ސަރުކާރާއި އެޗްޑީސީއާއި ގުޅިގެން އަލިފާނުގެ ހާދިސާގައި ހާލުގައި ޖެހުނު ފަރާތްތަކަށް ވަގުތީ ބޯހިޔާވަހިކަން ފޯރުކޮށްދެނީ!

ނީލަން ފިހާރައިގައި އިއްޔެ ހެނދުނު އަލިފާން ރޯވި ވަގުތު މާލެ ސިޓީ ކައުންސިލްގެ ބިދޭސީ މުވައްޒަފުންގެ އެކޮމޮޑޭޝަން ބްލޮކް ވެސް ވަނީ އަނދައި ހުލިވެފައެވެ.

ހާލުގައި ޖެހުނު ބިދޭސީންނަށް ވަގުތީ ބޯހިޔާވަހިކަން ފޯރުކޮށްދީފައިވަނީ ސަރުކާރާއި އެޗްޑީސީ ގުޅިގެން އިންނެވެ.

advertisement

މިގޮތުން، އެކޮމޮޑޭޝަންގެ ގޮތުގައި ހަމަޖައްސައިދީފައިވަނީ ހުޅުމާލެގައި ކުރިން ބޭނުންކުރަމުން އައި ކޮވިޑް ފެސިލިޓީގައެވެ.

މިތަނުގައި މިހާރު 160 ހާމީހުންނަށް ވަގުތީ ބޯހިޔާވަހިކަން ވަނީ ފޯރުކޮށްދެވިފައެވެ. އަދި މިތަނުގައި ފާހަނާކޮށް ފެންވެރޭނެ އިންތިޒާމްތައްވެސް ހަމަޖެހިފައިވެއެވެ.

މިހާދިސާގައި އެންމެ ފުރަތަމަ އަލިފާންރޯވެފައި ވަނީ ނީލަން ފިހާރަ ހުރި ސަރަހައްދުގައެވެ.

ނީލަން ފިހާރަ މި ފަހުން އެންމެ ބޮޑަށް މަޝްހޫރުވެފައި އޮތީ ރަށުތެރެއިން ވަގަށް ނަގައިގެން ގެންދާ ފައިވާނާއި އޭތި މީތި ގެންދިއުމުން ކުޑަ އަގެއްގައި ގަނެގެން އަލުން އެ ވިއްކާ ބާޒާރެއްގެ ގޮތުގަ އެވެ.

މިހާދިސާ އާއި ގުޅިގެން ޑިފެންސް މިނިސްޓަރު ބުނެފައިވަނީ ކެމިކަލް ގުދަންތައް ފަދައިން ނީލަން ފިހާރަ ސަރަޙައްދުގެ ކަންކަން ރެގިއުލޭޓު ކުރެވެން ޖެހޭކަމަށެވެ. އަދި ދުރު ރާސްތާ ޕްލޭނެއްގެ ދަށުން މިކަމަށް ޙައްލު ގެނެވެން ޖެހޭކަމަށްވެސް އޭނާ ބުނެފައިވެއެވެ.