މާންދޫއަށް ކިރުވި މަހަށް ފައިސާ ނުދޭތީ ހުށަހެޅި ކުއްލި މައްސަލައިގާ ހުރި ނުކުތާތަށް

ލ. މާންދޫ އަށް ކިރުވި މަހަށް ފައިސާ ނުދޭ މައްސަލާގައި ގަމު ދާއިރާގެ މެންބަރު މުހައްމަދު ވިސާމް ރައްޔިތުންގެ މަޖިލީހަށް ހުށަހެޅި ކުއްލި މައްސަލަ މިއަދު މަޖިލީހުންވަނީ ބަލައިގަނެފައި އެވެ.

ކަން ހިނގި ގޮތް

• ލ. އަތޮޅާއި ތ. އަތޮޅުގެ މަސްވެރިންނަށް ލިބެންޖެހޭ ފައިސާ ނުލިބި ލަސްވަމުންދާތީ މާންދޫގެ މަސް ފެކްޓްރީ ބޭރުގައި މަސްވެރިން އިއްޔެއިން ފެށިގެން ދަނީ މުޒާހަރާ ކުރަމުން
• މުޒާހަރާ މަސްވެރިން މައުލޫމާތުދޭ ގޮތުގައި ކިރާ މަހަށް ފައިސާ ލިބެނީ ގާތްގަނޑަކަށް މަހެއްހާ ދުވަސް ފަހުން
• މަސްވެރިންނަށް ދޭންޖެހޭ 21 މިލިއަން ރުފިޔާ އޮތް ކަމަށް މަސްވެރިން ހާމަކުރޭ

ވިސާމް ހުށަހެޅި ކުއްލި މައްސަލާގައި ބަޔާންކޮށްފައިވަނީ:

• މަސް ނުކިރުމުގެ މައްސަލައާއި މަހަށް ފައިސާ ދޫނުކުރުމުގެ މައްސަލަ ޖެހި މަސްވެރިން ތިބީ ގޮތް ހުސްވެފައި
• މަސްވެރިންނަށް ފައިސާ ނުލިބުމުގެ ސަބަބުން ލ. އަތޮޅާއި އެ ސަރަހައްދުގެ އެހެނިހެން މަސްވެރި އާއިލާތަކަށް ވެސް ނުތަނަވަސްކަމާ ކުރިމަތިލާންޖެހިފައިވޭ
• މަސްވެރިންގެ ހައްގުތައް ހިމާޔަތްކޮށް މަސްވެރިންނަށް ލިބެން ޖެހޭ ފައިސާ ސަރުކާރުގެ އިދާރާތަކުން ހޯދައިދޭން ޖެހޭ

މި ކުއްލި މައްސަލަ މިއަދު ފާސްކުރަން މަޖިލީހުގައި ވޯޓު ދެއްވާފައިވަނީ 43 މެންބަރުންނެވެ.

advertisement