އިއްޔެ ތަސްދީގުކުރި ދިވެހި ފުލުހުންގެ ޚިދުމަތުގެ ޤާނޫނަށް ގެނައި އިސްލާހުގައި ހުރި ނުކުތާތައް

ދިވެހި ފުލުހުންގެ ޚިދުމަތުގެ ޤާނޫނު )ޤާނޫނު ނަންބަރު 2020/34 ( އަށް 1 ވަނަ އިސްލާޙު ގެނައުމުގެ ބިލު ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އިއްޔެ ތަސްދީޤު ކުރައްވައިފިއެވެ.

މި ބިލަކީ 20 މާރިޗު 2020 ވީ ހޯމަ ދުވަހު ބޭއްވި’ ރައްޔިތުންގެ މަޖިލީހުގެ މި އަހަރުގެ ފުރަތަމަ ދައުރުގެ 19 ވަނަ ޖަލްސާގައި ފާސްކުރައްވައިފައިވާ ބިލެކެވެ.

advertisement

މިބިލްގެ މަޤުޞަދުތަކުގެ ތެރޭގައި ހިމެނެނީ:

• ފުލުހުންގެ ޚިދުމަތާ އަލަށް ގުޅޭ ފަރާތްތަކަކީ މިފަދަ ވަޒީފާއެއް އަދާކުރަން އެކަށީގެންވާ ފަރާތެއްތޯ ބެލުމަށް ބެކްގްރައުންޑް ޗެކްހެދުން.
• ބެކްގްރައުންޑް ޗެކްކުރުމުގެ ގޮތުން ހަދާ އެނަލިސިސްއަކަށްފަހު، ޕޮލިގްރާފް ނުވަތަ އެނޫންވެސް ވަޞީލަތެއް މެދުވެރިކޮށް އިތުރު އެނަލިސިސް އެއް ހެދުމަށް ހުރަހެއް ނެތްކަން ޔަގީންކުރުން.
• ތަހުޤީޤުކުރާ ފުލުހުންނަށް ލަޒިމްކުރާ ސަނަދު ހާސިލްކުރުމަށް ދެވިފައިވާ މުއްދަތު އިތުރުކުރުން

މި އިސްލާހުގައި ހިމެނިފައިވާ ކަންކަން:

•     ތަހުޤީޤުކުރާ ފުލުހުންނަށް މިހާރު ދެވިފައިވާ 2 އަހަރުގެ މުއްދަތުގެ ތެރޭގައި އެފަދަ ސަނަދެއް ހާސިލް ނުކުރެވިދާނެކަމަށް ފެންނަކަމަށް ބުނެފައިވުން.

•     ތަހުޤީޤުކުރާ ފުލުހުންގެ ތެރެއިން މިފަދަ ސަނދެއް ހާސިލްކޮށްފައިނުވާ ފުލުހުންނަށް 27 މާރިޗު 2024 ގެ ނޔަލަށް އިތުރު ކުރުމުގެ އިހްތިޔާރު ލިބިގެންދާނެކަމަށް ބުނުން.

• ފުލުހުންގެ ޚިދުމަތާ އަލަށް ގުޅޭ ފަރާތްތަކުގެ ބެކްގްރައުންޑް ޗެކްކުރުމުގެ ގޮތުން ޢަމަލުކުރާނެ އުސޫލުތަކާއި، ބޭނުންކުރެވިދާނެ އިތުރު ވަޞީލަތްތައް ގަވާއިދުގައި ބަޔާންކުރާނެކަމުގައިވުން.

މި ޤާނޫނަށް ޢަމަލުކުރަން ފަށާނީ މި ޤާނޫނު ފާސްވެ ތަޞްދީޤުކޮށް، ދިވެހިސަރުކާރުގެ ގެޒެޓުގައި ޝާއިޢުކުރާ ދުވަހުން ފެށިގެންނެވެ.