މިޔަހެލި 2022ގައި ބައިވެރިވުމުގެ ފުރުސަތު މިހާރު ވަނީ ހުޅުވާލައިފި

‘މިޔަހެލި’ އަކީ  2016 ވަނަ އަހަރުން ފެށިގެން ޔޫއެންޑީޕީ މޯލްޑިވްސް އާއި އުރީދޫ މޯލްޑިވްސް ގުޅިގެން އެހެނިހެން ފަރާތްތަކުގެ އެހީއާއެކު ޒުވާނުން ބާރުވެރިކުރުވާ އިޖުތިމާއީ ކަންކަމަށް ހައްލުހޯދުމުގެ މަގުސަދުގައި ބާއްވާ ސޯޝަލް އިނޮވޭޝަން ޗެލެންޖެކެވެ. 

#މިޔަހެލި2022 – 'މަދަނީ ޖަމިއްޔާ އެޑިޝަން' މި ނޮވެމްބަރު މަހުގައި!

2 ނޮވެމްބަރު 2022 ގެ ކުރިން ތިރީގައިވާ ކިއު އާރް ކޯޑް ނުވަތަ https://t.co/rjOnqLLykM މި ލިންކު މެދުވެރިކޮށް ފޯމު ހުށައަޅާ! pic.twitter.com/r8Zwhi2e5B

advertisement

— UNDP Maldives (@UNDPMaldives) October 19, 2022

މިހާތަނަށް އިންތިޒާމުކުރެވުނު މިޔަހެލި ސޯޝަލް އިނޮވޭޝަން ޗެލެންޖުތަކަކީ ޒުވާނުންނަށް އަމާޒުކުރެވިގެން ހިންގާފައިވާ ޕްރޮގްރާމްތަކެކެވެ. 

އަދި ކޮންމެ އަހަރަކުވެސް މިޔަހެލި ކާމިޔާބުކުރާ ޒުވާނުންނަށް އެފަރާތްތަކުން ހުށަހަޅާފައިވާ މަސައްކަތްތައް ހަ މަސްދުވަހުގެ މުއްދަތެއްގެ ތެރޭގައި ޕައިލެޓް ކުރުމަށް ސީޑް ފަންޑިންގް ފޯރުކޮށްދެވިފައިވެއެވެ. 

މިޔަހެލި 2022 ގައި އައު އީޖާދުތަކާއި ހައްލުތައް ހުށަހެޅުމަށް ހުޅުވާލެވިފައިވަނީ “ޕީޕަލް، ޕްލެނެޓް އެންޑް ޕްރޮސްޕެރިޓީ” މި ޝިއާރުގެ ދަށުންނެވެ. 

މި ޝިއާރުގެ އަމާޒަކީ ދެމެހެއްޓެނިވި ތަރައްގީގެ ލަނޑުދަނޑިތައް ހާސިލުކުރުމުގެ ގޮތުން ބަދަލުތައް ގެންނާނެ މީހުންނާއި ތަޖުރިބާކާރުންނާއި، ދުނިޔެ އަދި ތަރައްގީގެ ރޮނގުތަކުން ބަދަލުތައް ގެންނާނެފަދަ އީޖާދީ ހިޔާލުތައް އެއްތަންކުރުމުގެ ނިޔަތުގައި މަސައްކަތްކުރުމެވެ. 

އަދި މި ސޯޝަލް އިނޮވޭޝަން ޗެލެންޖުގެ މަގްސަދަކީ މި ޕްރޮގްރާމުގެ ބައިވެރިންގެ ފަރާތުން މުޖުތަމައުގައި ހަވާސާކުރެވިފައިވާ ފަރާތްތަކަށް އެއްހަމައެއްގައި ފުރުސަތުތައް ހޯދައިދީ، އެފަރާތްތަކުގެ ބައިވެރިވުން އިތުރުކޮށް، ސައިންސަށް ބިނާކޮށް ތިމާވެއްޓަށާއި މުޖުތަމައުއަށް ދިމާވާ މައްސަލަތަކަށް ފައިދާ ހުރި ހައްލު ހޯދުމުގެ ގޮތުން އައު ވިސްނުމެއްގައި މަސައްކަތްކުރުމެވެ. 

ކުރިން އަހަރުތަކާއި ހިލާފަށް، މިޔަހެލި ސޯޝަލް އިނޮވޭޝަން ޗެލެންޖު 2022 ހުޅުވާލެވިފައިވަނީ މަދަނީ ޖަމުއިއްޔާތަކަށެވެ. 

މިޔަހެލި ކޭމްޕްގައި ބައިވެރިވުމަށް 13 ޖަމުއިއްޔާ ހޮވުމަށް ހަމަޖެހިފައިވާއިރު، ބައިވެރިވާ ޖަމިއްޔާތަކުގެ ތެރެއިން 3 ޖަމުއިއްޔާއަކަށް އެ ފަރާތެއްގެ އީޖާދީ ހައްލުތައް ޕައިލެޓް ކުރުމަށް ސީޑް ފަންޑިންގް ދޫކުރެވިގެން ދާނެއެވެ. 

މިޔަހެލި ސޯޝަލް އިނޮވޭޝަން ޗެލެންޖް ކާމިޔާބުކުރާ ފަރާތްތަކަށް އެ ޖަމުއިއްޔާތަކުން ހުށަހަޅާފައިވާ ތަސައްވުރު 6-8 މަސްދުވަހުގެ ތެރޭގައި ތަންފީޒުކޮށް ޕައިލެޓްކުރުމަށް  300،000  ދިވެހި ރުފިޔާގެ ސީޑް ފަންޑިންގް ފޯރުކޮށްދީ މަޝްރޫއުތައް ސްކޭލްކުރުމަށް އިތުރު ފުރުސަތުތައް ފަހިކޮށްދެވޭނެއެވެ. 

މިޔަހެލި ކާމިޔާބުކުރާ 3 ޖަމުއިއްޔާގެ ތެރެއިން 2 ޖަމުއިއްޔާ ހޮވާލެވޭނީ މާލެ ސިޓީ ނޫން އެހެން ސަރަހައްދުތަކުގައި އިދާރީ މަސައްކަތްތައް ހަމަޖެހިފައިވާ މަދަނީ ޖަމުއިއްޔާތަކަށް އިސްކަންދީގެންނެވެ. 

ބައިވެރިވެވޭނެ ފަރާތްތައް

މިޔަހެލި 2022 ރޭވިފައިވަނީ މަދަނީ ޖަމުއިއްޔާތަކަށެވެ. އަދި މިފުރުސަތުގައި ބައިވެރިވުމަށް ދިވެހިރާއްޖޭގައި ރެޖިސްޓަރކޮށްފައިވާ ހުރިހާ މަދަނީ ޖަމުއިއްޔާތަކަށް އެޕްލިކޭޝަން ފޯމު ހުށަހެޅޭނެއެވެ. ހަތަރު ދުވަހުގެ މުއްދަތަކަށް ކުރިއަށް ގެންދާ މިޔަހެލި ކޭމްޕްގައި ބައިވެރިވުމަށް ހޮވާލެވޭ ކޮންމެ ޖަމުއިއްޔާއެއްގެ 3 މަންދޫބުން – ރައީސް/ޗެއާޕާސަން/ބޯޑު މެމްބަރު، ޖެނެރަލް ސެކެޓްރީ/ސީއީއޯ އަދި ޑެޑިކޭޓެޑް ޕްރޮގްރާމް ސްޓާފެއް – ބައިވެރިވާނެއެވެ.

ބޭއްވޭނެ ތާރީހު

މިޔަހެލި ސޯޝަލް އިނޮވޭޝަން ކޭމްޕް ކުރިއަށް ގެންދިއުމަށް ހަމަޖެހިފައިވަނީ 17 އިން 20 ނޮވެމްބަރ 2022 ގައެވެ.

ބޭއްވޭނެ ތަން

މިޔަހެލީގައި ބައިވެރިވުމަށް ހޮވޭ ފަރާތްތަކަށް ކޭމްޕް އޮންނަ ތަން ފެށޭ ތާރީހާއި ކައިރިކޮށް ހާމަކުރެވޭނެއެވެ. 

ބައިވެރިވުން

މިޔަހެލި 2022 ގައި ބައިވެރިވުމަށް ފޯމު ހުށަހެޅުމަށް މިހާރު ވަނީ ހުޅުވާލެވިފައެވެ. ފޯމު ހުށަހެޅުމުގެ ސުންގަޑި އަކީ 2 ނޮވެމްބަރ 2022 ގެ 23:59 އެވެ.

މަދަނީ ޖަމިއްޔާތައް މިޔަހެލި 2022 ގައި ބައިވެރިވުމަށް ފޯމު ހުށަހަޅުއްވާއިރު އިޖުތިމާއީ ގޮތުން ރާއްޖޭގައި ކުރިމަތިވާ ކޮންމެވެސް މައްސަލައަކަށް ހައްލެއް ހޯދައިދެވޭ ފަދަ އީޖާދީ ހިޔާލެއް/ޕްރޮޖެކްޓެއް ހިމަނަންވާނެއެވެ. ހިޔާލު ހުށަހަޅާއިރު ފުރިހަމަ ހައްލެއް ހުށައަޅަން ނުޖެހެއެވެ. ނަމަވެސް، މަދަނީ ޖަމިއްޔާތަކުން ހިޔާލު/ޕްރޮޖެކްޓު ހުށައަޅާއިރު އެހިޔާލުން ހައްލުކުރަން މަސައްކަތްކުރާ މައްސަލައާއި، ހިޔާލު/ޕްރޮޖެކްޓު އަމާޒުކުރެވޭ ފަރާތްތަކާއި، ހިޔާލު/ޕްރޮޖެކްޓުގެ ސަބަބުން ކުރާނޭ އެދެވޭ އަސަރުތަކާއި، ޕްރޮޖެކްޓު ދިގު މުއްދަތަކަށް ދެމެހެއްޓުމަށް އަޅާނޭ ފިޔަވަޅުތައް، ހެކި/މިސާލާއި އެކު ހުލާސާކޮށް ބަޔާންކުރަންވާނެއެވެ. 

ފޯމު ހުށައަޅާއިރު އިސްވެދިޔަ މައުލޫމާތު ހުލާސާކޮށް ބަޔާންކުރަންވާނެއެވެ. އަދި ޝޯޓްލިސްޓުވެގެން މިޔަހެލި 2022 ގައި ބައިވެރިވާ 13 މަދަނީ ޖަމިއްޔާއަކުން، އެފަރާތްތަކުން ހުށައެޅި އިޖާދީ ހިޔާލު/ޕްރޮޖެކްޓު އިތުރަށް ފުރިހަމަ ކުރުމަށް މަސައްކަތްކުރާނެއެވެ. އަދި މި މަސައްކަތުގައި ފަންނީ މާހިރުންނާއި، ފެސިލިޓޭޓަރުންނާއި، މެންޓަރުންގެ އެހީ ލިބޭނެއެވެ.

މިޔަހެލީގައި ބައިވެރިވާން ބޭނުންވާ ފަރާތްތަކަށް ތިރީގައި މިވާ ލިންކުތަކުން ބައިވެރިވާ ފޯމު ހުށަހެޅޭނެއެވެ.

https://bit.ly/3Tak3Le | އެޕްލިކޭޝަން ފޯމް (އިނގިރޭސި/ދިވެހި):

https://bit.ly/3Tb1I0o | ހޮވާލެވޭ މިންގަނޑު:

fathimath.raia@undp.org | umar.mavee@undp.org | އެޕްލިކޭޝަން މަރުހަލާގެ އިތުރު މައުލޫމާތު:

އިތުރު މައުލޫމާތު

aminath.ibrahim@undp.org | ޔޫއެންޑީޕީ މޯލްޑިވްސް

noora.zahir@ooredoo.mv |އުރީދޫ މޯލްޑިވްސް