ޚަބަރު

މިއަދުގެ ފާހަގަކޮށްލެވޭ ހަބަރުތައް ކުރުކޮށް

24 ޖެނުއަރީ 2023 - 18:45

އައްޑޫ ސިޓީގެ 3 ރަށަކުން 500 ގޯތި ދޫކުރަނީ

އެސިޓިގެ ހުޅުދޫ އަދި މީދޫ ހިމެނޭހެން ކޮންމެ ރަށަކުން 2000 އަކަފޫޓްގެ 100 ބަންޑާރަ ގޯތްޗާއި ފޭދޫއިން 1500 އަކަފޫޓްގެ 300 ބަންޑާރަގޯތި ދޫކުރުމަށް ނިންމާފައިވެއެވެ. މި ގޯތި ތަކުގެ ތެރެއިން %90 ގޯތި ދޫކުރާނީ އެރަށެއްގެ ރައްޔިތުންނަށް، %10 ގޯތި ދޫކުރާނީ އެހެން ރަށްރަށު މީހުންނަށެވެ. 

މިއަދު މުޅި ރާއްޖެއަށް ވިއްސާރަކުރާނެ: މެޓް

މިއަދު މެންދުރު 12:00 އިން ފެށިގެން 18:00ހަމައަށް ވަނީ މުޅި ރާއްޖެއަށް ވަނީ ވައިޓް އެލާޓް ނެރެފައެވެ. މިވަގުތު ތަކުގައި ބޯކޮށް ވާރޭވެހުމާއިއެކު ގުގުރުމަކީ އެކަށީގެންވާކަމެއްކަމަށް މެޓު އޮފީހުން މައުލޫމާތުދެއެވެ.

އެއާޕޯޓުން ”ގެއްލުނު” މަސްތުވާތަކެއްޗަށް ޒިންމާވާނެ ބަޔަކު ނުވި

46 ކިލޯ މަސްތުވާތަކެތި ގެއްލުނުކަމަށް ތުހުމަތު ކުރެވޭ މައްސަލައިގައި ކަސްޓަމާއި ފުލުހުންނަށް ވެސް ކަން ހިނގާދިޔަ ގޮތް ސާފުކޮށް ނުދެއެވެ. މަސްތުވާތަކެއްޗާއެކު ރާއްޖެ އައި މީހަކު ހައްޔަރުކުރިކަން ފުލުހުން ވަނީ މިދިޔަ އަންގާރަ ދުވަހު ކަށަވަރުކޮށްދީފައެވެ. 

އައްޑޫ ސިޓީގައި ބަސް ޑީޕް ބިނާކުރަން މަސައްކަތް ކުރަން ފަށައިފި

އެމްޓީސީސީ އިން އައްޑޫ ސިޓީ ފޭދޫގައި ބަސް ޑީޕޯ ހެދުމުގެ މަސައްކަތް މިއަދު ފަށައިފިި އެވެ. މީގެ ބޭނުމަކީ ބަސްތަކަށް ބޭނުންވާ ރަނގަޅު މެއިންޓެނަންސް ލިބޭނެ ގޮތް ފަހިކުރުން ކަމަށް އެކުންފުނިން މައުލޫމާތުދެއެވެ. 

ވެމްކޯގެ މުވައްޒަފަކު ސަސްޕެންޑް ކޮށްފި

މާލޭގެ ގެއަކަށް ކުނި ނަގަން ވަދެ، އެގޭގެ އެޕާޓުމަންޓެއްގެ ދޮރުމައްޗަށް ބޮޑުކަމުދިޔަ ވެމްކޯގެ މުވައްޒަފަކު އެ ކޯޕަރޭޝަނުން ސަސްޕެންޑުކޮށްފިއެވެ. ވެމްކޯއިން މިއަދު ނެރުނު ބަޔާނެއްގައި ބުނީ އާންމު އިޖުތިމާއީ މިންގަނޑާ ހިލާފު އަމަލެއް އެ ކުންފުނީގެ މުވައްޒަފު ހިންގާފައިވާ މައްސަލަ އެ ކުންފުނީގެ ސަމާލުކަމަށް އައިސްފައިވާ ކަމަށެވެ. 

ރިއެކްޝަންސް
0
0
0
0
0
0
0