ހުޅުމާލޭގެ 1000 ވެށިފަހި މާލެ ފުލެޓުތަކުގައި ކުލަލުމުގެ މަސައްކަތް ފަށައިފި

ހުޅުމާލެ 1000 (ވެށިފަހިމާލެ) ފުލެޓު މަޝްރޫޢުގެ ދަށުން ތަރައްޤީ ކުރެވިފައިވާ ފްލެޓް ނަންބަރު 83 އިން 112 އަށް އެއްމެދު އިމާރާތްތަކުގެ ބޭރުފާރުގެ ކުލަ އައުކުރުމުގެ މަސައްކަތް 23 އޮކްޓޯބަރ 2022 ވީ އާދިއްތަ ދުވަހުން ފެށިގެން އެޗްޑީސީ އިން ވަނީ ފަށާފައެވެ.

މި މަސައްކަތުގެ ދަށުން އިމާރާތުގެ ބޭރުފާރާއި، ފުލެޓުތަކުގެ ބެލްކަނީގެ އެތެރެފާރުގައި ކުލަލެވޭނެއެވެ. އަދި މީގެ އިތުރުން ފުލެޓުގެ ރެނދު ބެއްދުމުގެ މަސައްކަތްވެސް ކުރިއަށް ދާނެއެވެ.

advertisement

މި މަސައްކަތް ހަތަރުމަސް ދުވަސްތެރޭ ނިންމާލެވޭނެކަމަށް އެޗްޑީސީއިން ބުނެއެވެ. ކޮންމެ އިމާރާތެއްގެ މަސައްކަތް ފެށުމުގެ ކުރިން އެއިމާރާތެއްގެ ފުލެޓުތަކަށް ނޯޓިސް ދެވޭނެއެވެ. އަދި މަސައްކަތް ކުރުމަށް ހަމަޖެހިފައިވާ ފުލެޓްތަކުން ބެލްކަނީގައި މަސައްކަތްކުރުމަށް މަގުފަހިކޮށްދިނުމަކީ ފުލެޓެއްގެ ވެރިފަރާތުގެ ޒިންމާއެއްކަމަށްވެސް އެ ކޯޕަރޭޝަންއިން ބުނެފައިވެއެވެ. އަދި އެ އިމާރާތުގެ ބޭރުގައި ބެހެއްޓިފައިވާ ގަސްމުށި، ހަރު، ފެންސް، އިމާތާތުގެ އާންމު ބައިތަކުގައި ބެހެއްޓިފައިވާ ތަކެއްޗާއި އިންދާފައިވާ ގަސް އަދި އެހެނިހެން ހިފާ ގެންގުޅޭ ތަކެތި އެކަހެރިކުރުމަށްވެސް އެޗްޑީސީއިން ބުނެއެވެ.

މީގެ އިތުރުން، ނުނަގާ ނުވަތަ ނުގެންގޮސް ހުންނަ ތަކެއްޗަކީ ބޭނުންނެތިގެން ދޫކޮށްލާފައިވާ ތަކެތި ކަމަށް ބަލާ، އެތަކެއްޗާއިމެދު އެ ކޯޕަރޭޝަނުން ފެންނަގޮތަކަށް އަމަލުކުތުމުގެ އިހުތިޔާރު ލިބިގެންވެއެވެ، އަދި މަސައްކަތް ކުރިއަށް ގެންދިއުމަށްޓަކައި އިމާރާތުގެ ބޭރުގައި ބެހެއްޓިފައިވާ ތަކެތި އަދި ހުއްދަނެތި  ހައްދާފައިވާ ގަސްތައް ހިމެނޭ ގޮތަށް އެކަހެރި ކުރުމުގެ ތެރޭގައި ލިބޭ ގެއްލުމަށް އެޗްޑީސީ އަކުން ޒިންމާއެއް ނުވާނެއެވެ.