މަޑަވެލި-ހޯނޑެއްދޫ ބްރިޖު ފައުންޑޭޝަންގެ މަސައްކަތް ފަށައިފި

ގދ. މަޑަވެއްޔާއި ގދ. ހޯނޑެއްދޫ ކޯޒްވޭއަކުން ގުޅައިލުމުގެ މަޝްރޫއުގެ ދަށުން ބްރިޖު ފައުންޑޭޝަންގެ މަސައްކަތް ފަށައިފިއެވެ.

މި މަޝްރޫއު އެމްޓީސީސީއާ ހަވާލުކޮށްފައިވަނީ މިދިޔަ އަހަރުގެ އޮކްޓޯބަރު މަހުގެ 26 ވަނަ ދުވަހުއެވެ. އަދި މަޝްރޫ ނިންމުމަށް ހަވާލުކޮށްފައިވަނީ 300 ދުވަހުގެ ތެރޭގައިއެވެ. އެމްޓީސީސީން މި މަޝްރޫއުގެ މަސައްކަތް ފަށާފައިވަނީ މިދިޔަ ސެޕްޓެމްބަރު މަހުގެ ތެރޭގައެވެ.

advertisement

އެ މަޝްރޫއުގެ ދަށުން އެހެނިހެން މަސައްކަތްތައްވެސްކުރެއެވެ. އެގޮތުން 260 މީޓަރުގެ ސަރަހައްދެއްގެ ގޮނޑުދޮށް ހިމާޔަތް ކުރުމާއި، ކޯޒްވޭގެ 2544 ކިއުބިކް މީޓަރުގެ ސެގްމެންޓް ކޮންކްރީޓް މަސައްކަތްތައް ކުރުމާއި، 285 ސްޕަން ޕައިލް ހަރުކުރުމާއި، 4596 އަކަ މީޓަރުގެ ސަރަހައްދެއްގައި ތާރު އެޅުން އަދި 1378 އަކަ މީޓަރުގެ ސަރަހައްދެއްގައި ޕޭވްމަންޓް ހެދުން ވެސް ހިމެނެއެވެ.