ކުޑަކުދިންގެ ފޫޅުގައި ހާކަން ނުވާ ތަކެތި

ތުއްތު ކުދިން ވިހެއުމަށް ފަހު ފޫޅު ވެއްޓުމާ ދެމެދު ހޭދަވާ ހަފްތާއަކާއި ތިން ހަފްތާއާއި ދޭތެރޭ ދުވަސްތެރޭގައި ފޫޅު އަވަހަށް ފަސޭހަ ކުރުމަށްޓަކައި ފޫޅުގައި އެއްވެސް އެއްޗެއް ހާކާކަށް ނުޖެހޭނެއެވެ.

ބައެއް ފަހަރު މާމުޔާއި، ސްޕިރިޓް ފަދަ ތަކެތި ކުދިންގެ ފޫޅުގައި ހާކާ ކަމަށް ކުޑަކުދިންގެ ޑޮކްޓަރ ފައިސަލްގެ ޓުވީޓެއްގައި ބުނެފައިވެއެވެ. ނަމަވެސް މިއީ، ހާއްސަކޮށް މާމުޔަކީ ރައްކާތެރި އެއްޗެއް ނޫން ކަމަށް ޑޮކްޓަރު ބުނެފައިވެއެވެ. ކުދިންގެ ފޫޅާއި މެދު އެނގުން މުހިންމު މައުލޫމާތުތައް؛

advertisement

•    މީގެ ކުރިން ބައެއް ޑޮކްޓަރުންވެސް ކުދިންގެ ފޫޅު (ފޫޅު ބުރިކުރުމަށްފަހު ބާކީ ހުންނަ ބައި) ސާފުކުރުމަށް ސްޕިރިޓް ފަދަ ތަކެތި ހޭކުމަށް އިރުޝާދުދީ އުޅުނު ނަމަވެސް އާ ރިސާޗްތަކުން ދައްކާ ގޮތުން މިގޮތަށް ހާކާ ތަކެތީގެ ސަބަބުން ގުޑް ބެކްޓީރިއާ ނުވަތަ ފޫޅުގައި ހުރުން މުހިންމު ބެކްޓީރިއާތައް ވެސް މަރުވެދެއެވެ.

•    ނެޕީ ޖަހާއިރު ފޫޅު ނެޕީގައި ހޭކިޔަނުދިނުމަށްޓަކައި ނެޕީގެ މަތީބައި ފަށްޖަހާލަން ވާނެ.

•    ފޫޅު އޮންނަންވާނީ ހާމައަށް.

•    ފޫޅުގައި ފެން ކޮޅެއް ޖެހުމަކީ މައްސަލައެއް ނޫން. ނަމަވެސް ވީހާ ވެސް އަވަހަކަށް ހިއްކާލަންވާނެ.

•    އެންމެ މުހިންމު ކަމަކީ ފޫޅު ހަޑިވާނެ އެއްޗެއް ހޭކިޔަނުދިނުން.

•    އަމިއްލައަށް ދަމައި ފޫޅު ވަކި ނުކޮށް، އޭގެ ޒާތުގައި ފޫޅު ވެއްޓެން ދެން ބަހައްޓަން ވާނެ.

•    ފޫޅުން ދޮސް އައުން، ވަށައިގެން ރަތްވުން އަދި ދުޅަވުން ފަދަ ކަމެއް ވެއްޖެ ނަމަ އަވަހަށް ޑޮކްޓަރަށް ދައްކަން ވާނެ.

•    ތިން ހަފްތާ ވާއިރުވެސް ފޫޅު ނުވެއްޓޭނަމަ ޑޮކްޓަރަށް ދައްކަން ވާނެ.