ޕެއިންޓިންގ ފޯ ނޭޗަރ 2023 ކެމްޕެއިނުގެ ޑިޖިޓަލް ޕާޓްނަރަކަށް ދިރާގު

މިމަހު ފަހު ފަހު ބޭއްވުމަށް ހަމަޖެހިފައިވާ ޕެއިންޓިންގ ފޯ ނޭޗަރ 2023ގެ ޑިޖިޓަލް ޕާޓްނަރަކަށް ދިރާގާއި އެކު އިއްޔެ ސޮއިކޮށްފި އެވެ. މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޮލޮޖީއާ ގުޅިގެން ކުރިއަށްދާ މި ކުރެހުމުގެ ކެމްޕއެއިންގައި, ރާއްޖޭގެ 20 އަތޮޅުގެ ކޮންމެ އަތޮޅަކުން އެއް ރަށެއްގައި މިއުރަލް ކުރެހުމަށް ވަނީ ހަމަޖެހިފައި އެވެ. މި މިއުރަލްތަކުން ދައްކުވައިދޭނީ އަހަރުމެންގެ ނާޒުކު ތިމާވެއްޓަށް ދިމާވެފައިވާ އެކި އެކި ގޮނަޖެހުންތަކެވެ.

We're excited to be the Digital Partner of the #PaintingForNature2023 Environmental Art Campaign by the @islandartistmv 🧡 pic.twitter.com/kOcKAXDser

advertisement

— Dhiraagu (@Dhiraagu) April 17, 2023

ޕެއިންޓިންގ ފޯ ނޭޗަރ 2023 ކެމްޕެއިންގެ ކުރެހުންތެރިޔަކީ ނ. ވެލިދޫގެ އާޓިސްޓެއް ކަމަށްވާ އަހްމަދު ޝާޒިން މުހައްމަދު, އެހެންނަމަކުން ބުނާނަމަ ދަ އައިލެންޑް އާޓިސްޓެވެ. އަދި މި ކެމްޕެއިން ރާވާފައިވަނީ ޝާޒިންއާއި އެކު އޭނާގެ ބައިވެރިޔާ, ރާއިދާ އަބްދުލް ވައްހާބެވެ.

މި ދެމަފިރިން ރާވާފައިވާ މިއުރަލް ކެމްޕެއިނަކީ ރާއްޖޭގައި މިފަދަކަމެއް ކުރާ ފުރަތަމަ ފަހަރެވެ. އަދި މިކެމްޕެއިން ނިމުމުން ރާއްޖޭގެ ކޮންމެ އަތޮޅެއްގައިވެސް ތިމާވެއްޓާ ބެހޭ މިއުރަލްއެއް އިންނާނެ ކަމަށްވެސް ޝާޒިންވަނީ ފާހަގަކޮށްފައި އެވެ.

Launching our environmental art campaign#paintingfornature#theislandartistpaintingfornature#paintingfornature2023 pic.twitter.com/qBJrTD09LP— the island artist (@islandartistmv) January 19, 2023

“މި ކެމްޕެއިންގެ މަގުސަދަކީ މިއުރަލްތައް މެދުވެރިކޮށް ތިމާވެށީގެ ވާހަކަތައް ޕްރޮމޯޓްކުރުމާއި އަދި ތިމާވެށީގެ ގޮތުން އަހަރުމެންނަށް ކުރިމަތިވެފައިވާ ނުރައްކާތަކަށް ހޭލުންތެރިކުރުމާއި އަދި ތިމާވެށީގެ ގޮތުން ޒިންމާދާރު ކަންކަމަށް ބާރުއެޅުން,” ޝާޒިން ބަޔާންކުރި އެވެ.

މިއުރަލް ކުރެހުމުގެ އިތުރުން ގިވެއަވެތަކާއި, ރަށްރަށުގައި ދިރިއުޅޭ މީހުންގެ އިންޓަވިއުތަކާއި, އަދި ޑިޖިޓަލް ފޮތެއްވެސް ނެރުމަށް ވަނީ މި ކެމްޕެއިންގެ ދަށުން ހަމަޖެހިފައި އެވެ.