އިރުގެ އަލި ނުވަންނަ ގެއެއްގައި ނުވަތަ އޮފީހެއްގައި ދުވަހުގެ ގިނަ ވަގުތު ހޭދަ ކުރާނަމަ ޑިޕްރެސް ވުން ގާތް

އިރުގެ އަތްވަކީ އޭގެއިން މީހާގެ ހަންގަނޑަށް ގެއްލުން ދޭ އައްޔެއް ނަމަވެސް، ހަނގަނޑު ސަލާމަތްކުރުމަށް ބޭނުންވާ ސަލާމަތީ ކްރީމްތައް ނުވަތަ ސަން ލޯޝަން ލައިގެން ހަންގަނޑު ރައްކާތެރިކޮށްގެން އަތްވަށް ނިކުމެލީމާ ހަށިގަނޑަށް ވަރަށް ގިނަ ފައިދާތައް އިރުގެ އަވިން ލިއްބައިދެއެވެ.

ހަންގަނޑު ރައްކާތެރިކުރުމަށް ކުރެވިދާނެ ކަންތައްތައް:

• އިރުގެ އަލިން މީހާގެ ސެރޮޓޮނިން ބޫސްޓް ކޯށްދެއެވެ. ސެރޮޓޮނިން އަކީ މީހާއަށް އުފާވެރިކަން ގެނެސްދޭ ސިކުނޑީގެ ކެމިކަލްއެކެވެ. އަބަދު ގޭތެރޭގައި އުޅޭ މީހުންނާއި ބޭރުތެރޭގައި ކޮންމެވެސް މިންވަރަކަށް ވަގުތު ހޭދަކުރާ މީހުންގެ މެދުގައި ތަފާތު ހުންނަކަން ސައިންޓިފިކް ދިރާސާތަކުން ވެސް ދައްކައެވެ. އަވި ނުވަންނަ ގެއެއްގެ ތެރޭގައި ނުވަތަ އޮފީހެއްގެ ތެރޭގައި ދުވާލުގެ ގިނަ ވަގުތު ހޭދަކުރާ ނަމަ ޑިޕްރެސް ވުމުގެ ފުރުސަތު ވަރަށް ބޮޑެވެ.

advertisement

• ވިޓަމިން ޑީ އަކީ ހަށިގަނޑަށް މުހިންމު ވިޓަމިނެކެވެ. ކަނޑު މަހާއި، ބިހާއި ޗީޒް އަދި ކިރުން މި ވިޓަމިން ލިބުނުކަމުގައި ވިޔަސްވެސް ކެއުމުގައި މި ބާވަތްތައް ހިމެނުމަކީ ކޮންމެ ދުވަހަކު ނުކުރެވިދާނެ ކަމެކެވެ. ނަމަވެސް ކޮންމެ ދުވަހަކުވެސް އިރު އަރައި އޮއްސިގެން ދާއިރު އަވީގައި ކުޑަ ވަގުތުކޮޅެއް ހޭދަކުރުމަކީ ހަށިގަނޑަށް ވިޓަމިން ޑީ ލިބޭނެ ކަމެކެވެ. ވިޓަމިން ޑީ ނުލިބޭނަމަ އުމުރުން މަތިވާ ވަރަކަށް ހަށިގަނޑުގެ ކަށިތައް ބަލިވާން ފަށާނެއެވެ.

• އިރުގެ އަލީގައި ވަގުތުކޮޅެއް ހޭދަކޮށްލުމުން ރަނގަޅަށް ހަމަ ނިދި ލިބުމަށް އެހީތެރިވެއެވެ. އިންސާނާގެ ހަށިގަނޑު ނިދައި ހޭލަން ވާ ވަގުތު ކަނޑައަޅާ ސާކެޑިއަން ރިދަމް އާއި އިރާއި ވަނީ ގުޅިފައެވެ. އިރު އޮއްސި އަނދިރި ވުމުން ހަށިގަނޑުގެ ޓެމްޕަރޭޗަރ ދަށްވެ، ނިދަން ފަސޭހަވެ، އިރު އެރުމުން ހޭލަން ފަސޭހަވަނީ އެހެންވެއެވެ. ސެރަޓޮނިން އިން އުފައްދާ އަނެއް މުހިންމު ހޯމޯން އަކީ މެލަޓޮނިން އެވެ. އެއީ ނިދުމަށް އެހީވެދޭ ހޯމޯންއެކެވެ. އެހެންކަމުން ސެރޮޓޮނިން މިންވަރު ރަނގަޅަށް ހަށިގަނޑުގައި އުފެދޭ ނަމަ މެލަޓޮނިންވެސް އުފެދޭނެއެވެ. އަދި އޭގެ ސަބަބުން ރަނގަޅު ހަމަ ނިދި ލިބޭނެއެވެ.

• އިރުގެ އަލިން ހަންގަނޑު އުޖާލާ ވެއެވެ ހަންގަނޑުގެ އެކި ބަލިތައް ހުންނަ މީހުންނަށް އިރުގެ އަތްވަކީ ބޭހެކެވެ. ޔޫވީ ލައިޓަކީ ހަމުގެ ބަލިތައް ކަމުގައިވާ ސޮރާަޔަސިސް (psoriasis) އަދި އެކްޒީމާ (eczema)ގެ ސަބަބުން ހަންގަނޑުގައި ނަގާ ބިހިތައް ރަނގަޅުކުރުމަށް ފަރުވާއެކެވެ. ހަމުގެ ބައްޔެއް ނުހުންނަ މީހުންގެ ހަންގަނޑަށް ވެސް އިރުގެ އަލިން ފައިދާވެއެވެ. ލޭގެ ޕްރެޝަރ ދަށްކޮށްދީ ހިތުގެ ހިނގުން ރަނގަޅުވެ ހަށިގަނޑު އުފާވެރިވެއެވެ. އަދި ހަންގަނޑު އުޖާލާކޮށްދެއެވެ. މިއީ ވަރަށް ކުޑަ ވަގުތުކޮޅަކަށް، މިސާލަކަށް 10 މިނެޓާއި 15 މިނެޓުގެ ވަގުތުކޮޅެއް ހެނދު އިރު އަރައިގެން އަންނަ ވަގުތު ބޭރުތެރޭ ހިނގާލައިގެން ހަށިގަނޑަށް ލިބޭނެ ފައިދާތަކެވެ. ހަންގަނޑަށް އެންމެ މުހިންމު ވިޓަމިން ކަމުގައިވާ އީ ވިޓަމިން ވެސް ހެނދުނުގެ ވަގުތު ލިބެއެވެ.

މި ސަބަބުތަކަށްޓަކައި ބޭރުތެރޭގައި ކޮންމެވެސް ވަގުތު ކޮޅެއް ހޭދަކޮށް، އަވީގައި ޖެހުން ވާނީ ހަށިގަނޑަށް ލިބޭ އަގުބޮޑު ފަރުވާ އަކަށެވެ. މިއީ ހިލޭ ލިބެން އޮތް ފަރުވާއެކެވެ.