ޓައިޕް 2 ޑައިބެޓީސް ގެ އަލާމާތްތައް

ޓައިޕް 2 ހަކުރުބަލީގެ ސަބަބުން މީހާގެ ލޭގައި ހަކުރު ހުންނަ މިންވަރު މާ މަތިވެއެވެ. އޭގެ ކުރީކޮޅު ފެންނަ އަލާމާތްތަކުގެ ތެރޭގައި ކަރުހިއްކުން އިތުރުވުން ، ގިނައިން ކުޑަކަމުދޔުން އަދި ވަރުބަލިވުން ހިމެނެއެވެ.

ޓައިޕް 2 ހަކުރު ބަލި އަކީ އާއްމު ހާލަތެކެވެ. މި ބަލީގެ އަލާމަތްތައްވެސް ކުރީކޮޅު ފެންނަނީ ވަރަށް ކުޑަކޮށެވެ. އެހެން ކަމުން ބައެއްފަހަރު ޑޮކްޓަރަށް ދައްކައި ޓެސްޓްތައް ހެދުމަށްފަހު ނޫނީ މި ބަލި ހުރިކަން ނޭނގިދާނެއެވެ.

advertisement

ޓައިޕް 2 ހަކުރު ބަލީގެ ބައެއް އަލާމާތްތައް:

•   ގިނައިން ކުޑަކަމުދާން ޖެހުން – ލޭގައި ހަކުރު ހުންނަ މިންވަރު މަތިވުމުން ކިޑްނީ މަސައްކަތް ކުރަނީ ލޭގެ ތެރޭގައި ހުންނަ ހަކުރު ފިލްޓަރކޮށްގެން ބޭރުކުރުމަށެވެ. މިހެންވުމުގެ ސަބަބުން މީހަކު ގިނައިން ކުޑަކަމުދާން ޖެހިދާނެއެވެ. ވަކިން ޚާއްޞަކޮށް ރޭގަނޑު ކުޑަކަމުދެވޭނެއެވެ.
• ކަރުހިއްކުން – ކުރިން ދެންނެވިގޮތަށް ލޭގައި ހުންނަ އިތުރު ހަކުރު ނައްތާލަނީ ކުޑަކަމުދިއުމުންނެވެ. އެއީ ބޭރުވާ އިތުރު ފެންކަމުން ހަށިގަނޑަށް ފެން ބޭނުންވާނެއެވެ. މިކަމުގެ ސަބަބުން ޓައިޕް 2 ހަކުރު ހުންނަ މީހުންނަށް މާބޮޑަށްނުވަތަ އާއްމުކޮށްވުރެ ބޮޑަށް މީހާގެ ގައިގެ ފެންމަދުވެ ކަރުހިއްކާނެއެވެ.
• އަވަސްއަވަހަށް ބަނޑުހައިވުން – ހަކުރުބަލި ހުންނަ މީހުންނަށް ގިނަ ފަހަރަށް ކާ ކާނާއިން އެކަށީގެންވާ ހަކަތައެއް ނުލިބެއެވެ. ސަބަބަކީ ހަކުރުބަލި ހުންނަ މީހުންގެ ގައިގައި ހުންނަ ގްލޫކޯޒް ލޭގެ ތެރެއިން ހަށިގަނޑުގެ ސެލްތަކަށް އެކަށީގެންވާ ވަރަށް ނުދާތީއެވެ. ނަތީޖާއެއްގެ ގޮތުން ޓައިޕް 2 ހަކުރުބަލި ހުންނަ މީހުންނަށް އަވަސް އަވަހަށް ބަނޑުހައިކަން އިހުސާސްކުރެވޭނެއެވެ. އެއީ ކައިގެން މާގިނައިރުތަކެއް ނުވި ނަމަވެސް ވެދާނެގޮތެކެވެ. ހަމަ  މިއައި އެކު ހަކުރު ހުންނަ މީހުންގެ ގައިގެ ހަކަތަ މަދުވެ ވަރުބަލިކަންވެސް އިހްސާސްކުރެވޭނެއެވެ.
• ލޮލުގެ ފެނުން ފަނޑުވުން – ހަކުރު ހުންނަ މީހުންގެ ލޭގައި ހަކުރު ހުންނަމިންވަރު އިތުރުވުމުގެ ސަބަބުން ލޮލުގައި ހުންނަ ލޭހޮޅިތަކަށް ގެއްލުންވެއެވެ. މިކަމުގެ ސަބަބުން ލޮލުގެ ފެނުން ފުސްވެއެވެ. މިގޮށް ދެލޯ ފުސްވުމުގެ ބަދަލުގައި ބައެއް މީހުންގެ އެންމެ ލޮލަކަށް ވެސް ފެނުން ފުސްވާފަހަރު އާދެއެވެ. ހަކުރުބަލި ހުންނަ މީހަކު އެ ބައްޔަށް ފަރުވާނުކޮށްފިނަމަ މި ލޭހޮޅިތަކަށް ލިބޭ ގެއްލުން އިތުރަށް ބޮޑުވެ ފަހުން ދާއިމީ ގޮތެއްގައި ފެނުން ގެއްލިދާނެ އެވެ.  
• ހަންގަޑުގެ އެކި ތަންތަން ކަޅުވުން – ބައެއް މީހުންގެ ހަށިގަނޑުގެ އެކި ތަންތަން ހަކުރުބަލީގެ ސަބަބުން ކަޅުވެއެވެ. އެގޮން ކިހިފަތް، ކަނދުރާ ކަނޅުވެއެވެ. އެހެން ނަމަވެސް އެހެން ބައްޔަކާއި ހެދިވެސް ހަނގަނޑު ކަޅުވެސް ވެދާނެއެވެ. ހަކުރުބަލީގެ ސަބަބުން މިގޮތަށް ހަނގަނޑުގެ ބައެއް ތަންތަން ކަޅުވުމުން “އެކެންތޮސިސް ނިގްރިކަންސް”  އޭ ކިޔައެވެ.

ހަކުރުބަލީގެ އަލާމާތްތައް ފެނިއްޖެނަމަ، ހާއްސަކޮށް މި ހާލަތު ކުރިމަތިވުމުގެ އެހެން ނުރައްކާތެރި ކަންތައްތަކެއް ހުރިނަމަ، ޑޮކްޓަރަށް ދައްކަން ޖެހެ އެވެ. ޓައިޕް 2 ހަކުރުބަލި އަވަހަށް ދެނެގަނެ ފަރުވާ ދިނުމަކީ މީހެއްގެ ސިއްހީހާލަތު ރަނގަޅުކޮށް، ބޮޑެތި ބަލިތަކާއި ކުރިމަތިވުމުގެ ފުރުސަތު ކުޑަކޮށްދޭ ކަމެކެވެ.