ފިރިހެނުންގެ ކިބައިން ފެންނަ ޑިޕްރެޝަންގެ އަލާމާތްތަކަކީ ކޮބާ؟

އަންހެނުންވެސް އަދި ފިރިހެނުންނަށްވެސް ނަފްސާނީ މައްސަލަތައް ކުރިމަތިވެދާނެއެވެ. އެހެން ނަމަވެސް އަންހެނުންނާއި ފިރިހެނުން ގެ ފަރާތުން ފެންނަ ނިޝާން ތަކާއި އަލާމަތްތައް ތަފާތުވެދާނެ އެވެ.

ޑިޕްރެޝަންގެ ތަފާތު އަލާމާތްތައް ހުރުމާއި އެކު، އަދި އާންމުކޮށް އަންހެނުންނަށްވުރެ ފިރިހެނުން ޑިޕްރެޝަންގެ ވާހަކަ ދެއްކުމާއި ފަރުވާ ހޯދުމުގެ ފުރުސަތު ކުޑަކަމުން، ގިނަ ފިރިހެނުންނަށް ނަފްސާނީ ބަލިޖެހުމުގެ ފުރުސަތު އޮވެއެވެ. 

advertisement

ޑިޕްރެޝަންގެ ސަބަބުން ފެންނާނެ ބައެއް އަލާމާތްތައް ހުރިހާ އުމުރުފުރައެއްގެ މީހުންގެ ގައިންވެސް ފެނެއެވެ. އެގޮތުން އާއްމުކޮށް ފެންނަ ބައެއް އަލާމަތްތަކުގެ ތެރޭގައި:

•    ދެރަމަ ރޮވޭގޮތްވުން
•    އަމިއްލަ ނަފުސު ކުށްވެރިކުރުން
• ހިތްހަމަޖެހުމަށް ކުރާ ކަންކަން ކުރުމުން އުފާވެރިކަން އިހްސާސްނުވުން
•    ކާހިތްނުވެ ބަރުދަން ލުއިވުން
•  މާގިނައިން ނިދުން ނުވަތަ މާ މަދުން ނިދުން
•  ވަރުބަލިވެ ކަންކަމަށް ސަމާލުކަން ނުދެވުން

ފިރިހެނުންނަށް އަންނަ ބައެއް ބަދަލު ތަކުގެ ތެރޭގައި:

• އާއިލާ އެކުގައި ކުރާ ކަންކަމުގައި ބައިވެރިނުވުން
• ޗުއްޓީ ނުނަގައި މާގަދައަށް މަސައްކަތް ކުރުން
• މަސައްކަތަކާއި އައިލިއީ ޒިންމާ އަދާކުރަން އުނދަގޫވުން
• ހަޔާތުގެ ބައިވެރިޔާ ކޮންޓްރޯލް ކުރުން ނުވަތަ އަނިޔާވެރިވުން
• ފައިސާ ޚަރަދުކުރުން އަދި އަމިއްލަ އަށް މަރުވާ ޚިޔާލުއައުން

ޑިޕްރެޝަން ހުންނަ އަންހެނުން މިކަން ފާޅުކުރަނީ ހިތާމައެއްގެ ގޮތުގައި ނަމަވެސް ބައެއް ފިރިހެނުންނަށް ބޭރުފުށުން މި ޖަޒުބާތު ފާޅުކުރުމުގައި ފަސޭހަކަން ކުޑަވެދާނެއެވެ. އެމީހުންގެ ޖަޒުބާތީ ޙާލަތަށް އަންނަ ބަދަލުތައް، އެހެން ގޮތްގޮތުން ވެސް ފާޅުވެދާނެއެވެ.