ފެތުމުން ލިބޭ ޖިސްމާނީ އަދި ނަފްސާނީ ފައިދާތައް

ފެތުމަކީ ކޮންމެ އުމުރެއްގެ މީހަކުވެސް ކުރުން ރަނގަޅު ކަސްރަތެކެވެ. ފެތުމުގެ ސަބަބުން ހަށިގަނޑުގެ ބައްޓަމަށް ކުރާ ހެޔޮ އަސަރުގެ އިތުރުން މީހާގެ ނަފްސާނީ ދުޅަހެޔޮކަމަށް ވެސް ރަނގަޅު އަސަރުކުރާނެއެވެ.

ކޮންމެ މީހަކުވެސް ދުޅަހެޔޮ ސިއްހަތެއްގައި ހުރުމަށް ކަސްތަރުކުރުން މުހިންމެވެ. އެގޮތުން އުމުރުން 19-64 އަހަރުގެ ކޮންމެ މީހަކުވެސް ކޮންމެ ދުވަހަކު 20 މިނެޓް ކޮންމެވސް އެރޮބިކް މަސައްކަތެއް ކުރަންވާނެއެވެ. ހަމައެހެންމެ ކުޑަކުދިންވެސް ހެލިފެލިވެ އުޅުމަކީ މުހިންމު ކަމެކެވެ.

advertisement

އެހެންކަމުން މި ގޮތަށް ކުރާ ކަސްރަތެއްގެ ތެރޭގައި ފެތުން ހިމެނިދާނެއެވެ. ސަބަބަކީ ފެތުމުގެ ސަބަބުން އެކި ކަހަލަ ކަންކަމަށް ލިބޭ ފައިދާ ބޮޑުވާތީއެވެ.  ހުރިހާ އުމުރުފުރައެއްގެ މީހުންނަށްވެސް ކުރެވޭ ކަސްރަތެކެވެ. 

ފެތުމުން ލިބޭ ފައިދާތަކުގެ ތެރޭގައި:

• ސްޓްރެސް މެނޭޖްކުރުމަށް އެހީތެރިވެދިނުން – ކަސްރަތަކީ ސްޓްރެސް އާއި އެންޒައިޓީ ފިލުވައިދިނުމަށް ވަރަށް ރަނގަޅު ގޮތެކެވެ.
• އެރޯބިކް ކަސްރަތުގެ ސަބަބުން މޫޑް މަތިވެ ހަމައަކަށް އަޅުވައި، ޖުމްލަގޮތެއްގައި ނުތަނަވަސްކަން ކުޑަކޮށްދެއެވެ.
• މުޅި ހަށިގަނޑަށް ކަސްރަތު ލިބުން –  ފެތުމުން މުޅި ހަށިގަނޑުގެ މައިގަނޑު ހުރިހާ މަސްތަކަށް އަސަރުކުރާނެއެވެ. އެގޮތުން އެމީހާގެ އަތާއި ފަޔާއި ބަނޑަށް ހިމެނެއެވެ. ފެތުމުގެ ސަބަބުން މީހާގެ ހިތުގެ ހިނގުން އެއްވެސް ހާސްކަމަކާއި ނުލާ އަވަސްވާނެއެވެ. މީގެ ގައިގެ ބުންވަރު ވަރުގަދަކޮށް މަސްތައް ބާރުވާނެއެވެ. އަދި މީހާގެ ފިޓްނަސް ލެވެލް ވަރުގަދަކޮށް ބަރުދަން ހިފެހެއްޓުމަށް އެހީތެރިވެދެއެވެ.
• ހުޅުތަކަށް ކުރާ އަސަރު ކުޑަވުން – ހުޅުތަކުގައި މައްސަލަ ހުންނަ މީހުންނަށް ހިނގުން ފަދަ ކަސްތަރެއް ކުރުމަށް އުނދަގޫހުރެއެވެ. އެހެން ނަމަވެސް ފެތުމަކީ އެކަމުގެ ސަބަބުން ހުޅުތަކަށް މާބޮޑު ޕްރެޝަރ ލާންޖެހޭ ކަސްރަތެއް ނޫންކަމުން ހުޅުތަކަށް ކުރާ އަސަރު ކުޑަވާނެއެވެ. އެހެން ކަމުން މިއީ އާތްރައިޓްސް ހުންނަ މީހުންނަށްވެސް ވަރަށް ރަނގަޅު ކަސްރަތެކެވެ.
• ހިތުގގައި ލޭ ހިނގުމަށް ފަސޭހަވުން – ހިތުގގައި ލޭ ހިނގުމަށް ފެތުމުން އެހީތެރިވާގޮތަށް ފެތުމުން ޕުއްޕާމޭގެ ހިނގުމާއި ނޭވާލާނިޒާމްގެ ހިނގުން ރަނގަޅު ކުރުމަށް މިކަމުން އަސަރުކުރެއެވެ. އެހެން ނަމަވެސް ބައެއް ދިރާސާތަކުން ދައްކާގޮތުގައި ސްވިމިންގ ޕޫލް ތަކަށް އަޅާ ކެމިކަލްގެ ސަބަބުން މިފަދަ މީހުނަށް އޭގެ ނޭދެވޭ އަސަރުކޮށްފާނެއެވެ.
•  އަނދާ ކެލޮރީސް ގެ އަދަދު އިތުރުވުން – ފެތުމުގެ ސަބަބުން މިހާގެ ހަކުރު ވެސް ދަށްކޮށް ދެއެވެ. ދިރާސާތަކުން ދައްކާގޮތުން ހަފްތާއަކު 3 ދުވަހު ފެތުމުން މީހާގެ ހަކުރު ހުންނަ މިންވަރު ދަށްކޮށްދެއެވެ. އަދި މެދުމިންވަރެއްގައި އެއްގަޑިއިރަށް ފެތުމަކީ ބާރަށް ފެތުމަށްވުރެ އެކަމުގެ ފައިދާ ހުރިކަމެކެވެ.

ފެތުމުގެ ސަބަބުން ތަފާތު މަސްގުރޫޕްތަކާއި ކާޑިއޯވަސްކިއުލާ ސިސްޓަމް ހިމެނޭއިރު، މި ޙަރަކާތުގެ ސަބަބުން ތަފާތު އެކި ފަރާތްތަކަށް ވަރަށް ފުރިހަމަ ކަސްރަތެއް ލިބިގެންދާނެއެވެ.