ނަފްސާނީ ސިއްހަތުގެ ފަރުވާގައި އާޓް ތެރަޕީގެ ދައުރު

އާޓް ތެރަޕީ އަކީ އުފެއްދުންތެރި ޓެކްނިކްސް ބޭނުންކޮށްގެން އަހަރެމެންގެ ފިކުރުތަކާއި އިހުސާސްތައް ހާމަކުރުމަށް އެހީތެރިވެދޭ ތެރަޕީއެކެވެ. ޚާއްޞަކޮށް ކުޑަކުދިންނާއި، ފުރާވަރުގެ ކުދިން ނުވަތަ ނަފްސާނީ ސިއްޙަތުގެ މައްސަލަތައް ހުންނަ ފަރާތްތަކަށް ކުރެވޭ އިއޙްސާސްތައް ދެނެގަތުމަށް ފައިދާހުރި ކަމަކެކެވެ.

އާޓް ތެރަޕީ ބޭނުންކޮށްގެން ނަފްސާނީ ސިއްހަތުގެ ގިނަ ކަނަކަމަށް ފަރުވާ ހޯދިދާނެއެވެ.  އޭގެ ތެރޭގައި ހާސްކަމާއި، ޑިޕްރެޝަން، ޓްރޮމާ، އަދި މަސްތުވާތަކެތި ބޭނުންކުރުމާއި އަމިއްލަ ނަފްސަށް އިތްބާރު ކުރުމުގެ މައްސަލަތަކާ ކުރިމަތިލާން އެހީތެރިވެދޭނެއެވެ.

advertisement

އާޓް ތެރަޕީގައި މަސައްކަތް ކުރަނީ ތަމްރީނު ލިބިފައިވާ އާޓް ތެރަޕިސްޓަކާ ގުޅިގެން ޖަޒުބާތުތަކާއި އިހްސާސްތައް ދައްކާ ކުރެހުންތައް އުފެއްދުމަށެވެ. މީގެސަބަބުން އެމީހެއްގެ ސިކުނޑިއަށް އަންނަ ޚިޔާލެއް އުފެއްދުމަށްވެސް ހިތްވަރު ލިބޭނެއެވެ. އެއަށްފަހު މި ކުރެހުންތައް ބޭނުންކޮށްގެން ވިސްނުމާއި އިޙްސާސްތަކާ ބެހޭގޮތުން މަޝްވަރާކުރާނެއެވެ. 

އާޓް ތެރަޕީގެ އެހީގައި ކުރިމަތިލާން އުނދަގޫކަންކަން ދެނެގަނެ އަމިއްލަ ނަފްސަށް އޮންނަ އިތުބާރާއި އިހުތިރާމް ރަނގަޅު ކުރުމުގެ އިތުރުން ހާސްކަމާއި ޑިޕްރެޝަންގެ އަލާމާތްތައް ކުޑަކުރެވޭނެ އެވެ. އަދި ވަކިވަކި އާޓްވޯކް ބޭނުންކޮށްގެން އެހެން މީހުންނާއި މުއާމަލާތްކުރުމާއި ، ގުޅުން ބަދަހިވެ، އެހެން މީހުންނާއި އެކު ޚިޔާލާއި މަޝްވަރާކޮށް އެހެން މީހުންނާޢި ގުޅުންބަދަހިކޮށް ދައްކަން ބޭނުންވާ ވާހަކަތަކާއި އިހްސާސްތައް ކިޔައިދިނުމަށްވެސް އެހީތެރވެދޭނެއެވެ.

އެހެންކަމުން އާޓް ތެރަޕީއަކީ ނަފްސާނީ ސިއްހަތުގެ ފަރުވާއަށް މުހިންމު ކަމެކެވެ. މިތެރަޕީގެ ސަބަބުން އުފެއްދުންތެރި ގޮތެއްގައި ޚިޔާލާއި ޖަޒުބާތުތައް ފާޅުކުރުމަށް އެހީތެރިވެދޭނެ މުހިންމު ކަމެކެވެ.