) September 29, 2022

ރައީސް މުހައްމަދު ނަޝީދު ގެ ހިއްސާ އޮންނަ އޯޝަން ޕަބްލިޝާސް އިން ހަފުތާ މަޖައްލާއެއް ނެރެން ފަށައިފި އެވެ.

އެމްއޭސީއެލްގެ ފްލެޓްތައް މުވައްޒަފުންނާ ހަވާލުކޮށްފި

#MACLAeroResidence key handover ceremony started at Hulhumale phase 2. #MACLAeroResidence is a two tower residential apartments built by MACL through government housing policy. It has in total 384 residential apartments which includes 240 of 2 rooms and 72 of 1 room apartments. pic.twitter.com/H5oGzN92FQ— Maldives Airports Company Ltd – MACL (@MACLmedia) October 1, 2022

ވެލާނާ އިންޓަރނޭޝަނަލް އެއާޕޯޓް ހިންގާ ކުންފުނި އެމްއޭސީއެލްއިން އިމާރާތްކޮށްފައިވާ ފްލެޓްތަކުގެ މަސައްކަތް ނިންމައި، އެ ފްލެޓްތައް މުވައްޒަފުންނާ ހަވާލުކޮށްފިއެވެ.