އައްޑޫ އެއާޕޯޓު ތަރައްގީކުރަން އިންޑިއާގެ ކުންފުންޏަކާ ހަވާލުކޮށްފި

އެއްބަސްވުމުގައި ސަރުކާރުގެ ފަރާތުން ސޮއި ކުރެއްވީ އައްޑޫ އިންޓަނޭޝަނަލް އެއާޕޯޓް ކޮމްޕެނީގެ މެނޭޖިން ޑިރެކްޓަރު ގައިސް ނަސީރު. އިންޑިއާގެ ފަރާތުން ސޮއިކުރެއްވީ ރެނާޓަސް ކުންފުނީގެ ޗެއާމަން ސިލްވަސުންދަރަމް ޕޫސަޕާން

އެ މަޝްރޫއު ކުރިއަށްގެންދަނީ އިންޑިއާގެ އެގްޒިމް ބޭންކުން ރާއްޖެއަށް ދޫކޮށްފައިވާ 17 މިލިއަން ޑޮލަރު (272.2 މިލިއަން ރުފިޔާ)ގެ ލޯނު އެހީ ބޭނުންކޮށްގެން

advertisement

ރައީސް ޞާލިޙް ސީޝެލްސްގެ ރައީސް ރަމްކަލަވަންއާ ބައްދަލުކުރައްވައިފި

The President meets with the Seychellois President https://t.co/eVBnSvwRtv— The President's Office (@presidencymv) March 5, 2023

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ސީޝެލްސްގެ ރައީސް ވޭވަލް ރަމްކަލަވަންއާ މިއަދު ބައްދަލު ކުރައްވައިފި

މި ބައްދަލު ކުރެއްވުމުގައި ދެ ބޭފުޅުން ވަނީ ފަތުރުވެރިކަމުގެ ސިނާޢަތާއި، މޫސުމަށް އަންނަ ބަދަލުތަކާއި ގުޅޭ މަޝްވަރާތައް ކުރައްވާފައި

ފާރުތަކުގައި ހުންނަ ގްރެފިޓީތައް ފޮހުމުގެ މަސައްކަތް މާލޭ ސިޓީ ކައުންސިލުން ފަށައިފި

މާލެސިޓީ ކައުންސިލާ ދިވެހި ފުލުހުންގެ ޚިދުމަތާއިގުޅިގެން މާލޭގެ އެކި ސަރަޙައްދު ތަކުގެ ފާރުތަކުގައި އާއްމު އިޖުތިމާއީ މިންގަޑާ ޚިލާފަށް ހުރި ކުރެހުންތަކާ ލިޔުންތައް، ފޮހެލުމުގެ މަސައްކަތް ދަނީކުރެވެމުން. @PoliceMv pic.twitter.com/GFgodbVPSE— Male' City Council (@MaleCitymv) March 5, 2023

ސިޓީ ކައުންސިލުން އާންމުކޮށްފައިވާ ބައެއް ފޮޓޯތަކުން ފެންނަ ގޮތުން ކައުންސިލްގެ މުވައްޒަފުން އަންނަނީ ކުރެހުންތަކުގެ މަތީގައި ކުލަލުމުގެ މަސައްކަތް ކުރަމުން

އެ މަސައްކަތް ކުރާ ވަގުތު ފުލުހުން ވެސް އެ ސަރަހައްދު ތަކުގައި ހަރަކާތްތެރިވަމުން ދޭ

ހަޔާ އެޑިއުކޭޝަން މިނިސްޓްރީ ވެސް ހުޅުމާލެއަށް ބަދަލުކޮއްފި

ހަޔާ އެޑިއުކޭޝަން މިނިސްޓްރީއިން ދެމުން އަންނަ ހުރިހާ ޚިދުމަތެއް ހުޅުމާލޭގައި އަލަށް ހުޅުވި ސަރުކާރުގެ އޮފީސް އިމާރާތް، ‘އުމަރު ޒާހިރު އޮފީސް ބިލްޑިން’އަށް ބަދަލުކޮށްފި

އެ މިނިސްޓްރީން ބުނީ މިއަދުން ފެށިގެން އެ އިދާރާގެ އޮފީސް ހިންގާނީ އުމަރު ޒާހިރު އޮފީސް ބިލްޑިންގުގެ ފަސް ވަނަ ފަންގިފިލާގައި ކަމަށް

ސައުދީން ރާއްޖެއަށް މިއަހަރުވެސް 50 ޓަނުގެ ކަދުރު

މިއަހަރު ދިވެހިރާއްޖެއަށް 50 ޓަނުގެ ކަދުރު ލިބޭނެކަމަށް ސައޫދީ ސަރުކާރުން ވަނީ އަންގަވާފައި. މިނިސްޓްރީއަށް ކަދުރު ލިބުމުން ކަދުރު ބެހުމުގެ މަސައްކަތް ކުރިއަށް ގެންދިޔުމަށް ވަނީ ހަމަޖެހިފައި.— Ministry of Islamic Affairs (@MVIaffairs) March 5, 2023

މިއަހަރުވެސް ސަޢޫދީ ސަރުކާރުން ރާއްޖެއަށް 50 ޓަނުގެ ކަދުރު ހަދިޔާކުރުމަށް ނިންމާފައިވާކަމަށް މިނިސްޓްރީ އޮފް އިސްލާމިކް އެފެއާޒުން ވިދާޅުވެއްޖެ

ކޮންމެ އަހަރެއްގެ ރަމަޟާންމަހާއި ދިމާކޮށް ސައުދީ ސަރުކާރުން ދިވެހި ރާއްޖެއަށް އަންނަނީ ކަދުރު ހަދިޔާ ކުރަމުން