ޖަމިއްޔާ ޖަމާއަތްތަކަށް ހިތްވަރުދޭ އެމް.ވީ.ޕްލަސް ކޮމިއުނިޓީ އިމްޕެކްޓް އެވޯޑްސް 2022އަށް ކުރިމަތިލުމަށް ހުޅުވާލައިފި

ރާއްޖޭގެ ޖަމިއްޔާ ޖަމާއަތްތަކަށް ހިތްވަރުދިނުމުގެ ގޮތުން އެމް.ވީ.ޕްލަސް އިން މިދިޔަ އަހަރުން ފެށިގެން ދޭން ފެށި ކޮމިއުނިޓީ އިމްޕެކްޓް އެވޯޑްސް 2022އަށް ކުރިމަތުލުމަށްވަނީ މިއަދުން ފެށިގެން ހުޅުވާލެވިފައި އެވެ. މިއީ މި އެވޯޑްގެ ދެވަނަ އިންސްޓޯލްމަންޓެވެ.

އެމް.ވީ.ޕްލަސް ކޮމިއުނިޓީ އިންޕެކްޓް އެވޯޑްސްގެ މަޤްސަދަކީ ހޮވާލެވޭ ލޯކަލް އެންޖީއޯތަކުގެ މަސައްކަތްތަކުގެ އަގު ވަޒަންކޮށް އަދި އެޖަމިއްޔާތަކުގެ މަސައްކަތް އިތުރަށް ފުޅާކުރުމަށް ހިތްވަރުދިނުމެވެ.

advertisement

އެވޯޑަށް ކުރިމަތިލުމަށް ހަމަވާންޖެހޭ ޝަރުތުތަކަކީ:

·           ޔޫތް މިނިސްޓްރީގައި ރަޖިސްޓްރީވެފައިވާތާ ދެ އަހަރުވެފައިވާ ޖަމިއްޔާ / ޖަމާއަތަކަށް ވުން.

·           ނިމިގެން ދިޔަ އަހަރު “އެކްޓިވް” ކޮށް މަސައްކަތް ކޮށްފައިވާ ޖަމިއްޔާއަކަށް ވުން.

ހޮވާލެވޭ ޖަމިއްޔާތަކަށް އެވޯޑްދިނުމުގެ އިތުރުން، މިއަހަރުގެ ޖަލްސާގައި އިޖްތިމާއީ މައްސަލަތަކާއި ގުޅޭ އެކި އެކި ޕެނަލް ޑިސްކަޝަންތައްވެސް ކުރިއަށް ގެންދިޔުމަށްވަނީ ހަމަޖެހިފައި އެވެ. މި ޕެނަލްތަކުގައި ވާހަކަ ދެކެވޭނެ މައުލޫތަކުގެ ތެރޭގައި ބޯހިޔާވަހިކަމާއި، ޑްރަގް އެޑިކްޝަނާއި، އަންހެނުން ބާރުވެރިކުރުވުމާއި، އަދި ތިމާވެށީގެ މައްސަލަތައްފަދަ މައުލޫތައް ހިމެނޭކަންވެސް ފާހަގަކޮށްލަމެވެ.

އެމް.ވީ.ޕްލަސްއިން ގަބޫލުކުރާ ގޮތުގައި ނޮން ޕްރޮފިޓް ޖަމިއްޔާތަކަކީ އިޖްތިމާއީ އެކިއެކި ކަންކަމުގައި ހައްލު ހޯދައިދިނުމަށް މުޖުތަމައުގައި ވަރަށް މުހިއްމު ރޯލެއް އަދާކުރާ ބައެކެވެ. އެހެންކަމުން މިފަދަ ޖަމިއްޔާތައް ބާރުވެރިކޮށް ޖަމިއްޔާތަކަށް އެހީތެރިވުމަކީ އެމް.ވީ.ޕްލަސްގެ ވަރަށް ބޮޑު އަމާޒެކެވެ.

މި އެވޯޑަށް ކުރިމަތިލުމަށް ޖަމިއްޔާގެ ރަޖިސްޓްރޭޝަނާއި އަދި އަހަރީ ރިޕޯޓު މި މަހުގެ 25ގެ ކުރިން  media@plus.mv އާއި ހިއްސާކޮށްލެވޭނެ އެވެ.