ކުޑަކުދިންނަށް އެކަނިވެރިކަން އިހްސާސްކުރެވޭ މިންވަރު ކުޑަކުރުމަށް މައިންބަފައިންނަށް އެހީތެރިވެވިދާނެ

އަހަރެމެންގެ ރާއްޖޭގައި ވޭތުވެދިޔަ ދެތިން އަހަރު ހޭދަކޮށްފައިވަނީ މީހުންނާއި މުޅިންއެކަހެރިގޮތަކަށެވެ. އެއީ ކޮވިޑާއި ހެދިއެވެ. 2020 އަދި 2021  އަހަރު ސްކޫލްތައް ބަންދުކުރުމާއި، ކަރަންޓީނުކުރުމާއި، އާއިލާއާއި އެކު ބާއްވާ އެއްވުންތައް ކެންސަލްކުރުމާއެކު، އަހަރެމެންގެ ތެރެއިން ވަރަށް ގިނަބަޔަކަށް އެކަހެރިވެގެން އުޅުމަށް ވަނީ އާދާވެފައެވެ. އާއިލާއާއި ރައްޓެހިންނާއި އެކު ހޭދަކުރާ ވަގުތު މަދުވުމުން އެކަހެރިވުމަށް އާދާވާނެއެވެ. 

އެހެން ނަމަވެސް ވަރަށްގިނަ މައިންބަފައިންނަށް ތިމާގެ ދަރިފުޅު އެކަނިވެރިކަން އިހްސާސް ކުރެވޭކަން ގަބޫލުކުރަން އުނދަގޫވެދާނެއެވެ. އެކަނިވެރިކަމަކީ ކުޑަކުދިންނަށް ނުވަތަ ބޮޑެތި މީހުންނަށް ވެސް ސިއްހަތަށް ފައިދާހުރި ކަމެއްނޫނެވެ. އެކަނިވެރިކަމަކީ އުނދަގޫ ކަމެކެވެ. އަދި އެއީ އަޅާނުލާ ދޫކޮށްލަންވީ ކަމެއްވެސް ނޫން. ދިގު މުއްދަތަކަށް އެކަނިވެރިކަމުގައި ދެމިހުރުމަކީ އިޖުތިމާޢީ ގޮތުން އެކަހެރިވުމާއި، ހާސްކަމާއި، މާޔޫސްކަމާއި، އަދި ޑިޕްރެޝަން އަށް ވެސް މަގުފަހިވާ ކަމެކެވެ.

advertisement

ދަރިފުޅަށް އެކަނިވެރިކަން އިހުސާސް ކުރެވެމުންދާނަމަ، މިފަދަ ގޮތަކަށް ކުރިމަތިލެވިދާނެއެވެ. 

ކުޑަކުދިންނާއި ފުރާވަރުގެ ކުދިން އެކަކު އަނެކަކާ އާއްމުކޮށް ގުޅުން އޮންނަނީ ސޯޝަލް މީޑިއާ މެދުވެރިކޮށެވެ. ސޯޝަލް މީޑިއާ މެދުވެރިކޮށް ގުޅުންބަދަހިކުރުމުން ކުރު މުއްދަތެއްގެ ތެރޭގައި، އެކަނިވެރިކަމުގެ އިހުސާސް ކުޑަވާނެއެވެ. ސޯޝަލް މީޑިއާ މެދުވެރިކޮށް އާގުޅުން ބަދަހިކުރެއެވެ. އެކަކު އަނެކަކުގެ ޕޯސްޓްތަކަށް ލައިކް ދީ ކޮމެންޓް ކުރުމުން ދެމީހުންގެ ދެމެދު އޮންނަ ގުޅުން ބަދަހިކުރެއެވެ. 

ސޯޝަލް މީޑިއާގައި މި ގޮތަށް ގުޅުންބަދަހި ކުރުމާއި، މީހުންގެ ތެރޭގައި އެކަކު އަނެކަމަށް ދެނަގަނެ ވާހަކަ ދައްކާ އުޅުމުން ކުރެވޭ އިހްސާސް ވަރަށް ތަފާތުވާނެއެވެ. އެކަނިވެރިކަން އިހްސާސްކުރެވޭ މިންވަރު ކުޑަވާނެއެވެ. 

ގުޅުން ވަރުގަދަކުރުން 

ދިރާސާ ކުރާ މީހުން ބުނާގޮތުން ހަޔާތުގެ އެކި އެކި މީހުންނާއި އޮންނަ ގުޅުން ދެނަގަންނަން ޖެހެއެވެ. އެގޮތުން ބައެއް މީހުންނާއި ވަރަށް ވަރުގަދަ ގުޅުމެއް އޮންނައިރު އެހެން މީހަކާއި އޮންނަ ގުޅުމަކީ އެހާ ވަރުގަދަ ގުޅުމަކަށް ނުވެދާނެއެވެ. އެގޮތުން އޮފީހުގައި ތިމާގެ ދަށުން މަސއްކަތް ކުރާމީހުންނާއި ، އޮފީސް ބްރޭކް ގަޑީގައި ދިމާވާމީހުނާއި، ޕާކުން ނުވަތަ ސްކޫލް ދޮށުން ދިމާވާ މީހުންނާއި އޮންނާނީ އެހާ ވަރުގަދަ ގުޅުމެއް ނޫނެވެ. 

އެހެން ނަމަވެސް ގާތް އެކުވެރިންނާއި އާއިލާގެ މީހުންނާއި އޮންނަ ގުޅުމަށް ކިޔާނީ ވަރުގަދަ ގުޅުމެވެ. އެމީހުންނަކީ ކަމަކަށް އެހީތެރިކަން ބޭނުންވާ ވަގުތު އެހީތެރިކަން ހޯދަންތިބޭ މީހުންނެވެ. އެމީހުންނާއި އޮންނަ ގުޅުން އިތުރަށް ވަރުގަދަ ކުރަން ސޯޝަލް މީޑިއާ މެދުވެރިކޮށް ކޮންމެ ދުވަހަކު ވާހަކަދައްކާ ގުޅުން އަލުން ބަދަހިކުރާކަށް ނުޖެހޭނެއެވެ. 

އެކަނިވެރިކަމުގެ އިހްސާސް ކުޑަވަނީ އިޖުތިމާޢީ ގުޅުންބަދަހިކޮށްގެންނެވެ. އެހެން ގޮތަކަށް ބުނާނަމަ، މީހުންނާއެކު ވަގުތު ހޭދަކޮށް، އެކަކު އަނެކެއްގެ ވާހަކަ އަޑުއަހާއިރު، އަޅުގަނޑުމެން އެކަނިވެރިކަން ކުޑަވެއެވެ. އެންމެ މާނަހުރި މުޢާމަލާތްތަކަކީ ގަވާއިދުން، ކުރިއަށްދާ މުޢާމަލާތްތަކެވެ.މުއާމަލާތުކޮށް ބަދަހިކުރާ ގުޅުންތަކެވެ. 

ކޮވިޑާއި އެކު އިޖުތިމާޢީ ގުޅުމަށް އަސަރުކުރި

ބަދަހި ނޫން ގުޅުންތައް ވަރުގަދަ ގުޅުމަކަށް ވެގެންދަނީ މީހުންނާއި އެކު ގަވާއިދުން ވަގުތު ހޭދަކުރުމާއި، އެކަކު އަނެކަކާ ބެހޭގޮތުން އެނގި، ހިއްސާކުރެވޭ ތަޖުރިބާތަކުންނެވެ. 

މިސާލަކަށް އެކުގައި މަސައްކަތް ކުރާ މީހުން ނިންމަނީ މެންދުރުގެ ކެއުމަށް ނުވަތަ ކޮފީ ބޯން ބޭރަށް ނުކުތުމަށެވެ. އެ ވަގުތު ކޮފީ ބޯން ދިއުމުން އެކަކު އަނެކަކާ ބެހޭ ގޮތުން ގިނަ މައުލޫމާތު އެނގިގެންދެއެވެ.  އެއީ އުފާވެރި ވަގުތުކޮޅެއް  ނަމަ، އެމީހުން އަލުން އެކަން ކޮފީއަށް ނުވަތަ ވަގުތުހޭދަކުރުމުގެ ފުރުސަތު އޮންނާނެއެވެ. 

ކުޑަކުދިންނަށް ކޮންމެ ދުވަހަކު ކްލާހުގައި ބައްދަލުވުމުގެ ފުރުސަތު ލިބުމުން އެކުގައި އިންޓަވަލްކުރުމާއި ވާހަކަތައް ޝެއާކޮށް ވަގުތު ހޭދަކުރުމަށް މަގުފަހިވި އެވެ. އެ ވާހަކަތަކުގެ ސަބަބުން ކިޔެވުމާއި ގުޅޭކަންކަމުގެ އިތުރުން އެހެނިހެން ކަންކަން ހިއްސާކުރުމާއި، ސްކޫލަށް ފަހު އެކުގައި ގެއަށް ދިއުމާއި ނުވަތަ މެސެޖުކުރުމާއި ވަގުތު ހޭދަކުރުމުގެ ފުރުސަތު ލިބުނެވެ. 

ނަމަވެސް ކޮވިޑާއި އެކު މިކަން މަޑުޖެހުނެވެ. އޭގެ ފަހުން އެގުޅުން ބަދަހިވެސް ވެދާނެއެވެ. ނުވަތަ އަލުން އެ ގުޅުން އުފެދުމަށް ވަގުތުވެސް ނަގާފާނެއެވެ. އެހެންކަމުން މައިންބަފައިން ކުރިން އޮތް ގުޅުން އެގޮތަށް ބަދަހިކުރުމަށް އެހީތެރިވާންވާނެއެވެ. 

ބައެއް ކުދިންނަށް ރައްޓެހިންނާއި އޮންނަ ގުޅުން ބަދަހިކުރަން ނޭނގިދާނެ

ބައެއް ކުދިންނަކީ އެކުދިންގެ ރައްޓެހިންނާއި އެކު ވަގުތުހޭދަކުރުމަށް މައިންބަފައިން ރާވައިގެން ކަންކަން ކުރާ ކުދިންނެވެ. ރައްޓެހިންނާއި އެކު ހިނގާލަން ދިއުން، ފިހާރައަކަށް ދިއުން، މިކަހަލަ ކަންކަން ބައެއް ކުދިން އަމިއްލަ އަށްރާވަން ފަސްޖެހެއެވެ.

މިކަހަލަ ކަންކަމަށް ކުދިން ފަސެޖެހެނީ އެފަދަ ދައުވަތެއް ރައްޓެއްސަކަށް ދިނުމުން އެކަމަށް ނޫނެކޭ ބުނެފާނެތީއެވެ. އެހެން ކަމުން މައިންބަފައިންގެ ހައިސިއްޔަތުން މިކަންކަމަށް ދަރިންނަށް އެހީތެރިވާން ޖެހެއެވެ. ކުދިންގެ ރައްޓެހިންނާއި އޮންނަ ގުޅުން ބަދަހިކުރުމަށް ކަންކަން ރާވާ އެކުދިން އެއްތަނެއްގައި އުފާވެރި މާހައުލެއް ހޭދަކުރުމުގެ ފުރުސަތުދޭންވާނެއެވެ.