ޚަބަރު

ހދ. ކުޅުދުއްފުށީ ރީޖަނަލް ހޮސްޕިޓަލުގެ އޯޕީޑީ އިމާރާތް ނިމެނީ: އެމްޓީސީސީ

26 ޑިސެމްބަރ 2022 - 12:58

ހދ. ކުޅުދުއްފުށީ ރީޖަނަލް ހޮސްޕިޓަލުގެ އޯޕީޑީ އިމާރާތުގެ 98 ޕަސެންޓް މަސައްކަތްތައް ނިމިއްޖެ ކަމަށް އެމްޓީސީސީ އިން މައުލޫމާތު ދީފިއެވެ. ނިމުނު މަސައްކަތްތަކުގެ ތެރޭގައި ސިވިލް މަސައްކަތާއި، އެއަރ ކޮންޑިޝަން ހަރުކުރުމާއި، ފިނިޝިންގ މަސައްކަތްތަކާއި، ފަރުނީޗަރު މަސައްކަތްތައް ހިމެނެއެވެ.

މި މަޝްރޫޢުގެ ދަށުން، ބަލިމީހުން ބަލާ 23 ކޮޓަރި އިމާރާތް ކުރުމަށް ވަނީ ހަމަޖެހިފައެވެ. މި މަޝްރޫޢަކީ 20.2 މިލިއަން ރުފިޔާގެ މަޝްރޫއުއެކެވެ.

ހދ ކުޅުދއްފުށި ރީޖަނަލް ހޮސްޕިޓަލުގައި މިދިޔަ 2 އަހަރުގެ ތެރޭގައި އަލަށް ފަށާފައިވާ ޚިދުމަތްތަކުގެ ތެރޭގައި، ފިޒިއޯތެރަޕީގެ ޚިދުމަތާއި، އޮޕްޓިމައިޒޭޝަން ޕްރޮޖެކްޓުން ފިޒިއޮތެރަޕީގެ ހިދުމަތަށް ބޭނުންވާ ޒަމާނީ އިތުރު އިކުއިޕްމަންޓްތައް ބަހައްޓާ ޚިދުމަތް ދޭން ފެށުމާއި، އީއެންޓީ އަދި ލޮލުގެ ފަރުވާ ފަށާފައިވެއެވެ.

އެމްއާރްއައި މެޝިން އިންސްޓޯލްކޮށް ޚިދުމަތް ފޭން ފަށާފައިވަނީ މިއަހަރު މާރިޗް މަހުގެ 15 ވަނަ ދުވައެވެ. ސީޓީ ސްކޭންގެ ޚިދުމަތާއި ދެ ތިއޭޓަރުން އޮޕަރޭޝަން ކުރެވޭނެ އިންތިޒާމްތައް މިހާރު އެ ހޮސްޕިޓަލުން ލިބެން ހުންނާނެ ކަމށް ހެލްތް މިނިސްޓްރީން މައުލޫމާތުދެއެވެ.

ކުޅުދުއްފުށީ ސިޓީގެ އާބާދީ އަކީ 10,046 އެވެ. ހދ އަތޮޅު އަދި ހއ އަތޮޅުންވެސް ގިނަ ބަޔަކު ސިއްހީ ފަރުވާ ހޯދުމަށް މި ހޮސްޕިޓަލަށް ޒިޔާރަތް ކުރެއެވެ. މި ހޮސްޕިޓަލަކީ ގިނަ ރައްޔިތުންތަކެއްގެ އުއްމީދާއި ގުޅިފައިވާ ތަނެކެވެ.

ރިއެކްޝަންސް
0
0
0
0
0
0
0