އޮބްލޫ ސިލެކްޓް ސަންގެލި ރިޒޯޓުގައި ބާރުގަދަ ރޯގާއެއް ފެތުރެނީ، މުވައްޒަފުންގެ އެތައް ޝަކުވާއެއް

އޮބްލޫ ސިލެކްޓް ސަންގެލި ރިޒޯޓުގައި ބާރުގަދަ ރޯގާއެއް ފެތުރެމުން އަންނަތާ ތިން މަސްވެއްޖެ ކަމަށް އެ ރިޒޯޓުގެ މަސައްކަތްތެރިން ބުނެފިއެވެ.

މި ރޯގާ ފެތުރެން ފެށުމަށް ފަހު ޑިސެމްބަރު މަހުގެ މެދެއް ހާ ހިސާބުގައި ރޯގާގެ އަލާމާތްތައް ރަށުތެރެއިން މަޑު ޖެހުމާއި އެކު ޖަނަވަރީ 7 ވަނަ ދުވަހު ސްޓާފުންނަށް ބޭއްވި އާ އަހަރުގެ ޕާޓީ އަށް ފަހު ރިޒޯޓުގެ 70 ޕަސަންޓް މުވައްޒަފުން މަސައްކަތަށް ނުނިކުމެވޭ ވަރަށް ބަލިވި ކަމަށާއި ރޭގަނޑު ބޭހެއް ހޯދަން ރިޒޯޓު ޑޮކްޓަރަށް ގުޅާލީމާ ބުނަނީ 6 ގެ ފަހުން ކްލިނިކް ބަންދު ކަމަށް ކަމުގައި އެ ރިޒޯޓުގެ މުވައްޒަފުން މައުލޫމާތު ދެއެވެ.

advertisement

ބަލިވެގެން ޑިޕާޓްމަންޓަށް އެންގުމުން ޑިޕާޓްމަންޓް ހެޑުން އަންގަނީ ބޭސް ކައިގެން ވަޒީފާއަށް ނިކުތުމަށް މަޖުބޫރު ކުރަމުން އަންނަ ކަމަށް ވެސް އެމީހުންގެ ފަރާތުން މި ވާހަކަ ފޭސްބުކްގައި ހިއްސާކުރި ޓީމްގެ ފޭސްބުކް ޕޯސްޓް ގައި ލިޔެފައިވެއެވެ.

މީގެ އިތުރުން އެ ޕޯސްޓުގައި ވަނީ މެޑިކަލް ސެޓްފިކެޓް ދިނުމަށް ޑޮކްޓަރު ގާތު އެދުމުން ޑޮކްޓަރު މެޑިކަލް ސެޓްފިކެޓު ދޭން ދެކޮޅު ހަދާކަމަށާއި، ސަބަބެއް ކަމުގައި ބުނަނީ ޑިޕާޓްމަންޓުގެ އެހެން ސްޓާފަކަށް އެމްސީ ދީފައިވާތީ އިތުރު މީހަކަށް އެމްސީ ނުދެވޭނެ ކަމަށެވެ. ހިއުމަންރިސޯސް ޑިޕާޓްމަންޓުން އަންގާފައިވަނީ އެއް ދުވަހަށް ވެސް އޮފް ލިބޭނީ އެމްސީ ހުށައެޅުމުން ކަމަށް ވެސް ބުނެފައިވެއެވެ. އެމްސީ ނެތް ނަމަ ސިކް ލީވް އެއް ނުދެއެވެ.

މިކަމާއި ގުޅިގެން އެ ރިޒޯޓުގެ އެޗްއާރް ޑިޕާޓްމަންޓުން އެމް.ވީ.ޕްލަސްއަށް ދިން ކޮމެންޓުގައި ބުނެފައިވަނީ ޓީމްގެ ފޭސްބުކް ޕޯސްޓުގައިވާ ހުރިހާ ވާހަކައެއްވެސް ދޮގު ކުރާ ކަމަށެވެ. ރޯގާއަކީ ރާއްޖޭގަ އާއްމު ކަމެއް ކަމަށާއި، އެގޮތުން އެ ރިޒޯޓުގައިވެސް ކޮންމެވެސް ވަރަކަށް ރޯގާ ފެތުރިފައިވާ ކަމަށެވެ. އޮބްލޫ ސިލެކްޓް ސަންގެލި އަކީ މާލެ އަތޮޅުގެ ރަށެއްގައި، އިންޑިއާގެ އެޓްމޮސްފިއާ ހޮޓެލްސް އެންޑް ރިޒޯޓްސް އިން ހިންގަމުން އަންނަ ރިޒޯޓެކެވެ. މިތަން ހުޅުވާފައިވަނީ 2022 ވަނަ އަހަރުގެ މާރިޗު މަހުގައެވެ.