ގްލޯބަލް ޝެފްސް ޗެލެންޖުގެ ސެމީ ފައިނަލުގައި މަހާ ފަންޑިޔާރުކަން ކޮއްފި

ޔޫރަޕުގެ 40 ޓީމެއްގެ ސެފުން ވާދަކުރި ގްލޯބަލް ޝެފްސް ޗެލެންޖުގެ ސެމީ ފައިނަލުގައި ޔޫރަޕުގެ އެންމެ މަތީފަން ގެ ޝެފް ފަންޑިޔާރުންނާއި އެކު ރާއްޖޭގެ މާސްޓާ ޝެފް މަހާ ނަޞީރު ފަންޑިޔާރުކަން ކޮށްފިއެވެ.

މި ސެމީ ފައިނަލްގައި ބައިވެރިވި ޔޫރަޕުގެ 40 ޓީމުން 2024 ވަނަ އަހަރުގެ 20 އޮކްޓޫބަރުގައި ސިންގަޕޫރުގައި އަންނަ ގްލޯބަލް ޝެފް ޗެލެންޖް ފައިނަލުގައި 4 ކެޓަގަރީއަކުން ވާދަ ކުރާނެއެވެ.

advertisement

އެ ކެޓަގަރީތަކަކީ ދަގްލޯބަލްޝެފްސް ޗެލެންޖް، ގްލޯބަލް ޕޭސްޓްރީ ޝެފްސް ޗެލެންޖް، ގްލޯބަލް ވީގަން ޝެފްސް ޗެލެންޖް، އަދި ގްލޯބަލްޔަންގް ޝެފްސް ޗެލެންޖް އެވެ.

19 ފެބްރުވަރީ އިން 22 ފެބްރުވަރީ އަށް ގްލޯބަލް ޝެފްސް ޗެލެންޖުގެ ސެމީ ފައިނަލު ކުރިއަށް ގޮސްފައިވަނީއިޓަލީގެ ރިމިނީގައި އެވެ. 

މާހާ އަކީ ސިންގަޕޫރުގެ ކްރިއޭޓިވް ކަލިނަޔާ އާޓްސް އެންޑް ކުޒީން އިން ޑިގްރީ ހާސިލް ކޮށްފައިވާ ޝެފެކެވެ. އަދ ޝެފްސް ގިލްޑް އޮފް މޯލްޑިވްސްގެ ސެކްރެޓަރީ ޖެނެރަލްގެ މަގާމު ވެސް ފުރަމުން އަންނަ މަހާ އަކީ މާސްޓާ ޝެފްސ ސައިޓީ އޮފް ދަ ވޯލްޑުން ދޭ މާސްޓާ ޝެފްގެ ލަގަބު ލިބުނު ފުރަތަމަ ދިވެހި ޝެފެވެ.

އޭނާ ވަނީ ވޭތުވެދިޔަ އަހަރުތަކުގެ ތެރޭގައި ގައުމީ އަދި ބައިނަލްއަގުވާމީ ފެންވަރުގެ ގިނަ ކާމިޔާބީތަކެއް ހޯދާފައި އެވެ.