އަންހެނުންނާއި ފިރިހެނުންގެ މެދުގައި ޑިޕްރެޝަންގެ އަލާމާތްތައް ތަފާތުތަ؟

ދިރާސާތަކުން ދައްކާގޮތުގައި އަންހެނުންނާއި ފިރިހެނުންގެ ތެރޭގައި ޑިޕްރެޝަންގެ އަލާމާތްތައް ކޮންމެވެސްވަރަކަށް ތަފާތެވެ. ފިރިހެނުންނަށްވުރެ އަންހެނުން މިކަމުގެ ތަޖުރިބާ މާބޮޑަށް އުފުލާކަމަށްވެސް ދިރާސާތަކުން ދައްކައެވެ

1.ވާލްޑް ހެލްތް އޯގަނައިޒޭޝަންއިން ބުނާގޮތުގައި ހުރިހާ ގައުމެއްގައިވެސް ފިރިހެނުންނަށްވުރެން އަންހެނުން ޑިޕްތެޝަންގެ އަލާމަތްތައް ތަހައްމަލްކުރަމުންދެއެވެ.

advertisement

2. ފިރިހެނުންނަށްވުރެން އަންހެނުން ޑިޕްތެޝަންގެ އަލާމަތްތައް އުމުރުގެ ކުރީކޮޅުގައި ތަޖުރިބާކުރެއެވެ. މިއީ ބަނޑުބޮޑުވުމާއި މެންސުރޭޝަނަލް އަދި ޕިއުބާޓީއާ ގުޅިފައިވާ ހޯމޯންތަކަށްއަންނަ ބަދަލުތަކުގެ ސަބަބުންނެވެ.

3. އަންހެނުންނާއި ފިރިހެނުންގެ ތެރޭގައި ޑިޕްރެޝަންގެ އަލާމާތްތައް ކޮންމެވެސްވަރަކަށް ތަފާތުވިނަމަވެސް’ އަންހެނުން މާގިނައިން ޑިޕްރެޝަންގެ އަލާމަތްތައް ރިޕޯޓްކުރެއެވެ. އަދި އެމީހުންގެ އަލާމާތްތައް މާ ވަރުގަދައެވެ.

4.އިޖުތިމާޢީ މައްސަލަތަކުގެ ތެރޭގައި ދެޖިންސުގެ މެދުގައި އަދާކުރާ މަސައްކަތުގެ ނަހަމަކަން އޮތުމާއި، ލިބެންހުންނަ ވަސީލަތްތަކުގެ ނަހަމަކަމުގެ ސަބަބުންވެސް ޑިޕްރެޝަންއަށް މަގުފަހިވެއެވެ.

ވިސްނާލަން މުހިންމެ އެއްކަމަކީ ދުޖިންސުގެމެދުގައި ޑިޕްތެޝަންގެ އަލާމާތްތައް ތިފާތުވިޔަސް ކޮންމެމީހެއްގެ ތަޖުރިބާ ތަފާދުވާނެކަމެވެ. އެކިމީހުންނަށް ދިމާވާނީ އެކި މައްސަލަތަކާއި އަލާމާތްތަކެވެ.

އަންހެނުންނަށް ދިމާވާ ޑިޕްރެޝަންގެ އަލާމާތްތައް

• ކަންކަމުގައި އުއްމީދުކުޑަވުމާއި ދެރަވެ ގިނަދުވަހަށް ދެމިގެންދިޔުން
• ފަސޭހައިން އުނދަގޫވުން ނުވަތި މޫޑް ސުވިންގޮސް އައުން
• ވަރުބަލިވެ ވަރުނެތން
• މާގިނައިން ނުވަތަ މާމަދުން ނިދުން
• ޖިސްމާނީ އަލާމާތްތަކުގެ ތެރޭގައި ބޮލުގަރިއްސުން’ ބަނޑުގަރިއްސުން އަދި އެހެނިހެން ތަދުތަކާއި ރިއްސުންތައްހުރުން
• ކާހިތްނުވުން
• ކަންކަމުގައި ކޮންސަންޓްރޭޝަންކުރަން އްނދަނގޫވުން
• މަރުވުމުގެ ހިޔާލުގެންގުޅުން

ފިރިހެނުންނަށް ދިމާވާ ޑިޕްރެޝަންގެ އަލާމާތްތައް

• ރުޅިއައުމާއި ހަރުކަށިވުން
• ކުރިން ކޮށްއުޅޭ ކަންކަމުގައި ފަސޭހައިން ޝައުގުވެރިކަން ގެއްލުން
• ނިދުމުގައި އުނދަގޫތައް ދިމާވުން
• ޖިސްމާނީ އަލާމާތްތަކުގެ ތެރޭގައި ބޮލުގަރިއްސުން’ ބަނޑުގަރިއްސުން އަދި އެހެނިހެން ތަދުތަކާއި ރިއްސުންތައްހުރުން
• ކާހިތް ނުވުން
• ކަންކަމުގައި ކޮންސަންޓްރޭޝަންކުރަން އްނދަނގޫވުން
• މަރުވުމުގެ ހިޔާލު ގެންގުޅުން

މިއިން އެއްވެސް އަލާމާތެއް ދިމާވާނަމަ ނުވަތަ އަލާމާތްތައް ދިމާވާ މީހެއް އެނގޭނަމަ، އެމީހަކަށް އެހީތެރިކަމާއި އެއްބާރުލުން ދިނުމަކީ ވަރަށް މުހިންމުކަމެކެވެ. މީގެއިތުރުން ސިއްހީމާހިރުންގެ ލަފާއާއި އެހީ ހޯދިދާނެއެވެ.