މަސްތުވާތަކެތި ފެނިއްޖެނަމަ އަނބުރާ ގައުމަށް ފޮނުވާލެވޭހެން ގަވައިދެއް ހަދައިފި

ގެޒެޓުކޮށްފައިވާ އިމިގްރޭޝަންގެ އައު ގަވައިދުގައިވާ ގޮތުން، ވައިގެ މަގުން ރާއްޖެއަށް އަންނަ ބިދޭސީއަކު މަސްތުވާއެއްޗެއް އެތެރެކުރަން އުޅޭކަން ޝައްކުކުރެވޭނަމަ އެ މީހަކު ރާއްޖެއަށް އެތެރެވުމުގެ ހުއްދަނުދީ ހިފެހެއްޓުމުގެ އިޚްތިޔާރު، ކޮންޓްރޯލާ އޮފް އިމިގްރޭޝަނަށް ލިބެއެވެ.

އެ ކަން ކުރެވޭނީ ވަކި ހާލަތްތަކަކީ ލަގެޖުގައި މަސްތުވާތަކެތި ހުރިކަމަށް ޝައްކު ކުރެވުމެވެ.އަދި މަސްތުވާތަކެތި އުފުލުމުގައި ޓްރާންސިޓް ޕޮއިންޓެއްގެ ގޮތުގައި ރާއްޖެ ބޭނުންކުރާކަމަށް ނުވަތަ އެ މީހަކު ރާއްޖެއަށް މަސްތުވާތަކެތި އެތެރެކުރަން އުޅޭކަމުގެ އިންޓެލިޖެންސް މައުލޫމާތު ލިބިފައިވުމެވެ.

advertisement

ގަވައިދުގައި މިހެން އޮތް ނަމަވެސް އެ މީހަކު ރާއްޖެއަށް އެތެރެވުމުގެ ހުއްދަ ދެވިދާނެ ވަކި ހާލަތްތަކެއް ވެސް ވެއެވެ.

އޭގެ ތެރޭގައި މައްސަލައިގެ ތަހުގީގަށް އެއްބާރުލުން ދޭން އެއްބަސްވުން ހިމެނެއެވެ. ނަމަވެސް އެ ކަން ކުރަންވާނީ އެ މީހަކު ރާއްޖެ އައި އެއާލައިނަކުން އޭނާއަަށް އެނބުރި ގައުމަށް ފުރޭނެ އިންތިޒާމު ހަމަޖެއްސުމަށްފަހުގައެވެ.