އަންނަ މަހުން ފެށިގެން ކުނި ނެގުމުގެ ފީ ކަރަންޓު ބިލުގައި ހިމަނަން ނިންމައިފި

ވެމްކޯއިން މާލޭ ސަރަހައްދުގައި ދެމުންގެންދާ ކުނި މެނޭޖުކުރުމުގެ ހިދުމަތްތަކަށް ކަނޑައަޅާފައިވާ ފީ ސްޓެލްކޯގެ ބިލުގައި ހިމަނައިގެން 1 އެޕްރީލް 2023 އިން ފެށިގެން ނެގުމަށް ވެމްކޯއަށް އެންވަޔަރުމެންޓް މިނިސްޓްރީން ހުއްދަދީފި

ކުނި މެނޭޖުކުރުމަށް ވެމްކޯއަށް ދިމާވާ ގޮންޖެހުންތައް ހައްލުވާނީ ފައިސާ ލިބިގެން ކަމަށާއި މާލޭ ސަރަހައްދުގައި 53،000 އަށް ވުރެ ގިނަ ގޭބީސީން ކުނި ނަގަން ޖެހޭއިރު، ގަވާއިދުން ވެމްކޯއަށް ފައިސާ ދައްކަނީ 20،000 ގޭބީސީއަކުން ކަމަށް އެންވަޔަރުމެންޓުން ބުނޭ

advertisement

މަނަދޫ މަގުތަކުގައި ތާރުއަޅަން އާރްޑީސީއާ ހަވާލުކޮށްފި

RDC contracted for the Design and Build of Major Roads at N. Manadhoo.#TeamRDC pic.twitter.com/jKXmfNfu7e— Road Development Corporation Ltd (@rdcmaldives) March 9, 2023

ނ. މަނަދޫ މަގުތަކުގައި ތާރުއަޅަން ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) އާ ހަވާލުކޮށްފި

ޕްލޭނިން މިނިސްޓްރީން ބުނީ މަނަދޫ މަގުތަކުގައި ތާރު އެޅުމުގެ މަސައްކަތް އާރްޑީސީއާ ހަވާލުކުރީ 540 ދުވަހުން ނިންމާ ގޮތަށް 75،735،385 މިލިއަން ރުފިޔާއަށް ކަމަށް

ސްޓެލްކޯގެ 4 މުވައްޒަފަކަށް ހައްޖާއި އުމްރާއަށް ދިއުމުގެ ފުރުސަތު

މިކުންފުނީގެ މުވައްޒަފުންނަށް ދެމުންގެންދާ ހައްޖާއި، އުމްރާގެ މަތިވެރި އަޅުކަމުގެ ފުރުސަތު ލިބޭ 4 މުވައްޒަފުން ބުދަ ދުވަހުގެ ރޭ ކުޑަގިރީގައި ބޭއްވި ހަފްލާއެއްގައި ވަނީ ގުރުއަތުން ހޮވާފައި. އެގޮތުން މިއަހަރުވެސް ހައްޖުގެ އަޅުކަމުގެ ފުރުސަތު އަންހެން އަދި ފިރިހެން މުވައްޒަފަކަށާއި pic.twitter.com/jC0HO5lZN6— STELCO (@STELCOMALDIVES) March 9, 2023

މި އަހަރުގެ ހައްޖު އަދި އުމްރާ ފުރުސަތު ސްޓެލްކޯއިން ލިބޭ މުވައްޒަފުން ގުރުއަތުން ހޮވާފައިވަނީ މިދިޔަ ބުދަ ދުވަހުގެ ރޭ ކުޑަގިރީގައި ބޭއްވި މިއަހަރުގެ އަންހެނުންގެ ދުވަސް ފާހަގަކުރުމަށާއި، ރަމަޟާންމަހަށް މަރުހަބާ ކިއުމުގެ ގޮތުން ބޭއްވި ރަސްމިއްޔަތުގައި

ސްޓެލްކޯއިން ދެމުންގެންދާ ހައްޖުގެ އަޅުކަމުގެ ފުރުސަތު ދެނީ އެކުންފުންނީގައި 15 އަހަރު ހިދުމަތް ކޮށްދީފައިވާ މުވައްޒަފުންގެ ތެރެއިން އެކަމަށް ކުރިމަތިލާ މުވައްޒަފުންނަށް

ދިއްދޫ ޖޫނިއަރ ކޮލެޖާއި އަލިފުށި ޓިވެޓް ސެންޓަރު ހިންގާނެ ބަޔަކު ހޯދަނީ

ހއ.ދިއްދޫގައި އިމާރާތްކުރާ ޖޫނިއަރ ކޮލެޖާއި ރ.އަލިފުށީގައި އިމާރާތްކުރާ ޓިވެޓް ސެންޓަރު ހިންގާނެ ފަރާތެއް ހޯދުމަށް މިނިސްޓްރީ އޮފް ފިނޭންސްއިން އިޢުލާންކޮށްފި

މި ދެ މަޝްރޫޢުއަކީ މިނިސްޓްރީ އޮފް ހަޔަރ އެޑިއުކޭޝަނުން ކުރިއަށްގެންދާ ދެ މަޝްރޫޢު

ރާއްޖެއިން އެކްސްޕޯޓްކުރާ މަހަށް ނަގާ ޑިއުޓީ ކަނޑާލުމަށް އެހީތެރިވެދިނުމަށް އެދިވަޑައިގެންފި

The Honorary Consuls of the Maldives in Germany pay a courtesy call on the President https://t.co/0ruXDWlGIo— The President's Office (@presidencymv) March 9, 2023

ޖަރުމަނުގައި ހުންނަވާ ދިވެހިރާއްޖޭގެ އޮނަރަރީ ކޮންސުލް ޖެނެރަލް، ކްރިސްޓިއަން ފޮން ސްޓެޓެން އަދި އޮނަރަރީ ކޮންސުލް، އެންޑްރިއާސް ޕީޓާ ވިއްޓެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ އަރިހަށް އިޙްތިރާމްގެ ޒިޔާރަތެއް ކުރައްވައިފި

ދިވެހިރާއްޖެއާ ޖަރުމަނާއި ދެމެދު އިތުރަށް ގުޅުން ބަދަހިކުރުމާ، ދެޤައުމުގެ ދެމެދުގައި ވިޔަފާރިއާ، އިންވެސްޓްމަންޓްތައް އިތުރުކުރުމަށް ހުރި ފުރުޞަތުތަކާއި ގުޅޭ ގޮތުން ތިންބޭފުޅުން ވަނީ މަޝްވަރާކުރައްވާފަ