މަދަނީ ޖަމްއިއްޔާތަކަށް މީޑިއާ ލިޓެރަސީ އާއި ސައިބަރ ސެކިއުރިޓީ ސެޝަންތަކެއް އައްޑޫ ސިޓީގައި ބާއްވަނީ

ވިމެން އިން ޓެކް މޯލްޑިވްސް އާއި ނޭޝަނަލް ޑިމޮކްރެޓިކް އިންސިޓިޓިއުޓް އިން އިސްނަގައިގެން އައްޑޫގައި ހަރަކާތްތެރިވާ މަދަނީ ޖަމްއިއްޔާތަކަށް 24 ނޮވެމްބަރ 2022 އިން 26 ނޮވެމްބަރ 2022 ގެ ނިއަލަށް  މީޑިއާ ލިޓެރަސީ އާއި ޙާއްސަ ސައިބަރ ސެކިއުރިޓީ ވޯރކްޝޮޕެއް އައްޑޫ ސިޓީ ގަމުގެ އިކުއޭޓަރ ވިލެޖްގެ ބްލޫ ލެގޫންގައި ބޭއްވުމަށް ވަނީ ހަމަޖެހިފައެވެ.

މި 03 ދުވަހުގެ ވޯރކްޝޮޕަކީ ވިމެން އިން ޓެކް މޯލްޑިވްސް ގެ ސައިބަރ ސޭފް ގެ ސީރިސް ގެ ދަށުން ބާއްވާ 2 ވަނަ ވޯރކްޝޮޕްއެކެވެ.  މިދިއަ އޮކްޓޯބަރ 21 އިން 22 އަށް ސެންޓްރަލް ހޮޓެލްގައި ވަނީ މާލޭގައި ހަރާކަތްތެރިވާ މަދަނީ ޖަމްއިއްޔާތަކަށް ޙާއްސަކޮށްގެން  ފުރަތަމަ ސައިބަރ ސެކިއުރިޓީ ވޯރކްޝޮޕް ބާއްވާފައެވެ.

advertisement

ރާއްޖޭގައި ހަރަކާތްތެރިވާ އަމިއްލަ މަދަނީ  ޖަމްއިއްޔާތަކަކީ މުޖުތަމައުއަށް އެކިއެކި ގޮތްގޮތުން، އެކިއެކި ދާއިރާތަކުން،  ފައިދާ ހުރި ގިނަގުނަ ކަންތައްތަކެއް ބުރަކޮށް މަސައްކަތް ކުރަމުންދާ ބައެކެވެ. ކޮންމެ ދާއިރާއެއްގައި ހަރާކްތެރިވި ނަމަވެސް މި ޒަމާނުގައި ކޮންމެ މަދަނީ ޖަމްއިއްޔާއަކީވެސް ޑިޖިޓަލް މާހައުލެއްގައި އެބައެއްގެ ގިނަގުނަ މަސައްކަތްތައް ކުރަންޖެހިފައިވާ ބައެކެވެ. އޮންލައިންކޮށް މަސައްކަތް ކުރާއިރު ގިނަ ފަރާތްތަކަށް ދިމާވެފައިވާ އެއް ގޮން ޖެހުމަކީ ރައްކާތެރިކަމާއި އެކު ޑިޖިޓަލް މާހައުލެއްގައި މަސައްކަތް ކުރުމަށް ބޭނުންވާ ޓެކްނިކަލް މައުލޫމާތު ލިބުން ދަތިވުމާއި، ސައިބަރ އެޓޭކެއް އައިސްފިނަމަ، އަމަލުކުރަންވީ ގޮތުގެ މައުލޫމަތު ލިބުން ދަތިވުމެވެ.

ވިމެން އިން ޓެކް އަދި ނޭޝަނަލް ޑިމޮކްރެޓިކް އިންސިޓިޓިއުޓް އިން މައުލޫމާތު ދޭގޮތުގައި، މި ވޯރކްޝޮޕްގެ މަޤްސަދަކީ މިފަދަ ގޮންޖެހުންތަކުން އަރައިގަންނަން ސިވިލް ސޮސައިޓީސްތަކަށް އެހީތެރިވެ ހޭލުންތެރިކުރުމެވެ. މަދަނީ ޖަމްޢިއްޔާތަކަށް އެ ފަރާތްތަކުގެ ގެންގުޅޭ މުހިންމު ޑޭޓާ ހިމާޔާތްކޮށް ރައްކާތެރިކުރުމަށާއި، އަދި އޮންލައިންކޮށް އުޅުމުގައި ރައްކާތެރވެ ސަމާލުކަން ދޭންޖެހޭ ކަންތައްތައް ދެނެގަތުމަށް އެހީތެރިވެދިނުމަކީ މި ޕްރޮގްރާމްގެ މަޤްސަދަކެވެ.

 އަދި މި ވޯކްޝޮޕުގައި މީޑިއާ ލިޓެރަސީ އާއި ބެހޭގޮތުން ފުޅާ ދާއިރާގައި ސިވިލް ސޮސައިޓީސްތައް ހޭލުންތެރިކުރުމެވެ. މީޑިއާ މެދުވެރިކޮށް ލިބޭ މައުލޫމާތުގެ ސައްހަކަން ކަށަވަރުކުރުމާއި ތެދު މައުލޫމާތު ހޯދުމުގައި ބޭނުންކުރާނެ އާލާތްތަކާއި އުކުޅުތައް ދަސްކޮށްދޭނެއެވެ،

އޮންލައިންކޮށް ދިމާވާ މައްސަލަތަކަށް ހޭލުންތެރިވެ، ރައްކާތެރިކަމުގެ ފިޔަވަޅުތައް އެޅުމުގެ ސަބަބުން ޖަމްއިއްޔާތަކުގައި ހަރަކާތްތެރިވާ ފަރާތްތަކަށް ގިނަ ފައިދާ ލިބޭނެއެވެ. ޖަމްއިއްޔާގެ ހިންގުންތެރިންނާއި، މެމްބަރުން، އަދި ޕާރޓްނަރުންގެ މައުލޫމާތާއި ޑޭޓާ ރައްކާތެރިކުރުމަށް އެހީއަކަށް ވާނެއެވެ.

24 ނޮވެމްބަރ 2022 އިން 26 ނޮވެމްބަރ 2022 އަށް އައްޑޫ ސިޓީގައި ބާއްވާ މި ވޯކްޝޮޕްގައި ސައިބަރ ސެކިއުރިޓީ އާއި މީޑިއާ ލިޓެރަސީ އާއި ބެހޭގޮތުން  ގިނަގުނަ މައުލޫތަކަށް މައުލޫމާތު ދެވިގެންދާނެއެވެ.  އޭގެ ތެރޭގައި ބޭނުންކުރާ ޑިވައިސްތަކުގެ ރައްކާތެރިކަމާއި، އެކައުންޓްތައް ރައްކާތެރިކޮށް ބެލެހެއްޓުމާއި، އިންޓަރނެޓްގައި މަސައްކަތް ކުރާއިރު ދެނެގަންނަންވީ ރައްކާތެރިކަމުގެ ފިޔަވަޅުތަކާއި، އިދާރާއެއްގެ މަޢުލޫމާތު ރައްކާ ކުރުމުގައްޔާއި، މަޢުލޫމާތު ބަދަލުކުރުމުގައި ގެންގުޅެންވީ ރައްކާތެރިކަމުގެ މިންގަޑުތަކާއި، ސެކިއުރިޓީ ގެއްލޭފަދަ ހާލަތެއް މެދުވެރިވެއްޖެނަމަ އެޅިދާނެ ފިޔަވަޅުތަކަށްވެސް ބަލައިލެވޭނެއެވ.

މި ޕްރޮގްރާމްގައި ބައިވެރިވެލެއްވުމަށް ބޭނުންވާ ފަރާތްތަކުން ވިމެން އިން ޓެކް މޯލްޑިވްސްގެ ވެބްސައިޓް  www.womenintechmv.org އިން ރަޖިސްޓަރ ކުރެވޭނެއެވެ.  މި ވޯކްޝޮޕްގައި ބައިވެރިވުމަށް ބައިވެރިންގެ އަތުން އެއްވެސް ފީއެއް ނުނަގާނެއެވެ.