ބައްޕަ އާއި ދަރިން އޮންނަ ގުޅުން ރަނގަޅު ކުރާނެ ގޮތްތައް

ކުޑަކުދިން ވަރަށް ގިނަފަހަރަށް މަންމައާއި މާބޮޑަށް އެޓޭޗް ވާނެއެވެ. އެއީ ސަބަބެއްވެސް ނެތިއެއް ނޫނެއެވެ. ނަމަވެސް ބައްޕައާއި ބޮޑަށް ގުޅުން ބޮޑު ކުދިންވެސް އުޅެއެވެ.  ގިނަފަހަރަށް ދަރިފުޅާއި އެކު އުޅެވެނީ މަންމަ ކަމަށްވާތީވެސް އެހެން ވެދާނެއެވެ. ނަމަވެސް މިހާރަކަށް އައިސް ބައްޕައިން ގެ ރޯލު ރަނގަޅަށް އަދާކުރުމަށް ފިރިހެނުން މަސައްކަތް ކުރެއެވެ.

ކުއްޖާގެ ހެދިބޮޑުވުމަށް ބައްޕަ އާއި އެކު އުޅުމަށް ކުރެވިދާނެ ކަންތައްތަކުގެ ތެރޭގައި:

advertisement

• ކުއްޖާގެ ކަންކަމުގައި ޝައުގުވެރިވެ ބައިވެރިވުން – އެކުދިން ޝައުގުވެރިވާ ކަމެއްގައި ޝާމިލްވާށެވެ. މިސާލަކަށް ކުއްޖަކު ވަކި ކަހަލަ ކަމަކަށް ޝައުގުވެރިވާނަމަ އެކަމަކާއި ގުޅޭ މައުލޫމާތު ހޯދާށެވެ. އަދި އެކަމާއި ގުޅޭ ގޭމް ކުޅެ ފިލްމެއްވެސް ބެލިދާނެއެވެ. މިގޮތަށް ކުއްޖާ ޝައުގުހުންނަ ކަންކަމަށް އެކުގައި މަސައްކަތް ކުރުމުން ހެދިބޮޑުވުމަށް ވެސް ރަނގަޅު އަސަރުކުރެއެވެ.
• ކުއްޖާއަށް އަމިއްލަ މިނިވަންކަމަށް ދިނުން – މައިންބަފައިންގެ ހައިސިއްޔަތުން ދަރިފުޅު ރައްކާތެރިގޮތުގައި ގެންގުޅުމަކީ މައިންބަފައިންގެ ޒިންމާއެކެވެ. އެހެން ނަމަވެސް މާބޮޑަށް ދަރިން ޕްރޮޓެކްޓް ކުރުމަކީ އަމިއްލަ ނަފްސައް ކުރާ އިތުބާރު ކުޑަވާކަމެކެވެ. ކުދިންނަށް ޗެލެންޖިން ކަންކަމާއި ކުރިމަތިލާން ދަސްކޮށްދޭންޖެހެއެވެ. އޭރުން އަމިއްލަ އަށް ތިމާ ރައްކާތެރިވާން ދަސްވާނެއެވެ.

މިފަދަ ކަންކަމުގައި ބައެއް ފަހަރު ބައްޕައިން މާބޮޑަށް ދަރިފުޅަށް އެހީވެއެވެ. އެހެން ނަމަވެސް ބައްޕަވެސް މިކަމުގައި ދަރިފުޅަށް އެހީތެރިވާންޖެހެއެވެ.