ރަމަޟާން މަހު ކަސްރަތު ކުރާނެ ގޮތްތައް

ރަމަޟާން މަހަކީ މުސްލިމުން ފަތިސްނަމާދު ބަންގިއިން ފެށިގެން އިރު އޮއްސުމާ ހަމައަށް ރޯދަ ހިފާ ދުވަސްވަރެކެވެ. އަދި މި ދުވަސްވަރު ޖިސްމާނީ ދުޅަހެޔޮކަމާއި ކަސްރަތު ކުރުން ވެސް މުހިއްމު ކަމެކެވެ. ކަސްރަތަކީ ހަށިގަނޑު ދުޅަހެޔޮކޮށް ހަރުދަނާ ކުރުމަށް އެހީތެރިވެދޭ އަދި ސްޓްރެސް ފިލުވައިދީ ނަފްސާނީ ދުޅަހެޔޮކަން އިތުރުކުރުމަށް ވެސް ވަރަށް ރަނގަޅު ކަމެކެވެ.

ރަމަޟާން މަހު ކަސްރަތު ކުރާނެ ގޮތް: އިރުޝާދުތަކާއި ގައިޑްލައިންސް

• ވަގުތެއް ކަނޑައެޅުން: ރޯދަ ޝެޑިއުލްގެ ވަށައިގެން ކަސްރަތުތައް ވަގުތު ކޮށްލުމަކީ މުހިންމު ކަމެކެވެ. ރޯދަ ވީއްލުމަށްފަހު ނުވަތަ ހާރު ކެއުމުގެ ކުރިން (ސުހޫރު) ކަސްރަތު ކުރުމަކީ ގިނަ ބަޔަކަށް އެންމެ ފަސޭހަކަމެކެވެ. ހާއްސަކޮށް ހޫނު މޫސުމުގައި މާ ބޮޑަށް ބުރަމަސައްކަތުން ދުރުހެލިވުމަކީ ކޮންމެހެން ކުރަން ޖެހޭ ކަމެކެވެ.
• ލޯ އިންޓެންސިޓީ ކަސްރަތުތައް އިޚްތިޔާރުކުރުން: ރަމަޟާން މަހު އެންމެ ރަނގަޅީ ހަށިގަނޑަށް ލުއި ކަސްރަތުތައް އިޚްތިޔާރުކުރުމެވެ. ލޯ އިންޓެންސިޓީ ކަސްރަތުތަކުގެ ތެރޭގައި ޔޯގާ، ސްޓްރެޗިން، ހިނގުން އަދި ލައިޓް ކާޑިއޯ [ދުވުން] ހިމެނެ އެވެ. އަދި ހަކަތަ ދަށްވެ ވަރުބަލިވުމަށް މަގުފަހިވާ ހައި އިންޓެންސިޓީ ކަސްރަތުތަކުން ދުރުހެލިވާށެވެ.
• ހައިޑްރޭޓްވެފައި ތިބުން: ރަމަޟާން މަހު ހާއްސަކޮށް ކަސްރަތު ކުރާއިރު ހައިޑްރޭޓްވެފައި ހުރުމަކީ ވަރަށް މުހިންމު ކަމެކެވެ. ކަސްރަތުގެ ތެރޭގައި ގެއްލުނު ފްލުއިޑްތައް އަލުން ފުރުމަށް އެހީތެރިވުމުގެ ގޮތުން ރޯދަ ނޫން ގަޑިތަކުގައި ގިނައިން ފެނާއި އިލެކްޓްރޯލައިޓް އެކުލެވޭ ފްލުއިޑްސް ބުއިމަށް ސަމާލުކަން ދޭށެވެ.
• ހަށިގަނޑަށް ފައިދާހުރި ކާނާ ކެއުން: ހަކަތައިގެ މިންވަރު ދެމެހެއްޓުމަށްޓަކައި ހާރަށާއި ރޒޯދަވީއްލުމަށް ހަށިގަނޑަށް ފައިދާހުރި ކާނާ ކެއުމަކީ ކޮންމެހެން ކުރަން ޖެހޭ ކަމެކެވެ. މުޅި ދުވަހު ދެމެހެއްޓެނިވި ހަކަތަ ފޯރުކޮށްދޭ ކޮމްޕްލެކްސް ކާބޯހައިޑްރޭޓްސް، ލީން ޕްރޮޓީންސް އަދި ސިއްހަތަށް ފައިދާހުރި ފެޓްސް ބޭނުންކުރުމަށް ސަމާލުކަން ދޭށެވެ.
• ރެސްޓް އެންޑް ރިކަވަރީ: ރެސްޓް އަދި ރިކަވަރީ އަކީ ކަސްރަތެކޭ އެއްފަދައިން މުހިންމު ކަމެކެވެ. ރޯދަ ނޫން ގަޑިތަކުގައި އެކަށީގެންވާ ނިދި ލިބުމާއި އަރާމު ލިބުމަކީ ހަށިގަނޑަށް ޝިފާ ލިބި ހަކަތަ ލިބުމަށް މަގުފަހިކޮށްދިނުމަށް މުހިންމު ކަމެކެވެ.
• ހަށިގަނޑުދޭ ސިގްނަލްތައް އަޑުއެހުން: އެންމެ މުހިންމު ކަމަކީ ހަށިގަނޑުގެ އަޑު އަހައި، ތިބާގެ ލިމިޓަށް އިހުތިރާމް ކުރުމެވެ. މާބޮޑަށް ވަރުބަލިކަން ނުވަތަ ވަރުބަލިކަން އިހުސާސްވާނަމަ ބްރޭކެއް ނަގައި އަރާމުކުރާށެވެ. އަދި ކަސްރަތުގެ އާ ރޫޓިންއެއް ފެށުމުގެ ކުރިން ސިއްހީ ހިދުމަތްދޭ ފަރާތަކާ މަޝްވަރާ ކުރުން ވެސް މުހިއްމުކަމެކެވެ.

ރަމަޟާން މަހު ކަސްރަތު ކުރުމަކީ ޖިސްމާނީ ދުޅަހެޔޮކަން ދެމެހެއްޓުމަށާއި ނަފްސާނީ ދުޅަހެޔޮކަން ކުރިއެރުވުމަށް އެހީތެރިވެދޭނެ ކަމެކެވެ. ނަމަވެސް ލޯ އިންޓެންސިޓީ ކަސްރަތުތައް އިޚްތިޔާރުކުރުމާއި، ހައިޑްރޭޓްވެ ތިބުމާއި، ހަށިގަނޑަށް ފައިދާހުރި ކާނާ ކެއުމާއި، ހަށިގަނޑަށް އަޑުއަހަން ޖެހެއެވެ. މި އިރުޝާދުތަކާއި ގައިޑްލައިންތަކަށް ވިސްނައިގެން އުޅެފިނަމަ ރަމަޟާން މަހު ދުޅަހެޔޮ އަދި ހަރަކާތްތެރި ދިރިއުޅުމެއް ދެމެހެއްޓޭނެ އެވެ.

advertisement