ނިކަމެތި އާއިލާއަކަށް އެހީތެރިވުމަށްޓަކައި މަމްސް އެންޖީއޯއިން ފަންޑްރައިޒިން ކެމްޕެއިނެއް ކުރިޔަށް ގެންދަނީ

15 އަހަރުން ދަށުގެ 7 ކުދިން ހިމެނޭ ނާދިޔާގެ އާއިލާ ދިރިއުޅޭނެ ގެއެއް އިމާރާތްކޮށް ދިނުމަށްޓަކައި  ފައިސާ ހޯދުމުގެ ކެމްޕެއިނެއް މަމްސް އެންޖީއޯ އިން  ފަށައިފިއެވެ.  މި އާއިލާގެ ހުރިހާ ކުދިންނާއި ނާދިޔާގެ ދެމަފިރިން ނިދަމުން އަންނަނީ ޓިނާއި ގަލުން ހަދާފައިވާ 12×14 ފޫޓުގެ ކޮޓަރިއެއްގަ އެވެ. ދެން އެގޭގައި ހުންނަނީ ފެންޑާ އަކާއި ބަދިގެ އެކެއެވެ. 

Donate to help build a home for this family ❤️
Account name : MOMS
Account number : 7730000294482

1/3 pic.twitter.com/kbPD8mYmHs

advertisement

— MOMS (@NgoMoms) November 18, 2022

މި އާއިލާ މިހާރު ދިރިއުޅެމުން އަންނަ ތަނުގައި ނިދަން ބޭނުން ކުރާ ގޮދަޑި އޮތީ ތުނިވެ ބޭނުންނުކުރެވޭ ވަރުވެފައެވެ. ބާލިސްތައް ހުރީ ގިނަ ދުވަސް ވުމުގެ ސަބަބުން ހަމަ އެހާލުގައެވެ. ކޮޓަރީގެ ސީލިންގ އެއް ނެތް އިރު ތިރީގައި އަޅާފައި އޮތް ތަރުފާލުގަނޑު ވެސް އޮތީ ވީދިފައެވެ. ތަޅުންގަނޑު ހާމައަށް ހުރި ތަންތަނުގައި ހުރީ ތުނި ފިލާ އަޅާފައެވެ. 

ނާދިޔާ އާއި ހަވާލާދީ މަމްސް އެންޖީ އޯ އިން ބުނެފައިވަނީ އެގޭގައިވާ މަތާރަންފިލާ އަކީ މިހާރު އޭނާގެ 7 ކުދިން ނިދާ ތަންކަމަށެވެ. އެ ގޭގައި ހުންނަނީ އެންމެ ކުޑަ ކޮޓަރިއެއް ކަމަށްވެފައި ހަތް ކުދިންނާއި ދެމަފިރިން ނިދަން އެތަނުގައި އެކަށީގެންނުވާތީ އެކުދިންގެ ބައްޕަ ނިދަނީ ބޭރު ގުދަންބައިގައި ހުންނަ ކުޑަ އެނދެއްގައެވެ. މަމްސް އެންޖީއޯއަށް ވާހަކަ ދެއްކި އިރު ނާދިޔާ ބުނީ, “ކޮޓަރީގައި އަދިމިވަނީ ދޮރެއްވެސް ހަރުކޮށްލެވޭނެ ވަރު ނުވެފަ. ފިރިމީހާއަކީ ވެސް މަސްވެރިއެއްކަމުން ގޭގައި ހުންނަނީ މަދު ފަހަރަކު. މިފަދަ ޒަމާނެއްގައި ކުދިން އެކަނި ބައިތިއްބާފަ ކައިރި ތަނަކަށްދާންވެސް ބިރުގަނޭ. އެކުދިންގެ ރައްކާތެރިކަމާއިމެދު އަބަދުވެސް ވިސްނާ ފިކުރު ކުރެވޭ” ކަމަށެވެ. ރާއްޖޭގެ އެކި ހިސާބުތަކުގައި ދިރިއުޅޭ މިފަދަ ނިކަމެތި އާއިލާތަކަށް މަމްސް އެންޖީއޯ އިން އަންނަނީ އެކިވަރުގެ އެހީތެރިކަން ފޯރުކޮށްދެމުންނެވެ. މޮމްސް އެންޖީއޯގެ ގޮތްޕެއް ރާއްޖޭގެ ކޮންމެ ރަށެއްގައި ވެސް ހަރަކާތްތެރިވެއެވެ. 

ނާދިޔާގެ ދެމަފިރިންނާއި 7 ކުދިން ދިރިއުޅޭ ގޭގައި ކުރަންޖެހޭ މަސައްކަތް ތަކުގެ ތެރޭގައި:

–  ފާރުރޭނުން

–  ސިމެންތިޖެހުން

–  ކުލަލުން

–  ސީލިންގް ކުރުން

–  ތަޅުންއެއްވަރުކޮށް ތަރުފާލު އެޅުން

–  ޖަންކްޝަން ރަނގުޅުކުރުން

–  ކަރަންޓް ވައިރިން

–  ފާހާނާ މަރާމާތް ކުރުން

–  ގޭގައި ދޮރުހަރުކުރުން

މި އާއިލާއަށް އެހީތެރިކަން ފޯރުކޮށްދިނުމަށް ފައިސާ ޖަމާކުރަން ޖެހޭ އެކައުންޓް ނަމްބަރަކީ، 

އެކައުންޓް ނަން: MOMS

އެކައުންޓް ނަންބަރު: 7730000294482