ތައުލީމީ ގޮތުން ހޯދާ ކާމިޔާބީ އަކީ ހަމައެކަނީ ކާމިޔާބު ލިބޭނެ ގޮތެއް ނޫން

މިޒަމާނުގައި ކުދިންނަށް ލިބޭ ކާމިޔާބީ ވަރަށް ގިނަ މީހުން މިނަނީ ހޯދާ އޭ ސްޓާއިންނެވެ. ނުވަތަ ކްލާހުން އެންމެ މޮޅު ކުއްޖާގެ ގޮތުގައި ހޯދާ ފާހުންނެވެ. އަދި ކުދިންނަށް މިގޮތަށް މަތީ މާކްސް ހޯދުމަށް މައިންބަފައިން ގެ ޕްރެޝަރވެސް އާދެއެވެ. އެހެން ނަމަވެސް ދިރާސާތަކުން ދައްކަނީ ކުދިން އަމިއްލަ ޝައުގުވެރިކަން ހުންނަ ކަންތައްތައް ކުރުމަށް ފުރުބަތު ދިނުމުން އެކުދިން މާ އުފާވެރި އަދި ކާމިޔާބު ކަމަށެވެ. 

ކުއްޖާ ނާސަރީ ފަށާއިރު ލިޔަން އެނގޭނަމަ ނުވަތަ ރީތިކޮށް ލިޔާނަމަ އެއީ މޮޅުކުއްޖެއް ގޮތަށް ލޭބަލް ކުރެއެވެ. އަދި ސްކޫލްގައި ހޯމް ވޯކް ނުދޭނަމަ ބައެއް މައިންބަފައިނަނަށް ހީވަނީ އެ ސްކޫލްގައި ކިޔަވައިނުދޭކަމަށެވެ. އެނެމެ މޮޅު ސްކޫލުން ދަރިފުޅު ނުކިޔަވާނަމަ މޮޅުނުވެދާނެ ކަމަށްވެސް ހީވެއެވެ. 

advertisement

ތައުލީމީ ދަތުރު 

އަހަރެންންގެ ދެ ބޭބެ ތިބެއެވެ. ދެ މީހުންގެ ދެ ދަރިން ތިބެއެވެ. އެކަކުގެ އަންހެން ކުއްޖެކެވެ. އަނެކަކުގެ ފިރިހެން ކުއްޖެކެވެ. 

ފިހިހެން ކުއްޖާ ހުންނަ ބޭބެ ދިރިއުޅެނީ ވަރަށް ފުދިގެންނެވެ. ކުއްޖާ ދަނީ އިންޓަނޭޝަނަލް ސްކޫލަކަށެވެ. ކުއްޖާ މޮޅު ކުރަން ސްކޫލް ނިމިގެން ހިސާބު އިނގިރޭސި އަދި ދިވެހި ޓިއުޝަން ނަގައެވެ. ޓިއުޝަން ނިމިގެން ސްވިމިން ކްލާހަށް ދެއެވެ. ސްވިމިން ކްލާސް ނިމިގެން އަންނަ މަގުމަތީ ކާރުގައި ހެދުން ބަދަލުކޮށްގެން ގެއަށް ނުގޮސް ދެން ދަނީ ފްޓުބޯޅަ ކުޅުމަށެވެ. އެއީ އެ ކުއްޖާ ހަމައެކަނި ޝައުގުވެރިވާ ކަމަށްވާތީ އެވެ. ގެއަށް އަންނައިރު ވަރުބަލިވެގެން ނިދެނީއެވެ. އެކަނި ނިދަން ބިރުގަންނާތީ އަދިވެސް 13 އަހަރުގެ މި ކޮއްކޮ އެކަނި ނިދަން ކޮޓަރީގައި އޮންނަން ނުކުރެއެވެ. އަނެއްކޮށްޅުން ސްކޫލަށްދާން ފަތިހު ތެދުވަންޖެހެއެވެ. 

ހަފްތާބަންދުގައި އާއިލާ އެންމެން އެއްވާއިރު އަންނަނީ ސްވިމިން ނުވަތަ އެހެން ކުލާހަކަށް ދާން ހެދުންލައިގެން ނުވަތަ ދަބަސްހިފައިގެނެނެވެ. އެހެން ކަޒިންތަކާއި އެކު ކުޅެން ލިބޭ ވަގުތު މަދުވެގެން ޝަކުވާ އެހާވަރަށް ކުރެއެވެ. ކުއްޖާ ހުންނަކީ ވަރުވަލިވެގެން ހަލާކުވެފައެވެ. މަންމަ ބޭނުވާ ނަތީޖާއެއް ނުލިބިދާނެތީއެވެ. މަންމަ ބޭނުންވެގެން ބައިވެރިވި މަދަހަ މުބާރާތުން އެއްވެސް ވަނައެއް ނުލިބިގެން މަންމަ ހުރީ ހިތްހަމަ ނުޖެހިފައެވެ. 

ދެންހުރި ބޭނެގެ ދަރި ދަނީ މާލޭގެ ސަރުކާރު ސްކޫލަކަށެވެ. ހެނދުނު ސްކޫލް ނިންމާ ގޭގައި ފިލާވަޅު ހަދަނީ އެވެ. ޓީއުޝަނަކަށް ނުފޮނުވައެވެ. ހަމައެކަނި ދާ އިތުރު ކުލާހަކީ ސްކޫލް ނެޓްބޯޅައަށެވެ. އެއީ އެކަމަށް ކުއްޖާ ޝައުގުވެރިވާތީއެވެ. ސްކޫލުން ހުރިހާ މާއްދާއަކުން އޭ ނުލިބުނަސް ދެރަނުވާ ކަމަށް ބުނެއެވެ. މީހުންނާއި  އެކީ އުޅެން އެނގެއެވެ. ގޭތެރޭގެ މަސައްކަތް ކުރެއެވެ. މަންމައާއި އެކީ ގޭތެރޭގެ މަސައްކަތުގައި އެހީތެރިވެދެއެވެ. 

މި ކުއްޖާގެ މެންޓަލް ހެންތައް އެއްވެސް އަސަރެއް ނުކުރެއެވެ. މާ އުފާވެރިއެވެ. 

ދިރާސާތަކުން ދައްކާގޮތުގައި ވަކި ޚާއްސަ ސްކޫލްތަކަށް ފޮނުވާ ދަރިވަރުންނަށް އެހެން އާދައިގެ ސްކޫލްތަކަށް ދާކުދިންނަށްވުރެ އެންޒައިޓީ އާއި ކުރިމަތިވާ މިންވަރު އިތުރުވެއެވެ.އެއީ ބައެއް ކުދިންނަށް އެކުދިންނަށް އެދެވޭ ނަތީޖާ ހާސިލްނުވާކަމުގެ މެސެޖް ލިބޭތީއެވެ. 

އެހެން ކަމުން ކުއްޖާ ފޮނުވާ ސްކޫލަކުން ނުވަތަ ހޯދާ ނަތީޖާއަކުން ކުއްޖާގެ ކާމިޔާބީ ވަޒނަކުރުމަކީ ގޯހެކެވެ. އޯލެވެލް އޭލެވެލް އަދި ޔުނިވާސިޓީ ތަކުން މަތީ ފާސްހޯދާ ކުދިން މިއަދު އޮފީސްތަކުގައި މަސައްކަތް ކުރާއިރު މައިންބަފައިން ކުއްޖާއަށް ގޮވާ އޮފީހަށް ފޮނުވާ އޮފީހަށް ގެންގޮސް ބަލާ ދިއުމުން ނޫނީ އޮފީހަށް ނުދެވޭ ކުދިންވެސް އެބަތިއްބެއެވެ. މިފަދަ ކުދިންގެ މަސައްކަތުގެ ފެންވަރު އަދި މީހުންނާއި ގުޅިގެން އުޅޭގޮތާއި އެހެނިހެން ސޯޘަލް ސްކިލްސް ދަށްކަމަށް އެކީގައި މަސައްކަތްކުރާ އޮފީސްތަކުގެ ދުވަސްވީ މީހުން ބުނެއެވެ.