“އެއްވެސް ނޫސްވެރިއަކަށް އިންޒާރެއް ދީފައެއް ނޯންނާނެ”

ސަން ކުންފުންޏާއި އަދި އެކުންފުނީގެ އެމްޑީ އަހްމަދު ސިޔާމް މުހައްމަދުގެ ފަރާތުން ދައުރު ނޫހުގެ ދެ ނޫސްވެރިޔަކަށް އިންޒާރުދިން ކަމަށް ބުނި ބުނުން އެ ކުންފުނިން ދޮގު ކޮށްފި އެވެ. އަދި ދައުރު ނޫހުން ޝާއިރު ކުރި އާޓިކަލްއަށް ރައްދު ދީ ސަން ކުންފުނިންވަނީ ބަޔާނެއްވެސް ނެރެފައި އެވެ.

މިބަޔާނުގައިވަނީ އަހްމަދު ސިޔާމްގެ ފަރާތުން ދައުރު ނޫހުގައި ބުނާފަދަ އިންޒާރެއް އެލިޔުން ލިޔުނު ލިއުންތެރިޔާއަށް ނުވަތަ ނޫހަށް އަދި އެއްވެސް ފަރާތަކަށް ދީފައިނުވާކަމެވެ. ސަން ގްރޫޕްގެ ފަރާތުން ނެރުނު ބަޔާނުގައި ވަނީ އެ ކުންފުނި, އަދި އަހްމަދު ސިޔާމް ގަބޫލުކުރާގޮތުގައި މިނިވަން ނޫސްވެރިކަމަކީ ގާނޫނު އަސާސީގެ 27 ވަނަ މާއްދާ އަދި 28 ވަނަ މާއްދާއިން ކަށަވަރުކޮށްދީފައިވާ އަސާސީ ހައްގެއް ކަމަށެވެ.

advertisement

މިމަހު ހަވަނަ ދުވަހު ދައުރު ނޫހުގައި ލިޔެފައިވާ އާޓިކަލްގައި ނޫސްވެރިޔާ މުޅި އާޓިކަލް ލިޔެ ނިންމިއިރު ތިލަފަތް ހަމަކޮށް ނުވަތަ ކަންހިނގާފައިވާ ގޮތުގެ ސައްހަ މައުލޫމާތު ގެނެސް ދިނުމުގެ ބަދަލުގައި މަސައްކަތްކޮށްފައިވަނީ ސަން ގުރޫޕްގެ ކުންފުނިތަކާއި އަހްމަދު ސިޔާމުގެ ނަން ހުތުރުކޮށް ގެއްލުންދިނުމަށް ކަމަށް ވެސް މި ބަޔާނުގައިވެއެވެ.

ދައުރު ނޫހުގައި ޝާއިރު އާޓިކަލްއަކާ ގުޅިގެން އެނޫހުގެ ސީނިއާ އެޑިޓަރަކަށް މެސެޖްކޮށް އިންޒާރުދީފައިވާ މައްސަލަ އެމްޖޭއިން ކަންބޮޑުވުމާ އެކު ކުށްވެރިކޮށް ވީ އެންމެ އަވަސް މިނެއްގައި އެ މައްސަލައިގެ ތަހުގީގެއް ހިންގުމަށް ގޮވާލާފިއެވެ.https://t.co/kA5rGywBc5— MV+ (@mvplusmedia) April 8, 2023

މީގެ އިތުރުންވެސް މިލިޔުމުން ސިޔާސީ ނުފޫޒުގެ ވިސްނުން އެސްޓަބްލިޝްކުރުމުގެ ގޮތުން ނަންނުޖަހާ ވަކީލުންތަކެއް ބުނިކަމަށް ބުނެ ވަންސައިޑެޑް ރައުޔުތަކެއް ލިޔެފައިވާއިރު، މިއީ މިނިވަން ނޫސްވެރިކަމުގެ ނަމުގައި  ސަން ކުންފުންޏާއި އަހްމަދު ސިޔާމުގެ އަބުރަށާއި ކުންފުނީގެ ވިޔަފާރިއަށް ގެއްލުން ދިނުމުގެ ގޮތުން ވަކިބަޔަކު އަޑީގައިތިބެ ސްޕޮންސަރުކޮށްގެން ލިޔެފައިވާ ލިޔުމެއްކަން އެނގޭކަމަށްވެސް މިބަޔާނުގައިވެއެވެ.