މަޓީގެ 33ވަނަ އަހަރީ އާންމު ޖަލްސާ ބާއްވައިފި

މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) ގެ 33 ވަނަ އަހަރީ އާންމު ޖަލްސާ 96 މެމްބަރުންނާއި އެކު އިއްޔެ ކުރުނބާ މޯލްޑިވްސްގައި ބޭއްވުނެވެ. މިޖަލްސާ އިފްތިތާހު ކޮށް ފުރަތަމަ ވާހަކަފުޅު ދެއްކެވީ މަޓީގެ ޗެއަރމަން މުހައްމަދު އުމަރު މަނިކުއެވެ. އެއަށްފަހު މަޓީގެ ވައިސް ޗެއަރމަން ހުސެން އަފީފު އަދު މަޓީގެ ސެކްރެޓަރީ ޖެނެރަލް އަހުމަދު ނަޒީރު ވާހަކަފުޅު ދެއްކެވިއެވެ.

މި ބައްދަލުވުމުގައި މިނިސްޓަރ އޮފް ޓޫރިޒަމް ޑޮކްޓަރ އަބްދުﷲ މައުސޫމް، މިނިސްޓަރ އޮފް ހެލްތު އަހުމަދު ނަސީމް އަދި އެމް.އެމް.ޕީ.އާރް.ސީ ގެ ސީއީއޯ އެންޑް މެނޭޖިންގް ޑައިރެކްޓަރ ތޮއްޔިބް މުހައްމަދު ބައިވެރިވެވަޑައިގެންނެވިއެވެ. އަދި ނެޝަނަލް ބޯޓިންގް އެސޯސިއޭޝަން އޮފް މޯލްޑިވްސް، މޯލްޑިވްސް ޓްރެވަލް އެޖެންޓްސް އެންޑް ޓުއަރ އޮޕަރޭޓާޒް (މަޓާޓޯ) އަދި ނެޝަނަލް ހޮޓެލްސް އެންޑް ގެސްޓްހައުސް އެސޯސިއޭޝަންގެ އިސް ބޭފުޅުން ބައިވެރިވެވަޑައިގެންނެވިއެވެ. 

advertisement

މި ޖަލްސާގެ މުގައްރިރުކަން ކޮށްދެއްވީ މަޓީގެ ޗެއަރމަން މުހައްމަދު އުމަރު މަނިކެވެ. އަދި މި ބައްދަލުވުމުގެ އެޖެންޑާގައި ކުރިއަށްހުރި ބައިތައް ކުރިއަށް ގެންދެވީ މަޓީގެ ސެކްރެޓަރީ ޖެނެރަލް އަހްމަދު ނަޒީރެވެ. އެޖެންޑާގެ ބައިތަކުގައި ހިމެނުނީ މަޓީގެ 32 ވަނަ އަހަރީ އާންމު ޖަލްސާގެ ޔައުމިއްޔާ ފާސްކުރުމާއި، 2022 ވަނަ އަހަރު ކުރެވެނު މަސައްކަތްތަކާއި ބެހޭ ވީޑިއޯ ޕްރެސެންޓޭޝަންއެއް ދައްކުވާލުމާއި، 2022 ވަނަ އަހަރުގެ އަހަރީ ރިޕޯޓު ހުށަހެޅާ ފާސްކުރުމާއި 2022 ވަނަ އަހަރުގެ ފައިނޭންސަލް ސްޓޭޓްމަންޓްސް އަދި 2023 ވަނަ އަހަރުގެ ބަޖެޓު ހުށަހަޅާ ފާސްކުރުމެވެ. އަދި މަޓީގެ ޗާރޓަރަށް ގެނުވުނު ބަދަލަކާއިއެކު މަޓީގެ ހިންގާ ކޮމިޓީ މެމްބަރުންގެ ޓާރމް 1 އަހަރުން 3 އަހަރަށް އިތުރުކުރުމަށްފު 2026 – 2023 އަށް މަޓީގެ ހިންގާ ކޮމިޓީއަށް މެމްބަރުން ހޮވުމެވެ.

2022 ވަނަ އަހަރު ރާއްޖޭގެ ޓޫރިޒަމަށް 50 އަހަރު ފުރުމާއި ގުޅިގެން މަޓީ އިން ނެރުނު ދެފޮތްވެސް މިޖަލްސާގައި ވަނީ ލޯންޗް ކުރެވެފިއެވެ. މިދެފޮތް ލޯންޗްކޮށްދެއްވީ މިނިސްޓަރ އޮފް ޓޫރިޒަމް ޑޮކްޓަރ އަބްދުﷲ މައުސޫމް، މަޓީގެ ޗެއަރމަން މުހައްމަދު އުމަރު މަނިކު، މިނިސްޓަރ އޮފް ހެލްތު އަހުމަދު ނަސީމް، މަޓީގެ ސެކްރެޓަރީ ޖެނެރަލް އަހުމަދު ނަޒީރު، އެމް.އެމް.ޕީ.އާރް.ސީ ގެ ސީއީއޯ އެންޑް މެނޭޖިންގް ޑައިރެކްޓަރ ތޮއްޔިބް މުހައްމަދު އަދި ދެފޮތުގެ ލިޔުންތެރިންކަމަށްވާ މައުރޫފް ޖަމީލް އަދި ޑރ. ސިމާދު ސައީދު ވެގެންނެވެ. މިތަނުން އެއްފޮތަކީ  ދިވެހިރާއްޖޭގެ ރިސޯރޓުތަކުގެ ފަރުމާތައް ތަރައްގީވެ ބަދަލުވެގެން އައި ގޮތުގެ ވާހަކައަށް ބިނާކޮށް މައުރޫފް ޖަމީލް ލިޔުއްވާފައިވާ ފޮތް ކަމަށްވާ “މޯލްޑިވިއަން ރިސޯރޓު އާކިޓެކްޗަރ: 50 އިއަރޒް އޮފް އައިލަންޑް ރިސޯރޓްސް” އެވެ. އަދި އަނެއް ފޮތަކީ ދިވެހިރާއްޖޭގެ ފަތުރުވެރިކަމުގެ ސިނާއަތް މިވޭތުވެދިޔަ 50 އަހަރުތެރޭގައި ތަރައްގީވެ ބަދަލުވެގެން އައި ގޮތުގެ ވާހަކައަށް ބިނާކޮށް ޑރ. ސިމާދު ސައީދު ލިޔުއްވާފައިވާ ފޮތް ކަމަށްވާ “50 އިއަރޒް އޮފް ޓޫރިޒަމް: ދަ ޕައިނިއަރޒް، ޕީޕަލް އެންޑް ޕޮލިސީސް ދެޓް ޝޭޕްޑް މޯލްޑިވްސް ޓޫރިޒަމް” އެވެ.

މައުރޫފް ޖަމީލް އަކީ އާރކިޓެކްޓެއްގެ އިތުރުން ދިވެހިރާއްޖޭގެ އާރކިޓެކްޗަރ ތަރިކައާއި ބެހޭ ގޮތުން ދިރާސާ ކުރައްވަމުންދާ ބޭފުޅެކެވެ. އެބޭފުޅާ ވަނީ މީގެ ކުރިން “ކޮރަލް ސްޓޯން މޮސްކްސް އޮފް މޯލްޑިވްސް: ދަ ވެނިޝިންގް ލެގަސީ އޮފް ދަ އިންޑިއަން އޯޝަން” ކިޔާ ފޮތެއް ލިޔެ ނެރުއްވާފައެވެ. އަދި ޑރ. ސިމާދު ސައީދަކީ ސީޑީއީ ކޮންސަލްޓިންގްގެ މެނޭޖިންގް ޑައިރެކްޓަރގެ އިތުރުން ދިވެހި ރާއްޖޭގެ ފަތުރުވެރިކަމުގެ ސިނާއަތާ ބެހޭގޮތުން ދިރާސާ ކުރައްވަމުންދާ ބޭފޫޅެކެވެ. އެބޭފުޅާ ސްޕެޝަލައިޒް ވެފައިވަނީ ސްޓެރެޓަޖީ، ސަސްޓެއިނަބިލިޓީ އަދި ސޯޝަލް އިނޮވޭޝަންގެ ރޮނގުންނެވެ.

ތިރީގައި މިވަނީ 2026 – 2023 އަށް އިންތިހާބު ކުރެވިފައިވާ މަޓީގެ ހިންގާ ކޮމިޓީގެ މެމްބަރުންނެވެ.

1. އަލްފާޞިލް މުހައްމަދު އުމަރު މަނިކު – ޗެއަރމަން

2. އަލްފާޞިލް ހަސަން އަފީފު –  ވައިސް ޗެއަރމަން

3. އަލްފާޞިލް ސަލާހް ޝިހާބް -– ވައިސް ޗެއަރމަން

4. އަލްފާޞިލް އަހްމަދު ނަޒިރު -– ސެކްރެޓަރީ ޖެނެރަލް

5. އަލްފާޞިލް އަހްމަދު ހަފީޒް –- ފައިނޭންސަލް ކޮންޓްރޯލަރ

6. އަލްފާޞިލް އަސަދު އަލީ – ޑެޕިއުޓީ ސެކްރެޓަރީ ޖެނެރަލް

7. އަލްފާޞީލް އަހްމަދު ސިޔާމް މުހައްމަދު – އެގްޒެކެޓިވް ބޯރޑް މެމްބަރ

8. އަލްފާޞިލް އިބްރާހިމް ސިޔާދް ޤާސިމް – އެގްޒެކެޓިވް ބޯރޑް މެމްބަރު

9. އަލްފާޞިލް އިބްރާހިމް ނޫރްދީން – އެގްޒެކެޓިވް ބޯރޑް މެމްބަރު

10. އަލްފާޞިލް އިޔާޒް ވަހީދު –  އެގްޒެކެޓިވް ބޯރޑް މެމްބަރު

11. އަލްފާޞިލާ އައިސަތް ވިޝާ މާހިރު – އެގްޒެކެޓިވް ބޯރޑް މެމްބަރު

12. އަލްފާޞިލް އިސްމާއިލް ސިޔާން ޤާސިމް – އެގްޒެކެޓިވް ބޯރޑް މެމްބަރު

13. އަލްފާޞިލާ އައިސަތު ނީނާ އަހްމަދު – އެގްޒެކެޓިވް ބޯރޑް މެމްބަރު

14. އަލްފާޞިލާ ޒުލައިހާ މަނިކް – އެގްޒެކެޓިވް ބޯރޑް މެމްބަރު

15. އަލްފާޞިލް މަހްޖޫބް ޝުޖާއު – އެގްޒެކެޓިވް ބޯރޑް މެމްބަރު

16. މިސްޓަރ ސަލިލް ޕަނިގްރާހި އެގްޒެކެޓިވް ބޯރޑް މެމްބަރ

17. މިސް ރިވެރޯ ޑެލްގާޑޯ އެގްޒެކެޓިވް ބޯރޑް މެމްބަރ