ހިޔާ ފްލެޓްގެ ދެ އެޕާޓްމަންޓްގެ މެދު ފާރު ތަޅާލައި އެއް އެޕާޓްމަންޓަކަށް ހެދި ބަޔަކު 100,000 ރުފިޔާއިން ޖޫރިމަނާކޮށްފި

އާބަންކޯއިން ހަދާފައިވާ އުސޫލުތަކާއި ޚިލާފަށް، ހިޔާ ފްލެޓްގެ ދެ އެޕާޓްމަންޓްގެ މެދު ފާރު ތަޅާލައި އެއް އެޕާޓްމަންޓަކަށް ހެދި ބަޔަކު 100,000 ރުފިޔާއިން ޖޫރިމަނާކޮށްފިއެވެ.

ހިޔާ ފްލެޓުތަކުގެ އިމާރާތެއްގައި ދެ އެޕާޓްމަންޓް އެއްކޮށްލައިގެން ހަދާފައިވާކަމުގެ ރިޕޯޓު ލިބުމާއިގުޅިގެން، ބެލި ބެލުމުން މިހާރު ވަނީ އެއީ ކޮން އެޕާޓްމަންޓްތަކެއްކަން ދެނެގަނެވިފައިވާކަމަށް އާބަންކޯއިންވަނީ ބުނެފައެވެ. މިއެޕާޓްމަންޓުގެ އިންޓީރިއަރ ހެދުމުގެ މަސައްކަތް ކުރި އިރު، އާބަންކޯއިން ހެދިފައިވާ އުސޫލުތަކާއި ހިލާފަށް ދެފަރާތުން ވަނީ ދެ އެޕަރޓްމަންޓުގެ މެދު ފާރު ތަޅާލައި، 4 ކޮޓަރީގެ އެއް އެޕާޓްމަންޓަކަށް ބަދަލުކޮށްފައެވެ.  

advertisement

މި މައްސަލަ ބެލުމަށް ފަހު ކޮންމެ އެޕާރޓްމަންޓެއް، 100،000ރ އިން ޖޫރިމަނާކޮށް، ފަސް ދުވަހުގެ ތެރޭގައި ދެ ފަރާތުން ވެސް އެ ފައިސާ ދެއްކުމަށް ވަނީ އަންގާފައެވެ. އަދި ހިޔާ ފުލެޓުގައި ދެ އެޕަރޓްމަންޓެއް އެއްކޮލައިގެން ޖުރިމަނާ ކުރެވުނު އެޕަރޓްމަންޓުތަށް، 10 ދުވަހުގެ ތެރޭގައި މިކަން އިސްލާހުކޮށް، ފުލެޓު ހަވާލުކުރެވުނު އިރު ހުރިގޮތަށް އިޔާދަ ކުރުމަށް، ފުލެޓުތަކުގެ ވެރިފަރާތްތަކަށް އާބަންކޯއިންވަނީ އަންގައިފައެވެ.